👑 حسناء الآغا 👑

|| الحلقة 24 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 24 Il
تلفت يمين و يسار يشوف شي طريق قادر تجي منها من غير لي دخل منها هو .. هدر بينو و بين روحو ..
هيثم : يمكن جات على طريق لغابة اما هي طفلة و اكيد تخاف ..
قعد يدور و يحوس و فالاخير قرر يروح من جيهة الغابة ..
دخل فيها و بدا يمشي .. و هو يمشي بانولو اثار اقدام فلرض .. تبسم بانتصار و هدر بينو و بين روحو ..
هيثم : ولله ما طلعتي ساهلة يا حسناء ..
كمل يمشي و يتبع فالاثار هادوك و فكل مرة يتلفت موراه يتأكد انو عمو مرجعش يراقبو و انو مكاين حتا واحد لانو حاليا مزالو فأراضي عشيرة آل ضافر و يمكن يقتلوه ..
كمل يمشي هكاك حتا حبس .. لمعو عينيه و هو يخزر فالقصر مالبعيد .. يعني عرف الطريق لي جات منو حسناء باش تلاقات معا خوه ..
تسراعت خطواتو و هو متوجه للقصر باش يكتشف لباب لي خرجت منو ..
رجع قريب مالقصر .. و اكتشف الباب لي خرجت منو .. هدر بصوت خافت ..
هيثم : و دوك عرفت كيفاه خرجتي .. مزال نعرف السبة لي خلاتك تخرجي و علاه خرجتي .. اما كيفاه تفاهموا يتلاقاو فهاديك لبلاصة .. ليكوون معاد جا عندهم للقصر .. مستحيل .. كيففاه طول الوقت و هو معايا ..
كل هاد الافكار قاعدة دور فراسو يحاول يلقا جواب ليها .. نفض مخو منها و قرر يرجع احسن ما يشوفوه ..
كان راح يدور اما سمع صوت لباب تفتح و صوت حركة خفيييفة .. تخبا مور شجرة تما و قعد يراقب بعينيه ..
حتا شافها خارجة مالباب بتخبية و تتلفت يمين و يسار .. شافها خرجت و قابلت لقصر .. سمع صوتها تهدر اما مفهمش بالضبط واش قاعدة تقول ..
لمح زادة الكرطاب لي على ضهرها و تبسم على جنب و هدر ..
هيثم : معولا تهربي اه ..
و هوما هكاك هي واقف و هو يراقب فيها سمعو صوت حس تاع طونوبيل انطلقت بسرعة .. تسأل هو تان على السبب اما مش قادر يروح يشوف .. قرر انو يتبعها ..
كملت ومشي و هو يتبع فيها .. ختا لمح الاسطبل و زاد تأكد من فكرة هروبها ..
-- العودة الى الواقع --
مكملة هي فطريقها و هو يتبع فيها .. نجحت فأنها تدخل للاسطبل بلا ميشوفها حتا واحد .. و حتا هو نجح يدخل موراها بلا متحس عليه و باا متشوفو و بلا ميشوفو حتا واحد ..
تخبا قريب منها يشوف فحركاتها .. و افعالها بكل تركيز ..
وصلت للاسطبل .. دخلت و البسمة على وجها .. حست بحركة موراها اما ممدتلهاش اهتمام و مشكتش بأنو فما شكون قاعد يتبع فيها ..
راحت لعند حصانها .. قاعدة تمسح عليه و تهدر معاه ..
حسناء : برق ليوم نديك معايا فرحلة اما راح ترجع بلا بيا لهنا تفاهمنا ..
جهزت لحصان .. طلعت فوقو و انطلقت بيه .. للمستقبل المجهول ..
هو زادة غير خرجت رفد حصان ملتما و طلع عليه ديراكت و قلع متبعها و لحد الآن مزال مفاقتلوش ...
نرجعو لسبيطار .. وين كان جابر و سلمان يسناو تما .. حتا خرج طبيب .. راح ليه جابر يجري ..
جابر : خير طمني ..
طبيب : آغا مش عارف كيفاه نقولهالك اما ....
#ليلوشة
—————————————————
اوبالاتي 🔥
اولا ليوم و غدوة اصبرو عليا ياك تعرفو العيد و تجهيزاتو .. حطيتلكم هادي بسيف و راني مبلوكيا متعليقات منعرف الا راح تتحط اصلا .. الا بقيت مبلوكيا نفتح كونت جديد ..
فرايكم سمر وشبيها راهي وحدة توقعت و توقعها طاح صحيح هههه الحلقة الجاية نحط اسمها .. فرايكم واش راح يصرا بين حسناء و هيثم .. كيفاه راح يحبسها
خلو توقعاتكم طوااال عراااض و خلو تعليق هنا غير نحط نجمجملكم و تعيشو اطلعو جمجمو الحلقات كاين لي نسيتو مدرتولهمش راهم حابطين
#ليلوشة