👑 حسناء الآغا 👑

|| الحلقة 122 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 122 Il
وقت لي حسناء و سمر و زهرة لي خرجت من القصر آمنة و هدية شافو هاداك المنظر .. يمكن اجمل شعور ممكن تحسوه .. شعور انعدام التهديد .. انعدام الخوف و الرهبة ..
منظرهم و هوما متعانقين خلى نفسيتهم تطمئن بعد سنوااااات ..
اما فجيهة وحدوخرا و بضبط عند سيارة الشرطة .. كانت حيزية قاعدة فلرض .. عينيها على السلاح لي فيدها مرة و على محمد غارق فدمو مرة وحدوخرا ..
كانت ترعش بكلها و كلمة وحدة تردد فيها ..
حيزية : قتلتو .. قتلتو ..
مرة تضحك و مرة تبكي .. و كانت هادي هي اللحظة لي دخلت فيها حيزية لصدمة خلاتها تفقد عقلها .. يمكن ظلمها هيثم كي محبهاش .. اما لو اتخذت طريق الخير عوض طريق الشر كانت راح تخرج رابحة .. اما للاسف كل شخص و نفسو و تخمامو ...
توجهو البوليس ليها .. حطولها ليمينوت فيدها من دون ما تقاومهم كانت هادية علخر و تضحك بالصوت .. ركبوها سيارة الشرطة و داوها تلقا مصيرها ...
محمد غطااوه و خلاوه تما حتا تجي سيارة الاسعاف و تديه ...
بعدما تفاهم هيثم و جابر .. راح جابر بخطوات متثاقلين لحسناء .. منها حشمان و منها خايف ..
وصل ليها و هدر ..
جابر : حسناء ..
دارت ليها .. خزرت فعينو برك فهمت عليه .. فهكت بلي عرف الحقيقة و عرف لي صرا .. اما هو خوها و يبقى خوها و سندها .. محبتش تحرجو و هدرت ..
حسناء : خويا ..
و عنقاتو على قد ما تقدر .. و حتا هو عنقها و هدر و دموع فعينيه ..
جابر : سامحيني ختي غلطت فحقك بزاااف سامحيني ..
حسناء : راك مساامح دنيا و آخرة ..
ملحقوش يكملو هدرتهم .. سمعو صوت سمر تبكي بالصوت ..
بعد جابر على حسناء و خزر فسمر خايف و نستغرب .. و حتا الحاضرين مكانوش اقل منو ..
جابر : سمر وشبيك راكي تتوجعي ..
سمر : لالا ..
و كملت بكاها .. بالشهقة ...
جابر : وشبيك مالا ..
سمر : تأثرت ...
طرطقو عليها بالضحك .. اخر شي كانو متوقعين يسمعوه .. دارو فبالهم انها راهي تتوجع ..
زهرة اعتذرت مرة وحدوخرا من حسناء و تسالمت هي و هدية و اعلنوا صلحهم بعد ما بانت الحقيقة ..
بعد ما كملووا هدرتهم كامل .. هدر هيثم ..
هيثم : القصر راح نخلوه سمانة للترميم و التنظيف ..
زهرة : ايه وليدي رجع كارثة ..
حسناء : و وين نروحو ..
هدر جابر قبل ما يهدر هيثم و مد اقتراحو ..
جابر : ارواحو عندنا للقصر ...
لمعو عينين سمر و هدرت بكل حماس خلاتهم يضحكو مرة وحدوخرا ..
سمر : اييه ارواحو ارواحو ..
هيثم : لالا نروحو لبيت الجبل نريحو تما الهدوء نريحو راسنا بعد لي صرا و هاكا يفيد حسناء بعد ما رجعتلنا ..
خزر فيها و غمزلها غمزة مع ضحكة شريرة على حنب .. ولات كامل حمرة .. مشافوهش اما زهرة شافتو و هدرت ..
زهرة : انا نروح لعند دار عمك احسن توحشت نسا عمومك نريح معاهم شوية ..
كانت راح تنطق حسناء و تقوللها لالا .. اما سبق هيثم هدر ..
هيثم : ايه صح فكرة مليحة ..
و دار لعند حسناء متبسم بشر يتوعد فيها ....
#ليلوشة
—————————————————
اوبالاتي 💙
جااااهزييين للرومنسية ههههه اربطوا الاحزمة و هي لننطلق .. حطوو جمجمووو و اسناو نكتب الحلقة لي موراها و نجي نحطها تماااام
#ليلوشة