👑 حسناء الآغا 👑

|| الحلقة 33 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 33 Il
قعد هكاك يعيط .. و كل مرة يتحلف فهيثم .. حتا طاح فلرض من قوة لي كان سكران و رقد تما ..
نرجعو لدار هيثم لي كانت قايمة قاعدة .. كلهم يوجدو للعرس بحكم انو العرس راح يديروه عندهم فالساحة لانو كبيرة بزاف ..
دخل هيثم من باب القصر .. و هو تعبان .. و تايه .. يخمم كيفاه يدير .. ماشي من صفاتو لخدع .. و فنفس الوقت ماشي من صفاتو انو يطلب طفلة و بعدها يبطل عليها سواء كانت حسناء ولا حيزية ..
و هو هكاك قابلاتو يماه فطريقو ..
زهرة : وليدي وين كنت .. عمك صالح رجع وحدو ..
هيثم : كان عندي شغل صغير يما .. قضيتو و جيت
زهرة : معليش وليدي متنساش غدوة عشا لعروسة لازم نروحو ..
هيثم : ايه عارف ..
زهرة : حقا راهي عيطتلي عروستي لحبيبة .. قاتلي عيطتلك و عرضاتك ..
هيثم : ايه صح ..
زهرة : هيثم وشبيك .. شايفاتك مراكش فرحان ..
هيثم : لالا يما تعب الخدمة برك دوك نرقد شوية و نرتاح ..
جاز عليها باش يطلع لغرفتو اما حبساتو هدرتها .. وقف يسمعها و هو عاطيها بظهر ..
زهرة : عارفة بلي متحبهاش .. و عارفة بلي انا لي خيرتهالك ماشي نتا .. اما كون متأكد حيزية بنت اصل و راح تحبها كي تعرفها ..
رسم ابتسامة متصنعة و دار هدر معاها ..
هيثم : يا يما واش راك تهدر ولله العظيم غير راني تعبان مالخدمة برك .. كاين كاش واحد ميفرحش فعرسو .. كوني مهنية ..
و تقدم ليها باسها من على جبينها و رجع دار طالع لغرفتو .. قاعد يمشي بسرعة باش يوصل لانو صوت الحس قلقو و قاعد يلعبلو على اعصابو ..
فتح الباب بقوة دخل و خبطها موراه .. نحا شوميز تاعو و رماها على سرير .. و ترما هو موراها فوقو .. قاعد يخزر لسقف الغرفة و حاط يد وحدة تحت راسو و هدر معا روحو و هو سرحان ..
هيثم : ملي دخلت لحياتي خربتهالي .. حتا روحي و سيطرت عليها .. ( يا عمري يا عمري .. )
رجع وقف .. نفض راسو مالافكار هادي و دخل عمل دوش خفيف .. و خرج رجع ترما فوق فراشو و رقد ..
نروحو عند جابر لي بعد ما وصل للمزرعة خبر باباه بلي يماه جات ..
سلمان : و عرفت شكون لعريس ..
جابر : ايه عرفت ..
سلمان : و واش قالت ..
جابر : عصبت شوية .. اما بعدها سمر هداتها و نظن انو تكون تقبلت لوضع لانو عارفة انو الا مدينا كلمة مراحش ندورو فيها ..
سلمان : نتمنى مديرش مشاكل اكثر نعرفها هدية راسها يابس ..
جابر : لالا بابا منظنش ..
سلمان : ان شاء الله ..
توجهو فيزوج لطونوبيل .. و راحو للقصر .. وصلو و دخلو .. لقاو الحالة مقلبة .. الخدامات رافدين قماش و حوايج .. هدية قاعدة فصالون تخير و تختار و سمر و ياسمين معاها ..
هدر جابر مستغرب ..
جابر : يما واش كاين هنا .. واش صرا علاه راكم دايرين هاد الشي كامل
هدية : كيفاه علاه عرس اختك مبقالوش بزاف ..
جابر : بصح خلاص الليل طاح لوكان خليتي لغدوة صباح و جهزتي كيما حبيتي ..
هدية : حبيت نبدا ليوم .. مادام بنتي رايحة لعندهم نجهزها مليح منخليش فرصة لزهرة تهدر عليا ..
جابر : يهديك ربي يا يما نوضي ..
سلمان : يا هدية غدوة و جهزي دوك راح يرقدو و مع الحس هادا مستحيل واحد يرقد ..
هدية : دوك نكمل هادو و نحبس .. متخلوش العبد يخدم براحتو ..
طلع جابر لغرفتو و طلعت موراه سمر .. حطت ياسمين فغرفتها ترقد و هي رجعت لعند جابر و رقدو .. اما هدية طولت باش طلعت .. كي طلعت لقات سلمان رقد .. زادت رقدت هي تان ..
و حسناء كعادتها تشوف نجومها قبل ما ترقد .. و تفرغ قلبها .. بعدها دخلت ترقد هي تان ..
الا شخص واحد برك .. قاعد مقابل القصر .. و يخزر فيه و الشر يطاير من عينيه ..
#ليلوشة
—————————————————
اوبالاتي 💙
تحمست نلحق للعرس علابالكم .. هههه اتخايلو احدااثو .. منطولش عليكم اجرووو للحلقة لي موراها ..
#ليلوشة