👑 حسناء الآغا 👑

|| الحلقة 116 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 116 Il
تركزت عينيه فهاديك الجملة .. مصدقش لي قاعد يشوف فيه .. حبط بعينيه لباقي لورقة .. شاف صورة قمر و قدامها صورة سعيد .. و امضائهم ملتحت .. يعني هوما مزوجين .. يعني تزوجو بالسر .. يعني لي كان فكرشها وليد حلال .. يعني تقتلت ظلم ..
كل هاد الافكار قاعدين يدورو فراسو .. حسو راح يطرطق ..
بزاف احداث بقاو يتعاودو فراسو .. شدو بين يديه و قعد مدة و هو هكاك ..
ناض كيف الجسد بلا روح .. هاز فيدو عقد الزواج و ايكو البيبي .. حبط لساحة و عيط على قد ما يقدر خلى كامل لي حاضرين يسمعو هدرتو ..
جابر : ختي شريفة عليكم واحد بوااحد .. قمر كانت مزوجة و ماشي كيما راكم تقول عليها .. قمر بريئة .. عقد زواج راهو فيدي ..
بقا يحكي و يعيط و نسا بلي ناس راهم يقولو عليه هو لي قتلها هي و سعيد ..
جاو دخلوهم الرجال للقصر و شاعت الهدرة بلي قمر و سعيد تقتلو ظلم و لحقت الهدرة لهيثم و زاد نقم عليهم اكثر ...
فطنو هيثم من سرحتو وقت رجع هدر ..
هيثم : كامل ظلمناها ماشي نتا برك .. اما دوك ماشي وقت الندم .. وقت انو نخرجوها ملتما ..
و هوما هكاك سمعو صوت طونوبيلات لابوليس يقربو .. راح هيثم لرجال يحوس شكون عيطلهم اما ولا واحد عيطلهم ..
جابر راح عند سمر و هدية دخلهم لطونوبيل و فهمهم لي صرا و اكد عليهم انو ميخرجوش يمكن يصرا طلق ناري فأي لحظة .. وصلو لابوليس و تمركزو فاماكنهم و رجع رئيس الدرك يهدر فمكبر الصوت ..
رئيس الشرطة : استسلموا احسن ما نطلقو عليكم .. واش تحوسو .. وشنو مطالبكم ..
راح هيثم لرئيس شرطة معصب و هدر ..
هيثم : ر** مرتي و يما تما و نتا تقوللهم نطلق عليكم واش هادا ..
رئيس الشرطة : يعني الرهينة هي لي عيطتلنا ..
تصدم هيثم من هدرتو .. مستوعبهاش معا لول .. كيفاه الرهينة هي عيطتلو .. هدر بسرعة ..
هيثم : وشمن رهينة مدلي الرقم ..
جبد الشرطي تيليفونو و مدلو الرقم .. كتبو هيثم فتيليفونو و يدو ترعش ..
حط تيليفون فوذنو يسمع فيه يصوني .. اما مكاش رد ..
فهاداك الوقت جابر عيط لرجالو يجو .. رجع الدعم كبير و عددهم اكثر من عدد رجال محمد ..
محمد كان يراقب فيهم مالتاقة .. استغرب كيفاه عيطو للبوليس ..
فجأة و كأنو واحد خبطو فراسو شك انو ممكن زهرة يكون عندها تيليفون ..
حبط بسرعة لغرفة حسناء ..
هيثم ميأسش و بقا غير يحاول يعيط .. اما مكاش رد لانو تيليفون كان سيلونسيون و زهرة بقات مصدومة و هي تخزر فحسناء لي بقات اكثر من نص ساعة تخزر للسقف و تتنفس بسرعة ..
فجأة تخبط الباب و سمعو صوت محمد من برا يعيط ..
محمد : حلي ر* الباب .. ليوم نقتلك ..
زهرة خافت و ترعب .. ناضت بعدت على الباب حتا لمحت تيليفون يشعل و يطفا طارت ليه هزاتو فيدها و ريبوندات و صوتها يرعش ..
كان راح يكوبي حتا سمع صوت يماه متيليفون ..
زهرة : الو الو عاونوني ..
هيثم : الو يما راكي تسمعي فيا ..
زهرة : هيثم وليدي اجريلنا راح يدخل ..
و بدا صوت لخبيط لعياط يعلى لدرجة انو هيثم سمعو متيليفون و رجع يعيط ..
هيثم : متخاافيش متخاافيش بالاكي على حسناء .. راح ندخل عندكم و نخرجكم ..
زهرة : ح حسناء فط...
#ليلوشة
—————————————————
اوبالاتي 🦋
فرايكمزهرة راح تقولو بلي حسناء فطنت .. راح تمدلو امل من جديد .. محمد واش راح يدبر كي يعرف بلي حسناء فطنت .. راح يستغلها ولا لالا
حطوولي توقعااتكم و اجرووو للحلقة لي موراها عميراتي ..
#ليلوشة