👑 حسناء الآغا 👑

|| الحلقة 3 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 3 Il
قطع على سرحتها صوت الباب لي تفتح بقوة .. دخل خوها يجري هاز فيدو بنتو و تقدم بسرعة لعند حسناء و عنقها .. فهاديك دقيقة فاقت بلي صوت رصاص حبس و الحالة هدات .. خزرت فخوها و ملامحها جامدين .. عينيها مغرغرين بدموع و وجها لونو صفر .. و هدرت معاها بصوت مسيطرة عليه بحة لبكا ..
حسناء : م مقاسوكش .. ياسمين ياسمين مقاسوهاش ..
جابر ( خوها و لي هو آغا عشيرة آل ظافر ) : لالا متخافيش اشتباك صغير و حليناه .. ياسمين هايليك بين يدي مابيها والو .. روحي اغسلي وجهك و ارجعي لهنا ..
راحت حسناء تغسل وجها بالاك تصحصح شوية .. اما جابر هز تيليفونو و عيط لمرتو ( سمر ) لانو مكانوش فدار خرجو صباح بكري راحو لقبر جدهم هي و ام جابر ( هدية ) و اب جابر ( سلمان ) و عمومو و نسا عمومو و جداتو ( دوجة ) ...
عيطلها فتيليفون .. رجعتلو ..
جابر : الو سمر وين راكم ..
سمر : رانا فطريق خير علاه ..
جابر : جوزيلي بابا دوك اجري ..
سمر تغير لون وجها .. حست انو حاجة مش طبيعية صرات .. رعشة سرات فبدنها ..
سمر : جابر ياسمين .. ياسمين بنتي وشبيها وين راهي ..
بلا ميحس عيط عليها .. من خوفو عليهم ..
جابر : راني نقول ل ر** مدي تيليفون لبابا ياسمين مابيها والو ..
قدمت يدها ل سي سليمان و هدر ..
سمر : بابا جابر حاب يهدر معاك ..
سليمان : انعم وليدي خير ..
جابر : بابا هدي روحك و متبينلهم والو و اسمعني .. تعرضنا لهجوم دوك مالرجال عشيرة شعابني .. اكيد راهم عارفين بلي مراكمش فدار بكل هدوء اطلب مالشوفور يدخل على الطريق الجسر السري ..
سليمان حاول يتمالك اعصابو و ميبين والو ..
سليمان : مكاش مشكل ..
قص الاتصال و هدر معا شوفور بلعقل ..
سليمان : روح مالطريق الجسر سري و زيد فسرعتك ..
شوفور : حاضر ..
بدل الطريق و توجه للطريقهم السري و بالفعل كانو يسناو فيهم فنص طريق اما بعد ما بدلو طريق ملقاوهمش ...
وصلو لدار و دخلو العايلة كامل للصالون تحت حراسة مشددة ..
قعدوا كامل تما و حكالهم جابر واش صرا .. اما حسناء مجبدتش حكاية معاد بقات تسمع فيهم برك ...
سلمان : لازم نعملو حل مراحش تهدا الحالة الا اذا قتلو واحد منا و راح تستمر حكاية الدم هادي ..
جابر : مكاش حل غير انو نواجهوهم .. لوكان متعداوش على شرفنا مطيحش الروح .. يا بابا رانس آغا نخمم على عشيرتي كلها مراحش نخمم على عايلتي برك ..
سلمان : عندك حق .. خمم واش دير و خبرنا انا تعبت نطلع لغرفتي ..
راح سلمان لغرفتو .. و بعد مدة كل واحد منهم طلع لغرفتو .. الا جابر لي بقا مقابل التاقة .. هاز فيدو كاس قهوة و يخمم فحل يرضي طرفين ...
كل هادا تعدا على حسناء و هي تخزر لسما و دموع يطيحو من طراف عينها .. و تحس حاجة تقيلة فوق جسمها .. سمعت صوت طلق ناري فيقها من شرودها .. حست بيه ثقيل اكثر فوقها ..
طلعت راسها و خزرت فيه لقاتو طايح عليها و دم فظهرو .. زادت ترعبت اكثر لدرجة انها فقدت الوعي فهاديك اللحظة .....
#ليلوشة
—————————————————
اوبالاتي 💜
واش رايكم زعما شكون لي تيرا على معاد .. و حكاية ثأر الدم واش راح يصرا فيها .. حاليا ظهرو افراد عشيرة آل ضافر يرك بصح افراد عشيرة شعابني مزال مظهروش فرايكم زعما البطل راح يكون منهم ؟؟؟
حطووولي توقعاااتكم طوااال عرااااض هنا الحالة راااهي مخلطة يا جدكم ههه
و كيما تفاهمنا خلو تعليق فالرد هنا كي نحط نجمجملكم 💜💜
#ليلوشة