👑 حسناء الآغا 👑

|| الحلقة 61 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 61 Il
تبسم تبسيمة خفيفة .. عدا يدو على وجهو .. و كمل مشيتو ليها بلعقل ..
يحاول ميعملش الحس باش نتنوضش ..
راح لجيهتها قابلاتو راقدة .. عينيه ذبالو .. تفكر كي لقاها راقدة فوق يدو .. كيفاش كان ليها الامان تما .. و دوك كيفاش رجع ..
بين لحظة و ختها تغيرت نظرتها ليه .. و هو بين لحظة و ختها الشك و الغيرة عماولو عينيه ..
تقدم ليها اكثر و قعد على ركبتيه بصعوبة ..
رجع وجهو مقابل وجها .. ميل راسو شوية و بقا يتأمل فوجها .. سبحان الله لي خلقها .. كأنو براءة الدنيا كلها حطها فوجها ..
قاعد يثبت فتفاصيلها ..
شهقتها لي مزالت حتى و هي راقدة .. رعشة شواربها لي طيحت منو النص ..
عينيها لي حاب يشوفهم بصح ميقدرش .. عارف نظرتهم راح توجعو ..
حط يدو فوق شعرها و قاعد يعدي فيها بحنية و يخزر فيها كالبيبي الصغير كي ينوض فليل و يبقا يخزر فيماه ..
بعد ما كانت راقدة على جنبها .. دارت و رقدت على ظهرها .. جا شعرها على وجها .. بعدهولها بلعقل و بدا يهدر .. حب يفرغ قلبو عيا ..
هيثم : صورتك معا معاد محبتش تروح من عقلي .. مرانيش قادر نتقبل فكرة انو مسك شخص وحدوخر و شكون خويا .. و حتا ممكن تكوني حامل منو ..
تبسم بانكسار .. حبط راسو يخبي فدموعو و رجع خزر فيها و هدر ...
هيثم : يعني وليدكم نربيه انا .. منقدرش .. حاب نعرف علاه رحتي ليه .. من وين تعرفيه .. وشنو هي الحاجة لي خلاتك تتلاقاي بعبد من اعدائكم بالتخبية .. الا اذا كنتي ....
و مقدرش يكمل هدرتو .. فوق طاقتو .. فيزوج قلبهم يوجع ..
هيثم : الا اذا كنتي عشيقتو ..
هيثم : مستحيل نتقبلها .. منقدرش .. معلاباليش علاه و كيفاش و وقتاش اما حبيتك ليا وحدي .. عارفة لوكان نقدر نخبيك مالهوا نخبيك .. لوكان نقدر نخبي عينيك و غير انا نشوفهم نخبيهم ..
مقدرتش يكمل هدرتو .. حط راسو فوق لفراش و قعد يخزر فيها لمدة طويلة ..
فهاداك الوقت ناضت سمر فليل .. و قعدت تنوض فجابر ..
سمر : جابر نوض .. جاااابر ..
جابر : ام خيرر ..
سمر : حبيت حاجة ..
جابر : ارقدي و غدوة قولييلي وشنو هي الحاجة ..
ضرباتو عللى كتفو بعصب و رجعت هدرت و هي معقدة حواجبها ..
سمر : ماشي انا لي حبيت مالمخلوع ولادك .. حبو شيكولة دوووك ..
جابر : سمر احبطي لتحت و شوفي لفريجيدار تلقاي ..
سمر : لالا ماشي هاديك .. حبيت لي يبيعها عمي نور الدين هاديك الزرقة تاع جوز الهند ..
جابر : راهو غالق دوك ..
سمر : معليش نوضو يفتحلك الحانوت و جيبلي خمسة ..هااايا تعيش ..
جابر : يااا ربي صبرني ..
ناض لبس حوايجو بعين مغلوقة و عين مفتوحة .. خزرت فيه تبسمت معاه و بعتتلو بوسة فالهوا .. فتح لباب و خرج راح يجيبلها واش حبت ..
رجعت هدرت بينها و بين روحها ..
سمر : يا درا حسناء واش راهي دايرة فيها ..
نرجعو لحسناء .. لي كانت تحت انظار هيثم .. اما عينيه كانو مركزين فشواربها ..
بقات فقلبو البوسة تاع مقبيل .. طلع راسو .. و تقدم ليها .. حتا بقاو بيناتهم سنتيميتراات صغاااار .. رجع نفسو يخبط فوجها .. و نفسها فوجها .. عينيها متركزين على شواربها ..
غمض عينو و زاد قرب اكثر ... ( سوووفاج ميحشمش شرير .. ) ...
#ليلوشة
—————————————————
اوبالاتي 💜
حطوووولي توقعاااتكم واش راح يصرا بين حسناااء و حيزية و هيثم راح يرجع كيما كان شوية ولا والو ..
و كيما قلتلكم جهزووولي نفسكم لدخوول الطرف الرابع .. طرف اقوى .. اكشن و رصاااص و حرب راااهي جاية .. حطوولي توقعاتتكم تعرفو افكاري احممم
شوفو انا هادا واش كتبت دوك عندي عفسة راني ندير فيها ماشي سوور نزيد نكتب مي الا زدت كتبت نحط قبل ما نرقد معلاباليش الوقت شحال و الا مزدتش كتبت نتلاقاو غدوووة
#ليلوشة