👑 حسناء الآغا 👑

|| الحلقة 29 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 29 Il
-- فلاش باك --
فالوقت لي كان جابر و سمر و سلمان فالطونوبيل .. كانو قراب مالطريق السري لي يدي للقصر .. قرر جابر يروح منو لانو قصير و قريب خير ..
راحو منو و صلو تمتم للقصر .. غير قارا جابر طونوبيل لمح لحثان محطوط فبلاصة غير فبلاصتو .. جات فبالو ديراكت حسناء .. اما محبش يبينلهم .. هدا روحو و تصرف عادي ..
جابر : سمر هايا احبطي نعاونك تطلعي ..
سمر : ايه ..
سلمان : وليدي انا عندي شغل فالمزرعة نروح للتما ..
جابر : ايه بابا معليش .. حقا يما ليوم فليل توصل راهم فالطريق ..
سلمان : ان شاء الله كي توصل عيطلي نجي ..
جابر : ان شاء الله ..
حبط سلمان و راح متوحه للمزرعة بلا ميشوف لحصان يعني حسناء سلكت من عذابو بقا جابر برك ..
حبطت سمر مالطونوبيل و حبط هو و شدها من يدها لانو كانت مزال تلعب عليها دوخة ..
دخلو للقصر و توجهو للدروج طالعين .. بدا يهدر معاها ..
جابر : سمر ردي بالك على روحك .. ماديري والو هاد اليامات .. ارتاحي و اي حاحة تسحقيها قولي للخدمات يجيبوهالك و حتا الا تشهيتي حاحة قوليلي نجيبهالك مالسما ولا ملرض ( و انا تشهيتك نتي خو ههههه ) ..
ضحكت عليه سمر بالصوت و هدرت ..
سمر : لي يشوفك هاكا يقول اول مرة تسمع بيا اونسانت .. عادي راح تكون كيما المرة تاع ياسمين ..
جابر : ماتسالينيش ياك مرتي و لي فكرشها ولادي ..
سمر : هيه خلاص منسالكش ..
وصل لفوق .. خزر بلا ماتفيق سمر لغرفة حسناء .. شاف لباب مفتوحة .. زير على قبضة يدو و رجعت نظتو حادة ..
وصل سمر لغرفتهم .. و هدر معاها ..
جابر : نروح نجيبلك لما و نجي ..
سمر : هاوليك كاين هنا ..
جابر : لالا متشربيش منو قديم .. نجيبلك جديد خير ..
تبسمت على جنب من كثرة اهتمامو و هدرت ..
سمر : ايه خلاص جيبلي ..
خرج بسرعة اما حاول ميبينلهاش .. غلق لباب بلعقل و طاار لغرفة حسناء .. هو غير وصل عندها خرج هيثم منها .. و شافو كيفاش غلق لباب بلعقل ..
غير دار هيثم .. و تقابل وجهو معا وجه جابر ..
جابر زير على قبضة يدو و ضربو بدبزة للوجه ..
جابر : يا طحا*** يا رخ*** واش راكم ديرو فيزوج هنا .. استغلت كي خرجنا و عيطتلك .. عا*** ..
و معا كلمتو لخرة هيثم هز يدو على قد ما يقدر و رجعلو ضربة .. خرج غضبو كامل فيه .. و هدر و هو مزير على سنانو و مركز عينيه فعين جابر ..
هيثم : متقولش عليها عا*** ختك داخت لقيتها فطريق جبتها هنا .. اتعلم تسمع خطرة الجاية .. باينة حياة الطفلة كيفاش راهي معا متعصبين كيما نتوما ..
يسمع فيها جابر و هو يتهرب بعينو منو .. حشم و ندم على هدرتو .. ماتعرفو ميعرفها و قاعد يحامي عليها .. و هو خوها و هدر عليها هكاك ..
تعدا هيثم من جنبو رايح و هو معصب .. اما حبس وقت لي هيثم سقساه بصوت عادي على عكس المرات لي فاتو ..
جابر : وشبيها ..
هيثم : كنت قادر تسقسي وشبيها ملول بلا هرة زايدة ..
جابر : ر** وشبيها ..
هيثم : نسيت تيليفوني هنا .. رجعت باش نجيبو شفتها طايحة فالجنان تاعكم رفدتها و جبتها هنا ..
قرر انو يخبي عليهم و ميقوللهمش انها حاولت تهرب .. اقنع روحو انو راهو يخبي باش يتجنب المشاكل .. اما فالحقيقة خبا عليهم من خوفو عليها ..
جابر : يعطيك الصحة .. و سمحلي على ضربة ..
هيثم : واجبي .. راهي مرتي ..
غمزلو الغمزة لي طلعلو العصب و دار باش يروح .. رجع وقفو صوت جابر ..
جابر : علابالها بلي راح تكون مرتك دوزيام ..
هدر هاكا باش يعصبو .. لانو حس انو مهتم بحسناء ..
نبصات قلبو تسارعو .. للحظة تخايل انها راح ترفض تكون مرتو لوكان تسمع .. بحركة خفيف كاين وصل عند جابر و بيناتهم ميليميترات برك .. هدر و هو يهدد فيه ..
هيثم : افضل ليك متدخلش بيني و بين مرتي انا نفريها .. و الا انا تان ندخل بينك و بين مرتك و عارف واش نقدر ندير ..
جابر : اياك تجبد سيرتها على لسانك .. و اخرج منا احسن ما ندير عفسة متعجبكش ..
هيثم : راني خارج مش حتا تقولي شريك ..
خرج هيثم معصب من هدرت جابر .. قعد يخمم كيفاش راح تكون ردة فعلها .. خاف عليها و مخافش على حيزية لي هي مرتو لولة ..
اما جابر .. دار و راح لعند حسناء .. فتح لباب و دخل .. قايلاتو راقدة .. قدم ليها و هدر يشوف الا عادت لوعيها ولا نن ..
جابر : حسناء .. حسناء راكي فاطنة ..
تحركت شوية .. تبسمت تبسيمة خفيفة و هدرت ..
حسناء : هيثم ....
#ليلوشة
—————————————————
اوبالاتي ❤
حسناء لازملها زيارة الى طبيب العيون هههههه هيثم شافتو معاد و جابر شافتو هيثم .. زعما تتخلط عليها معا جابر ولا يتجاهل هدرتها .. و هيثوووم كيفاه راح يفري حكاية زواج .. فرايك حيزية كيفاه راح تكون .. شخصية جديدة راح تدخل و تجيب معاها بزااااف احدااااث .. خلولي توقعاتكم طواااال عراض و كي نزيد نحط نجمجملكم .. توقيت لي نحط فيه يتبدل وليت نسهر نكتب و نحط تسما كي تنوضو صباح تلقاو الحلقات محطوطين
#ليلوشة