👑 حسناء الآغا 👑

|| الحلقة 83 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 83 Il
مأمنش لي قاعد يسمع فيه ..للحظة قعد سارح فيه .. للحظة رجعت بيه الذاكرة و تفكر انو وقت لي كان يغيب الطبيب حيزية كانت تغيب .. تفكر وقت لي كان يسنا وحدو فالكولوار و حيزية مكاش ..
فطنو من سرحتو جمال كي رجع هدر ..
جمال : كان عندها تسمم .. اما حمل مكاش .. من الافضل تروحو للطبيبة تاع نسا و تكشف عليها يمكن يكون عندها خلل ..
عنقو هيقم و هدر و هدرة خارجة من قلبو صوت الفرحة غالب صوتو ..
هيثم : يعطيك الصحة خويا ولله ما ننسالك خيرك ..
رجع بعد عليه .. رجعو ملامحو جدية و هدر ..
هيثم : راح نروح لمكتب الطبيب و نرجع ..
ناض هيثم من قدامو كي المهبول .. ناض بسرعة كبيرة رايح ليه ..
فتح الباب و دخل بقوة لدرجة انو خلى الطبيب يتفزع و يطيح لورق لي فيدو .. خزر فيه مستغرب و خايف فنفس الوقت ..
طبيب : معلموكش طبطب فالب....
مكملش هدرتو ضربو بدبزة للوجه .. طاح فلرض .. رفدو من اللبسة لي لابسها و هدر بجدية و ملامحو و نظرتو تخوف ..
هيثم : نظن عرفتني ..
تفكرو طبيب .. بلع ريقو و هدر ..
طبيب : ايه عرفتك .. خير كاش ما صرالها المادام ..
هيثم : مراهيش حامل .. شكون قالك قول راهي حامل ..
طبيب : كيفاش ..
هيثم : ر** متهبلنيش و تلعبها نية فالهبال شكون قالك قول راهي حامل ..
طبيب : المرا لي جات معاك قالت انو المادام مريضة و كانت راح تنتاحر قاتلي قوللها راهي حامل باش تخاف على البيبي و تتمسك بحياتها هادامكان ولله خاطيني ..
طلقو و طبعو .. قعد يخمم فافعال حيزية .. تفكر انو حسناء راهي معاها فدار و يمكن كاش ما ديرلها .. تأكد انها مريضة و ماشبي نورمال ..
كان خارج يجري .. حبس و دار لطبيب هدر بتهديد ..
هيثم : حسابك معايا مزال مخلاصش ..
و خرج يجري .. لقا رجالو برا .. فهمهم انو مكاين والو و طلع فطونوبيلتو طاير للقصر .. ميت بالسعادة اما حاجة قاعدة تقولو انو سعادتك ماشي مطولة .. فراغ يحس فيه داخلو مش عارف سببو ..
بعد ما بدات تنزف حسناء من راسها .. حيزية ماتت بالخلعة ..
حبطت ليها بلعقل و هدرت ..
حيزية : نوضي بركاي ما تمثلي .. نوضي ..
اما مكاش ردة فعل .. و دم قاعد غير يقوى .. رجع لونها صفر .. رعشة حكمتها .. معرفتش واش دير ..
خلاتها هكاك و طلعت تجري لغرفتها .. غلقت لباب تما و قعدت فلرض ترعش ..
حيزية : يا ربي يقتلني هيثم يقتلني ..
ماشي خايفة على حسناء .. اما خايفة على روحها .. خايفة هيثم يعرف انو هي لي طبعتها و هي السبة فلي صرا ..
وصل للقصر .. حبس طونوبيل قوة .. و دخل البسمة على وجهو .. فتح باب القصر و دخل غلق الباب موراه و دار و يا ليتو ما دار .....
#ليلوشة
—————————————————
اوبالاتي 💜
حطولي توقعاااتكم .. مبقااااش بزاف على النهاية .. فرايكم واش راح يصرا .. فرايكم دور حيزية راح يخلاص ولا مزال .. فرايكم محمد راح يخلاص دورو تمتم ولا راح يطول .. خلو توقعاتكم نروح نكتب لي موراها و نجي نحطها
#ليلوشة