👑 حسناء الآغا 👑

|| الحلقة 28 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 128 Il
حسناء : يعطيك الصحة ..
الطبيبة : ولو واجبي ..
ناضت حسناء .. و خرجت من عند الطبيبة متبسمة .. قابلها هيثم عند الباب رايح جاي متوتر .. هدر بسرعة وقت لي شافها ..
هيثم : واش قاتلك ..
هدرت حسناء بهمس بعد ما قربت ليه..
حسناء : عذراء هههه ..
هدر بصوت عالي خلا كامل لي تما يخزرو فيه ..
هيثم : احلفي .. قولي ولله ...
ضحكت على ردة فعلوو .. رفدها معنقها و يهدر بصوت عالي ..
هيثم : نحبك نحبك ..
حسناء : حبطني بهدلتنا حبطني ..
هبطها و عدلت روحها .. كان ميت بالفرحة .. حتا جازت عليهم وحد لعجوزة و هدرت معا هيثم ..
لعجوزة : مبروك عليكم وليدي يتربا فعزكم ..
حسناء : لال...
مكملتش هدرت قطع عليها هيثم و رجع للعجوزة ..
هيثم : امين الحاجة ربي يحفظك .. و دار عند حسناء غمزلها ..
حسناء : احشم ..
و سبقاتو تمشي للطونوبيل .. لحقها شدها من يدها و رجعو كيفكيف للقصر ..
استقبلوهم بصدر رحب .. كان القصر تعدل كلش فيه .. زهرة تحسنت معاملتها معا حسناء ..
و عداااو يامات و من يامات لاسابيع و من اسابع لشهر و من شهر لخمس شهوور ..
خمس شهزدوور تغيرو فيهم بزااف صوالح .. حيزية حكم عليها بالمؤبد اما بعدما هبلت دخلت لمصحة الامراض العقلية ..
سمر ولدت و جابت توام بنات يهههبللو يشبهولها ليها اكثر ..
جابر و هيثم علاقتهم رجعت افضل من الاول .. سلمان حكماتو جلطة و سببتلو شلل كلي .. رجع قاعد فدار تقوم بيه هدية و خذا جزاء لاعمالو ..
اما حسناء و هيثم علاقتهم تهبل و فالدار كي القط و الفار يظل يهبل فيها اما يعشقها عشق لا حدود له ..
ناضت ليوم عيااانة و جسمها تحس فيه مدقدق .. رمات يدها لبلاصة هيثم ملقاتوش .. حست نفسها قاعدة تغم عليها ..
غير وقفت فبلاصتها حست بالدوخة رجعت قعدت لمدة طويلة باش فطنت و استرجعت توازنها ..
حبطت للتحت كانت زهرة قاعدة تشرب القهوة ..
زهرة : صباح الخير بنتي ..
حسناء : صباح الخير ماما ..
زهرة : بنتي وشبيه لونك صفر ..
حسناء : تعبانة شوية ..
زهرة : كملي قهوتك و اطلعي استراحي ..
هزتلها براسها بمعنى ايه و ناضت زهرة بعد ما صونا تيليفونها .. جات الخدامة و جابت القهوة لحسناء .. هي غير شمت ريحتها حست روحها راح تخرج .. طارت تجري للدوش تستفرغ ..
بعد ما كملت حست روحها ريحت شوية .. غسلت وجها صحصحت و خزرت روحها فلمرايا و هدرت ..
حسناء : الاعراض هادو نعرفهم ..
فردت تيليفونها و عيطت لسمر متوترة ..
حسناء : الو سمر ..
سمر : وي حسناء خير ..
حسناء : سمر معليش تجي ليا نحتاجك ..
سمر : خير ان شاء الله ..
حسناء : جيبيلي تاست تاع الحمل ..
وقفت سمر فبلاصتها و عيطت بالفرحة ..
سمر : اعععع قولي ولله ..
حسناء : مزااال متأكدتش ...
سمر : دوك نجي ..
قصت الاتصال و سمر راحت تجهز روخها باش تروح ليها ..
و حسناء تسطحت فوق سريرها .. حطت يدها فوق كرشها متبسمة و هدرت ..
حسناء : حاساتك راك هنا ...
#ليلوشة
—————————————————
اوبالاتي 💙
حوووجي نعسست و راني نصبر فروحي بلي بقاو زوج حلقات هكاك ههههههه نعسسست يا جدكم بصح معليش ماشي خسارة فعميراتي
جمجموو و اسناو نكتب لي موراها
#ليلوشة