👑 حسناء الآغا 👑

|| الحلقة 16 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 16 Il
حسناء : ليووم نهرب .. مستحيل نخليهم يزوجوني بواحد كيما هاداك ..
دخلت تجري لغرفتها .. هزت الكرطاب لي وجداتو .. حطاتو تحت سريرها باش يجيها ساهل كي تديه ..
خرجت من غرفتها بلعقل و راحت لغرفة سمر .. طبطبت الباب بلعقل و هدرت بهمس ..
حسناء : سمر .. سمر ..
تفتح الباب و قابلها جابر .. مكانتش متوقعة يكون فدار .. وجها راح الوان و جا الوان ..
جابر : واش تحوسي ..
هدرت بإرتباك و خوف ..
حسناء : ا ا انا ح حبيت س...
جابر : علاه راكي تهدري هاكا اهدري مسقم ولا اسكتي ..
خذات نفس عمييق .. و قوات روحها فالنهاية هو مراهوش عارف لواش راهي مخططة معندها علاه تخاف ..
حسناء : حبيت سمر تعاوني نسحقها ..
جابر : راهي عيانة ..
حسناء : وشبيها .. طبعاتو و دخلت بلا متسقسيه اصلا ..
دخلت لقاتها قاعدة ففراشها .. راحت تجري ليها بلهفة و بخلعة فنفس الوقت ..
حسناء : سمر وشبيك ..
سمر : مابيا والو حسنوش دخت شوية برك مالضربة تاع الاسطبل ..
حسناء : راكي سور عيطتو لطبيب ..
سمر : مكالاه علابالي مكاين والو شوية دوخة برك ( راكم تخمو فيمن راني نخمم هههههه ) ..
جابر : قتلك مراهيش مليحة خليها ترتاح ..
خزرت فيه سمر و حلتلو عينها بمعنى اسكت ..
حسناء : علابالي نخليها ترتاح بلا متقولي ..
ناضت باستها من خدها و خرجت تمشي لغرفتها و تخمم كيفاه راح دير بدون مساعدة سمر ..
دهلت لغرفتها و غلقت لباب على روحها و تكسلت فسريرها تخزر لسقف و تخمم كيفاه دير ..
نولو عند جابر لي بعد ما خرجت حسناء مالغرفة قعد قدام سمر و شدلها يدها ..
جابر : سمر خليني نعيط لطبيب باش نطمن عليك ..
سمر : يا جابر مكاين والو .. حبيت ديرلي حاجة الا صح تحبني ..
جابر : وشنو هي ..
سمر : اتصرف بليونة شوية معا حسناء .. راك تجرحها بهدرتك ..
محبش يتناقش معاها عارف بلي راهي تاعبة بزااف .. هزلها براسو بمعنى ايه و هدر ..
جابر : نحاول ..
سمر : ما عندها حتا ذنب ... قطع هدرتها صوت الباب يدق ..
جابر : دوك نجي نكملو نهدرو ..
ناض من بلاصتو و راح متوجه للباب .. فتحها قابلوا سلمان واقف ..
خرج و غلق الباب موراه ..
جابر : انعم بابا ماشي من عادتك تجي لعندي ..
سلمان : موضوع مهم ..
جابر : خير ان شاء الله ..
سلمان : هيثم جاي يخطب حسناء ..
زير على قبضة يدو .. عرقو برزوا .. نظرتو رجعت حادة .. و هدر ..
جابر : يعني صح حاب يتزوجها ..
سلمان : ايه .. ماعندنا حتا حل ..
جابر : معليش كي يوصلو عيطلي ..
و جاز عليه معصب بزاااف .. حبط للقبو لي مالف يعمل فيه صبور و فرغ غضبو كاااامل تما .. يضرب و يعيط ..
ختو راح يديها عدوو .. راح تروح لدار اعداءهم .. شيء لي مقدرش يتقبلوا ..
جابر : اه يا حسناء واش درتي اه ....
#ليلوشة
—————————————————
اوبالاتي 🔥
احممم البسوا مليح للخطبة يرحم باباكم .. زعما تفوت الخطبة بخير بلا مشاكل .. زعما سمر تحكي لجابر واش صرا لحسناء ولا لالا .. هيثم و حسناء كيفاه راح يكون لقاءهم معا بعض ..
و طبعااا متنسااوش معولا تهرب ..
خلولي توقعاتكم طوااال عراض و خلو جمجموم هنااا غير نزسد نحط نجمجملكم
#ليلوشة