👑 حسناء الآغا 👑

|| الحلقة 93 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 93 Il
عصام : آغا على حساب واش قالو لي فالقصر دخل سراق لدار .. ضرب المدام حيزية و بعدها تلاقا حسناء طالعة فدروج طبعها و صرا لي صرا ..
استغرب هيثم .. كيفاه سراق دخل لدارو .. وواش راح يسرق هاد السراق مثلا .. و شكون الشخص لي متخلي على حياتو لدرجة انو يدخل يسرق قصر الآغا .. رجع هدر ..
هيثم : عصام زيد أتأكد و اجبدلي لي دخل يسرق مالسما ولا ملرض .. و خبر الرجال يجيبو كاميرات و يحطوهم محاوطين القصر و داخل القصر .. لحق الوقت باش نديروهم.. اما متخبر حتا حد انو درنا كاميرات غير الموثوقين و وصيهم ..
عصام : حاضر آغا ..
قص عليه الاتصال .. و عصام راح ينفذ واش قالو هيثم .. و هيثم دار عند حسناء .. قعد قدامها يخزر فيها و يحاول يربط الاحداث فراسو اما مقدرش يتحمل .. راسو وجعو من كثرت التخمام ..
وقف من بلاصتو و توجه للباب خارج مالغرفة .. هو غير فتح الباب قابلو جابر واقف ..
استغرب منو .. خزر فيه و هدر ..
هيثم : خير جابر على صباح ربي ..
حك لحيتو جابر و هدر بتردد ..
جابر : فالحقيقة حاب نهدر معاك .. مالبارح مرقدتش .. ممكن نهدرو على جنب ..
هيثم : اكيد اتفضل ..
حبطو معا بعض للجاردان .. قعدو فكرسي تما .. قعد هيثم يخزر فجابر يسناه يهدر .. حتا طلع راسو جابر و خزر فيه و هدر ..
جابر : هيثم فالحقيقة كذبت عليك فموضوع .. يمكن خفت عليه لانو بابا .. خفت كاش ما يصرالو .. و فنفس الوقت كنت مصدوم من موت ختي و موت خوك .. يمكن زادة كنت صغير فالعمر .. و فرطت فعشرتنا .. كان لازم عليا نوقف معاك منخليكش و نوقف للجانب الظالم ..
عقد حواجبو ..استغرب من هدرتو .. مفهمش واش يقصد ..
هيثم : واش راك تقصد مفهمتش ..
جابر : راني نهدر على سعيد ..
فتح عينيه بسرعة .. وقف مبلاصتو معصب .. نفسو تسارع و هدر ..
هيثم : مرانيش حاب ندير بروبلام هنا ولا نقتلك هنا روح ..
لتفت هيثم رايح معصب .. عروق يديه بارزين .. مشا متوجه لدخلة تاع سبيطار اما وقفو صوت جابر لي خرج عاالي..
جابر : ماشي انا لي قتلت سعيد ...
#ليلوشة
————————————————
اوبالاتي 💙
فرايكم كيفاه راح تكون ردة فعل هيثم .. وصل وقت الصلح ولا مزال !!
حطووولي توقعاتكم راني ميتة و خايفة فنفس الوقت
اعذروني هادا واش كتبت و مضطرة نرقد دك بسك كيما قلتلكم ماما غدوة ندوها سبيطار تعيشو ادعولها و سمحولي ..
غدوة نحط قبل الماتش ليكن فعلمكم نحبكم تصبحو بخير
#ليلوشة