👑 حسناء الآغا 👑

|| الحلقة 124 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 124 Il
حسناء : اا ايه ..
حست بلي راح تتخلط معرفتش واش تهدر ارتبكت .. مشاعرها سيطرو عليها دقيقتها اما متقدرش تسلمو روحها بالساهل .. لازم يتعذب شوية باش يوصللها .. تبسمت بشر و هدرت ..
حسناء : ايه ايه غرفتنا كيفكيف ..
و هربت منو بحركة خفيفة .. حس بنسمة باردة تعدات عليه وقت لي بعدت .. غمض عينو بقوة يحاول يتمالك روحو صبر عليها شحال و لازم يزيد يصبر .. فتحهم و هدر ..
هيثم : راح تهبلني ..
تبسم على جنب .. عدا يدو على لحيتو و راح موراها ..
لقاها فالكوزينة بدات تخمل القديان لي جابوه معاهم .. عاونها و طبعا تحت جياحتو و كل مرة يهبلها .. هي تقولو حط الحاجة هنا و هو يدير العكس ..
حسناء : هيثم متهبلنيش حط هنا ..
هيثم : قولي هيثم حبيبي حط هنا ..
ضحكت بالصوت .. حساتو فلحظتها طفل صغير قاعد يهدد بحاجة تافهة .. تاه فابتسامتها كعادتو .. هدرت و فطناتو من سرحتو ..
حسناء : لالا منقولش .. شكون قالك راك حبيبي اصلا ..
عقد حواجبو .. دار روحو زعف .. حط واش كان فيدو و خزر فيها على جنب و هدر ..
هيثم : عند الحق ..
و دار رايح .. حتا وقفو صوتها ..
حسناء : هيثم حبيبي قتلك متحطهاش هنا ..
وساعت تبسيمتو .. دار ليها مدخل يديها فجيابو و يمشي لجيهتها و نظرتو نظرة شر ..
هيثم : قلتي حبيبي اه ..
شافتو جاي ليها قلعت تجري .. هي تجري و هو يجري و الدولة تجري هههههه ...
كملو شغلهم و هوما مرة لعب مرة مضاربة .. نقاو الدار كامل و هيثم مخلاهاش تتعب .. تقريبا دار كلش هو كل مرة تجي راح دير حاجة ينحيلها من يدها و يقوللها توريلو كيفاش يدير ( اللهم زوج كيما هادا ليا و لاوبالاتي ) ..
تعدا الوقت بزربة و طاح ليل .. قعدو يتعشاو معا بعض .. بعد ما دارت حسناء فريت اوملات و سلطة خفيفة ينحو بيها الجوع لانو تأخر الوقت على الطياب ..
هدر هيثم و هو غاطس راسو فالماكلة ياكل ..
هيثم : حسناء نسقسيك ..
حسناء : امم
هيثم : طول الشهرين لي فاتو كنتي تسمعي واش كنت نقولك ولا واش كانو يقولولك ..
و ركز معا وجها يشوف اجابتها ..
شدت ضحكتها بسيف لانو سمعت كامل اعترافاتو و حكاياتو و هدرت بجدية ..
حسناء : لالا مسمعتش علاش كاش ما قتلي حاجة مهمة ..
هيثم : لالا ..
داقتلو لانو كان يحكي من قلبو هاداك لوقت .. حبط راسو يكمل ياكل و حسناء كانت تخزر فيه ملتحت للتحت باش ميشوفهاش ..
كملو عشاهم مع بعض .. خملت حسناء الطبلة و غسلت لماعن .. اما هيثم راح لغرفة النوم بعد ما تعب ..
كملت حسناء شغلها و ترددت انو تروح لعندو .. اما فالاخير قررت تروح .. راجلها و حلالها عادي ..
فتحت الباب بلعقل .. دور وجهو شافها .. تبسم و هدر ..
هيثم : ارواحي ...
#ليلوشة
—————————————————
اوبالاتي 💙
شكلو هيثم تحمس تحميسة تاع لكلاب ههههه الداي الداي راه قريب ليكيب احممم حبيت نتزوج و يغنيلي راجلي مهم جمجموو و اصبرو نكتب لي موراها و نجيييي
#ليلوشة