👑 حسناء الآغا 👑

|| الحلقة 62 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 62 Il
زاد قرب اكثر .. حتا قاسو شواربو شواربها .. حس بدفاهم و رعشتهم .. مقدرش يتمالك روحو اكثر و زاد فقوة البوسة ( استغفر الله يا ربي سمحلي نحشم نكتب هاكا زريعتكم متزيدوش تقولولي ديريلنا رومنسية هههه ) ..
تقطع عليه .. بعد عليها بلعقل .. جبهتو فوق جبهتها .. نيفو يقيس فنيفها .. قاعد يتنفس بقوة و نفسو يخبط فوجها ..
تبسم و هو يخزر فعينيها مغمضين .. رجع حبط عينيه لشواربها كانو حموووورة دم ..
اما تمتم بعد عينيه من عليهم و هدر بهمس و هو مغمض عينيه و مستمتع باللحظة ..
هيثم : نقسملك بالله غير شواربك عشق ( المقولة الاسطورية تاع هيثم ) ..
قعد مدة طويلة و هو هكاك .. تخدر .. محبش يعاود يبوسها علابالو تنوض .. كان شاد روحو على الشعرة .. فهاداك الوقت كان حبو و قلبو هوما لي غالبين .. بعد صراع كبير استسلم لقلبو .. نسا كل افكار مخو و عقلو و بقا حبو و عشقو هو سيد الموقف .. ( انفصام فالشخصية يا بن عمي ) ..
عند سمر .. ناضت مبلاصتها .. حوست على تيليفونها و قعدت مترددة الا تعيط ولا لالا ..
سمر : نعيط ولا نن .. اكيد تكون نايضة اصلا هو مزال مفطنش اكيد ..
راحت لنيميرو تاعها و عيطت ..
كان مزالو فعالمو .. متبسم ( مرت الدايم ) .. يعدي فيدو على شعرها و يثبت تفاصيل وجها فذاكرتو .. حتا صونا تيليفون خلعو ..
مفاقش لروحو كيفاش لحق ليه و طفاه .. دار بلعقل خاف يكون لقاها ناضت ..
اما بقات راقدة مالتعب محست بوالو ( قريب اغتصبها و مناضتش حلوفة ) ..
تيليفون خلاه يفيق على روحو .. مسح وجهو و هو يخزر فيها .. هاد المرة البوسة غزات تفكيرو .. قاعد يتبسم فوق طاقتو .. قلبو قاعد يخبط بالفرحة .. للحظة تمنى انو راهي مرة بالحق .. تمنى لوكان خلى بصمتو عليها .. تمنى لوكان راهي دوك بين يديه راقدة .. قعد هكاك واقف سارح فيها و الافكار يدو و يجيبو ..
سمر : بنت لحرام طفات تيليفون عليا ..
دخل جابر فيدو ساشي تاع شيكولة .. نساتو و نسات حسناء و نسات الدنيا و ركزت على ساشي .. راحت تجري ليه حسبتلو راح تعنقو كي فتحت يدها هكاك .. اما هي جرات للساشي فتحاتو و بدات تاكل و تستبن و هو خزر فيها مستغرب .. راح ديراكت لفراشو كمل رقادو و هي بقات تاكل كي المهبولة ..
فهاداك الوقت دارت حيزية على جنب و رمات يدها لبلاصة هيثم و هي مغمضة عينها .. حتا طاحت يدها فالفراغ ..
فتحت عينها بسرعة و ناضت تجري مبلاصتها .. خزرت فبلاصتو ملقاتوش .. دارت فبالها دخل لدوش .. عيطت بصوت مسموع ..
حيزية : هيثم .. هيثم ..
اما مرجعلهاش .. راحت لدوش و طبطبتلو ..
حيزية : هيثم راك هنا ..
اما مكاش رد .. فتحت لباب ملقاتوش داخل .. تمتم جا فبالها انو راح عند حسناء ..
رجعت تجري لشومبرة و توجهت للباب بسرعة و هي تتحلف فيهم ..
فتحتها و خرجت متوجهة للغرفة تاع حسناء ....
#ليلوشة
—————————————————
اوبالاتي 💜
احمم العشق و الغرام درتلكم بوسة بصح علابالكم نحشم مالا غير استغلوا منا على 100 سنة منزيدش ندير بوسة ههههه
زعمااا حيزية راح تخلطها !! زعما راح تلقاه تما
حطوولي توقعاتكم و من فضلكم الحلقات جمجموهم كامل كاين لي راكم تفوتوهم كاين لي قريب 500 و كاين لي 450 ملحقوهاش عناه 🥺
#ليلوشة