👑 حسناء الآغا 👑

|| الحلقة 79 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 79 Il
بقات مركزة فعينيه تخزر فيه .. اما هو على غير عادتو خزر فيها تمتم و دور وجهو علابالو يضعف قدام نظرتها .. رجعت دورت راسها و بقات تخزر مالكارو .. اما حيزية ملي قلعو مسكتتش بسبب موضوع البيبي .. و هيثم غير يساير فيها و يقول ايه ..
وصلو للقصر .. فتحت حسناء الباب و حبطت مالطونوبيل بسرعة ..
دخلت لقاتهم كامل نايضين يسناو فصالون .. خزرت فيهم بالواحد عينيها معبيين دموع و طلعت لغرفتها تجري .. ماشي حاملة القصر و ماشي حاملة عبادو ..
حبط هيثم و هو يراقب فيها حتا دخلت للقصر .. حبطت موراه حيزية و شداتو من يدو و تبسمت نعاه و هو تبسم فوق القلب ..
دخلو معا بعض .. شافتهم زهرة هكاك فرحت اما مفهمتش واش صرا ..
جهيدة : خير وليدي واشبيها ..
زهرة : لي يشوف يقول بنتك باش راكي متقلقة هاكا عليها ..
صالح : طمنا وليدي ..
الهدرة محبتش تخرج من حلقو .. مقدرش يقول انها حامل .. كل ما يتفكر انها حامل من شخص وحدوخر قلبو يتقطع الف مرة ..
تقدمت حيزية ميتة بالسعادة و هدرت ..
حيزية : حسناء حامل ..
لي كانو تما كلهم عارفين انو اغتصبها معاد .. جهيدة حطت يدها على فمها .. صالح عدا يدو على راسو و زهرة فرحت ..
وليدها هلالها قطعة منو و فنفس الوقت حيزية و هيثم علاقتهم راح تتحسن بعد هاد الخبر ..
زهرة : العاقبة ليكم ..
دارت خزرت فهيثم متبسمة و رجعت دارت لزهرة و هدرت ..
حيزية : امين ماما ..
هيثم بقا هكاك واقف يخزر فيهم .. حس عليه صالح .. اما محبش يبينلو .. من اول ما قالو حاب نتزوجها عرف بلي يحبها .. لانو كان قادر يلقى الف حل غير انو يتزوجها ..
هيثم : تصبحو بخير ..
و جا طالع .. شافتو حيزية غمزت لزهرة و طلعت موراه .. شداتو من يدو و داتو معاها لغرفتها ..
كانت حسناء قاعدة عند الباب تبكي على حساتها لي ضاعت .. ماشي مصدقة انها حامل .. لدرجة انها منتبهتش حتا لكلام طبيب وقت لي قال حامل بشهر و هي عندها اسبوعين من لي تعرضت لواش دارلها معاد يعني حتا لحساب و غالط ..
سمعتهم وقت دخلو معا بعض لغرفة حيزية .. تبسمت بانكسار و هدرت ..
حسناء : هههه منعرف علاه راني نبكي عليه .. هو لي قريب اغتصبني بعد ما اغتصبني خوه .. هو لي ظلمني بالهدرة و زاد ضربني .. وعلاه راهو يوجع قلبي كي خزر فيا هكاك وعلاااه ..
بعد ما دخلو مع بعض للغرفة .. حيزية راحت بدلت حوايجها و لبست نويزات لمعري كتر من لمغطي .. و راحت متوجهة لهيثم ....( زدق زدق ويلي ويلي .. )..
#ليلوشة
—————————————————
اوبالاتي 💜
احمممم لحقنا لداي دااي هههههه زعما راح تصرا ولا لالا .. حطووولي تشو توقعاتكم و ادعو يجوزو الخمس ايام تمتم .. نروح نكتب الحلقة لي مور هادي و نجي ..
#ليلوشة