👑 حسناء الآغا 👑

|| الحلقة 126 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 126 Il
داها لغابة تهبل .. فيها بحيرة صغيرة و بقاو تما يدورو .. و هي تخزر منبهرة فالطبيعة لي هنا .. حب يخرجها باش تهدي اعصابها لانو ماشي مليح ليها تقلاق .. هدر و هو متبسم ..
هيثم : راكي حاسة روحك مليحة هاكا ..
حسناء : بزاااف تهبل يعطيك الصحة ..
و بلعت على طراف صباعها و باستو من خدو خلاتو يتجمد فبلاصتو ..
رعشة كبيييرة سرات فبدنو .. دقات قلبو تسارعو علخر .. و حتا هي دقات قلبها كانو يتسمعو ..
هيثم : معليش تعاوديها محسيتلهاش ..
حسناء : لالا ..
هيثم : عاوديها قرصتني ناموسة لبارح تخدر خدي هادا عاوديها من هاد الجيهة ..
و اشترلها لخدو الثاني ..
حسناء : اممم اوك ..
و طلعت على طراف صباعها مرة وحدوخرا .. كان راح يدور وجهو باش طيح البوسة فشواربو اما تفكر وعدو لنفسو و اكتفى بالخد برك ..
تبسم و هدر و نظراتو مذبالين و كلهم حب ..
هيثم : عشق عشق ..
تبسمت معاه و بقات دور و هو يشوف فيها و فرحان علخر يمكن فاحلامو و محلمش هاكا ..
مدارش فبالو اصلا بلي ممكن يعشق لهاد الدرجة ..
تعدا نهار و نهارين حتا جازت سمانة .. سمانة تعرفو فيها على بعضهم و قربو لبعضهم اكثر كل يوم يهبلها و كل يوم تهبلو .. كل يوم ينوض يخزر فيها .. كل يوم يخرجها ..
لحق نهار جديد .. نهار غير .. نهار السعادة و الحب و العشق ..
ناضت حسناء قبل هيثم على غير العادة .. دخلت لدوش .. بعدها خرجت تنوض فيه ..
حسناء : هيثم نوض .. هيثم ..
هيثم : خمس دقايق و نوض ..
حسناء : نوووض ..
و نحاتلو لغطا من فوقو باش ينوض بسيف .. خزر فيها بعين مفتوحة و عين مغلوقة مالرقاد و هدرر ..
هيثم : العادة هادي تتحاسبي عليها يا مدام حسناء ..
حسناء : كنا تفاهمنا بلي غدوة تحبط للمدينة تقضي و انا نقي الدار سمر و جابر راهم جايين عندنا ..
هيثم : ايه دوك نوض ..
بعد معاناة كبيرة ناض هيثم من بلاصتو .. دخل عمل دوش و لبس حوايجو و خرج بكري لانو المدينة بعيدة و ممكن يتأخر فالرجعة ..
تبسمت بشر وقت لي خرج و هدرت ..
حسناء : غبي ههههه ...
راحت تنقي فالدار و حطت لعشا يطيب لانو كان كاين قديان كافي اما احتاجت حجة باش تخرجو ماللبيت ...
تعدااو سوايع و سوايع الظلمة قريب طيح .. تأخر بالرجعة و حسناء تقلقت عليه ..
حتا سمعت صوت طونوبيلتو قارات رتاح بالو ..
حبط يجري رافد فيدو القضيان و دخل لدار هازهم فيديه و محبط راسو و يهدر ..
هيثم : حسناء تأخرت سمحيلي كانت سركالة كحل....
مكملش هدرتو و وقت لي طلع راسو و مخزر فيها مصدوووم و مبهووور علخر ...
كانت مقابلة عاملة مكياج ثقيل .. روج حمر يعيط مالبعيد ..
لابسة نويزات فالحرير تهببببل .. مجهزتلو الدنيا بالشموع و طابلة عليها عشا ..
بقا مخلوع فحسناء لي قدامو .. كتلة انوثة .. كتلة اغرااء .. مقدرش يتحكم فروحو اكثر .. طلق القضيان فلرض و طار ليها و حط شواربو على شواربها بعنف ...
بعد عليها يلهث و هي زادت .. دورت يدها ورا رقبتو .. خزرت فشواربو و هدرت ..
حسناء : عندك روج فشواربك ..
قاعد مركز عينيه معا شواربها كيفاش يتحركو .. كان مخدر علخر .. هدر بلا ميحس ..
هيثم : ميهمش ..
و بحركة خفيفة رفدها بين يديه طالع بيها لغرفة النوم ...
#ليلوشة
—————————————————
اوبالاتي 💙
متسناااو مني واالو تعرفوني نحشم و خاطيني كتيبة كذا منا ملهيه احمودة ..
جمجموو و اضاربو فتعليقات نروح نكتب لي موراها و نجي نحطها ..
#ليلوشة