👑 حسناء الآغا 👑

|| الحلقة 67 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 67 Il
حسناء : ولله ...
ملحقتش تكمل هدرتها دخلت حيزية ..
غير فتحت الباب حسناء بعدت على هيثم .. اما شافتهم حيزية .. قدمت ليهم بسرعة و هدرت ..
حيزية : واش كاين ..
هيثم : كيفاه واش كاين ..
حيزية : خلاص والو ..
و خزرت بعصب فحيزية لي كانت تبعد فنظرها .. لمحت الجرحة فشواربها رجعت تغلي .. قدمت عند حسناء و هدرت ..
حيزية : واش عند ففمك وشبيك ..
خزرت فهيثم لقاتو متبسم .. و طلعلها حواجبو بمعنى نتي حبيتي ..
خزرت فيها حسناء قوات روحها و هدرت ..
حسناء : علاه خفتي عليا وقيل ..
عصبت حيزية اكثر .. خزرت فيها خزرة متبشرش بالخير و هدرت ..
حيزية : الا كملتي اخرجي من غرفتي ..
حسناء : ايه كملت .. و شومبرتك بلا منقولك واش ديريلها .. ( قصدها كوليها هههههه ) ..
و دارت حسناء رايحة .. وقفها صوت هيثم كي تقعد فبلاصتو و هدر ..
هيثم : قبل ما تخرجي شوفي الا مكاين حتا واحد بعدها اخرجي ..
تبسمت بلا متحس .. و دارت واش قاتلها .. و خرجت و راحت لغرفتها تلبس ..
فهاداك الوقت حيزية راحت لعند هيثم و حطت يدها فوق يدو و هدرت ..
حيزية : قلبك بيض علابالك ..
خزر فيها مستغرب من هدرت .. رجع هدر هو تان ..
هيثم : مفهمتش ..
حيزية : كي تزوجت حسناء ..
ملامح وجهو تبدلو .. حس الدم نشف فيه .. خاف لي يفكر فيه يخرج صح ..
هيثم : مفهمتش ..
حيزية : علابالي بلي تزوجتها علاجال خوك .. و على جال واش داروه ..
زير قبضة يدو .. وجهو رجع حمر و هدر بصوت عالي ..
هيثم : شكون قال لر** ..
خافت منو حيزية .. رجعت ترعش بلا متحس .. نحا يدو من يدها بقوة يسنا فيها تهدر ..
حيزية : شي ..
هيثم : اهدري ر** ..
حيزية : سمعت زوج يهدرو بلي كانو يشوفوهم دايمن كيفكيف فوضع هكاك مصدقتش رحت سقسيت ماما زهرة و حكاتلي ..
تصدم من هدرتها .. النفس حبس فهاديك دقيقة .. بلع ريقو .. قاعد يستوعب فهدرتها يمكن مسمعش مليح ..
هيثم : و واش قلتي ..
حيزية : شافوهم من قبل كيفكيف يديرو ف.....
قطعلها هدرتها وقت لي رفد كاش و خبطو بكل قوتو لرض حتا تفتت ..
ناضت مفزوعة من قدامو .. حطت يدها على صدرها خايفة .. قلبها رجع يخبط بكل قوتو ..
هيثم : وين راهي ر** ..
و ناض مبلاصتو بسيف .. رايح لعند حسناء يسب و كلهم سمعوه رايح ليها .. حيزية تبعاتو و شادة فقلبها ..
كملت لبست .. كانت قاعدة تمشط شعرها حتا سمعت صوت زجاج تكسر .. تقلقت اما دارت فبالها كاش حاجة طاحت .. بعد مدة قصيرة سمعت صوت عياط قوي و كل مرة يقرب من بيتها ..
وقفت مفزوعة .. و مكانت الا لحظة و دخل عليها كي الغول حتا قريب تنحا لباب من بلاصتو ..
الدم نشف فعروقها كي شافت عينيه ....
#ليلوشة
—————————————————
اوبالاتي 💜
بنت القاف حيزية خلطتها بجملة برك 🥺 مالا كي تبدا الحرب تاع الصح راح تقتل حسناء نورمال .. حطووولي توقعاتكم واش راح يديرلها مثلا ..
نروح نكتب لي موراها و نجي
#ليلوشة