👑 حسناء الآغا 👑

|| الحلقة 71 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 71 Il
حطت يدها على خدها .. صدى الكف السباعي الابعاد قاعد غير يتعاود .. ( ديديكاس لاوبالات فالغيبية صايي ربي يخلص .. ) ..
لعت راسها ليه .. خزرت فيه و دموع متحجرين فعينها .. رجعت دارت للخدامة و عيطت فوجها ..
حيزية : طيري منااااا ..
و رجعت تتنفس بالقاوي محملتش انها تضربت قدام الخدامة .. رجعت هدرت معا هيثم ..
حيزية : علاه .. واش درتلك ..
قرب ليها حتا مبقاتش مسافة بيناتهم .. يهدر بصوت كلو تهديد و عصبية ..
هيثم : نزيد نسمعك قلتي كلمة خايبة عليها راح تشوفي ما كثر ..
تعصبت اكثر .. بدات تعلي فصوتها و تهدر بيدها ( تخلطت عليها .. )
حيزية : كييفاه كييفاه .. قلت الحقيقة .. و علاه راك دافع عليه اه ..
تعصب كان راح يزيد يمد يدو اما حاول يتمالك روحو و هدر ..
هيثم : نقصي ر* صوتك عليها ولا نقكلعلك ر* لسانك سمعتي .. و حسناء مرتي حبيتي ولا كرهتي .. مرتي و ندير فيها واش نحب .. و نقول لي نحب .. فهمتييي ..
حيزية : لالا ماشي مرتك .. عشيقة خوك ..
كلمتها الاخيرة رجعاتو نفس الشخص لي كان راح يغتصب حسناء ..
تبدلت نظرتو و رجعت تخوف اكثر .. حيزية تقطع حسها ..
بحركة خفيفة كان لسقها فالحيط و يدو مزيرها على فكها حتا مقدرتش تهدر ..
هيثم : نزيد نسمع دين ب**** جبدت حسناء على فمك نرجعك منين جبتك ..
جملتو الاخيرة طيحت منها النص .. بين لحظة و لحظة تقلبت الموازين ضدها ..
رجعت تتنفس بسرعة .. مهدرت حتا كلمة .. خلاتو هكاك حتا هدا ..
طلقها جات طايحة فلرض و رجع حابط معصب علخر .. لي يشوفو يخافو .. راح عند عصام .. هز مفاتح الطونوبيل و طار للقطعة تاع الارض هاديك ..
فهاداك الوقت حسناء كانت راقدة و شهقة ففمها .. منامتها كلهم كانو بين هيثم و معاد .. بقاات هكااك حتا دخلت عندها الخدامة هازة فيدها الماكلة .. حطتهالها فوق لاطابل و فيقتها ..
ناضت بصعوبة و بقات تاكل و دمعة على خدها ..
وصل هيثم للارض هاديك .. هز سلاحو فيدو .. و بقا يمشي تما مخبي باش ميشوفوهش .. وصل عند الصناديق تصدم .. كانو صناديق كباااار و عددهم كبييير .. لوكان لقاتهم الشرطة لوكان دوك راهو فالحبس ..
فتح واحد مالصناديق .. و شاف واش فيه داخل و بدا يهدر معا روحو ..
هيثم : بارود .. مسدسات اغلب الانواع .. كلاش .. رصاص .. بندقيات .. هادا ماشي عمل عادي .. ملحقش يكمل هدرتو حتا حس بحاجة باردة تحطت فوق راسو .. و صوت السلاح تفتح .. و خرج صوت رجولي موراه ..
الراجل : آغا هيثم .. شرفتنا ....
#ليلوشة
—————————————————
اوبالاتي 🤍
دخوووول الطرف الرابع 🥺 رااااح تعشقووووه و تعشقووو شخصيتووو رغم انو راح يكووون شرير بصح زل حقربي ..
حطوووولي توقعاتكم طوااال عراض ..
نتلاقاو غدوة فحلقات جدد بيبيشاتي
#ليلوشة