👑 حسناء الآغا 👑

|| الحلقة 97 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 97 Il
كان قاعد حاط راسو على يد حسناء .. يتفكر فيها كي كانت مهتمة بيه كي تصاوب .. تفكر البوسة تبسم تلقائيا ..
و هو هكاك صونا تيليفونو .. طلع راسو و رفدو .. و هز ..
هيثم : الو ..
زهرة : صباح الخير وليدي وشراك ..
هيثم : حمدلله ..
زهرة : و هاديك وشراهي ..
هيثم : اسمها حسناء ولا مرتي و راهس كسما خليتوها ..
زهرة : وليدي ارواح لدار نحتاجك ..
هيثم : منقدرش نخلي حسناء وحدها .. خليها لوقت وحدوخر .. كي نجيبها للدار نهدرو ..
زهرة : الامر ضروري علاجالها تخلي يماك لي كبراتك تسنا ..
لعبتلو على الوتر الحساس .. عدا يدو على وجهو .. نفخ بالقاوي و هو يخزر فحسناء و هدر ..
هيثم : حاضر مسافة نص ساعة و نكون عندك ..
زهرة : متتأخرش..
قص عليها الاتصال .. باش حسناء من راسها .. غطاها مليح و خرج من عندها ..
حبط ركب فسيارتو و طار بيها للقصر .. حايب يرجع تمتم .. ماشي قادر يفارقها دقيقة خايف عليها بلا سبة ..
بعد ما قصت زهرة علسه راحت عند حيزية .. لقاتها تحط اللمسات الاخيرة فالطياب ..
زهرة : ماشاء الله على كنتي ..
طلعت راسها حيزية .. خزرت فيها متبسمة زعما حشمت و هدرت ..
حيزية : هههه تعيشي ماما ..
زهرة : اسمعي هيثم راهو جاي ..
فتحت عينها بقوة و هدرت ..
حيزية : صح كيفاه قنعتيه ..
زهرة : ميهمش المهم قنعتو .. اطلعي جهزي روحك بلا منوصيك و انا نروح نعيط للامام ..
هزتلها حيزية براسها بمعنى ايه .. حطت من يدها و عيطت للخدامات يكملو عليها و هي طلعت تعمل دوش و تجهز روحها ..
زهرة عيطت لواحد من الرجال و قاتلو يعيط لامام العشيرة ..
بعد عشر دقايق كان وصل .. فهماتو زهرة لي صرا و حكاتلو انو طلقها طلقة وحدة ..
الامام : نقدر نفتحلهم اما قوليلو يطول بالو الطلاق ماشي ساهل طلقها مرة بقاولو مرتين و مكاش لعب فالدين الا طلقها 3 مرات لازم ينكحها راجل غيرو باش يقدر يعاود يتزوجها هو ..
زهرة : ايه عارفة شيخنا .. اما هو مزالو معصب عليها يمكن ميقبلش تمتم دوك من فضلك اسناني نقنعو ..
الامام : مكاش مشكل المهم متتشتش العائلة ..
خلاتو قاعد فالصالون و طلعت عند حيزية .. لقاتها جهزت روحها و حطت خيمار لانو الامام كان تما ..
زهرة : هايا نحبطو قبل ما يجي هيثم مبقاش و يوصل ..
حبطو مع بعض .. وصلو للصالون كانو راح يقعدو حتا تفتح الباب و دخل هيثم ..
قابلو الامام قاعد و حيظية حاطة عليها خمار .. فهم لي قاعد يصرا ..
قربت ليهم يزرب و هدر بعصب معا يماه ..
هيثم : ....
#ليلوشة
—————————————————
اوبالاتي 💜
فرايكم راح نتهناو من حيزية ولا مزال .. ولا زهرة راح تقدر تقنع هيثم انو يرجع يفتح عليها .. و حسناء فرايكم راح تتجاوز الغيبوبة ولا مزال ..
علاقتو معا جابر كيفاه راح تكون .. و محمد لي قاعد يراقب فيه فرايكم لواش راهو يخطط بعد ما عرفنا انو حاب يقتلو هو و حسناء ..
حطوولي توقعاتكم و اجروو للحلقة لي موراها ..
#ليلوشة