👑 حسناء الآغا 👑

|| الحلقة 119 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 119 Il
كملت حسناء تجمع فدوارات و تربطهم ببعضهم ..
فهاداك الوقت جابر كان يوري لرجالو كيفاش يتقدمو من مور القصر .. خير افضل رجالو .. و حتا رجال هيثم و بعض من افراد الشرطة شاركوا باش يساعدوهم ..
بداو يجهزو فرواحهم .. رفدو اسلحتهم و بداو يتوزعو فاماكنهم ..
فهاداك الوقت محمد كان يراقب فيهم من بعيد .. كان مستغرب من سبب اجتماعهم .. معرفش واش ممكن يعملو .. اما نبه على رجالو واحد ما يتحرك من بلاصتو ..
رجع رايح جاي .. الخوف بدا يتملكو و معرفش كيفاه يدير ..
عيط لهيثم .. اما هيثم قص عليه الاتصال و محبش يرجعلو ..
زاد ارتبك اكثر و اكثر .. امر واحد من رجالو تما يروح يجيب حسناء باش يخرجها لهيثم ..
راح الراجل لحسناء كيما امرو ..
فهاداك الوقت هيثم و جابر كانو مع بعض .. هازين فيدهم سلاحهم و داخلين فالغابة لي مور القصر ..
دار هيثم عند جابر و هدر ..
هيثم : جابر .. نرجع نجيب الرصاص نسيتو فوق الطونوبيل ..
هزلو جابر براسو بمعنى ايه و هيثم رجع بلعقل بلا ميعمل حس باش يجيب الرصاص لي خلاه ..
كملو الرجال يتقدمو بلعقل للقصر ..
الراجل طلع عند حسناء .. فتح الباب اما محابش يتفتح كانت حاطة طابلة لداخل باش ميتفتحش بسهولة ..
الراجل : افتحي الباب ..
و بدا يخبط فالباب بقوة .. كي ما لقا حتا حل بدا يخبط الباب على قد ميقدر ..
بعد الطابلة و تفتح الباب و كانت لي المفاجأة .. خيط كبيرة مصنوع مدراوات .. مربوطين مع بعضهم و جيهة مربوطة معا بونك و جيهة طايحة فالتاقة ..
خزر فيها .. تحلو عينيه على وسعهم و هدر ..
الراجل : هربت ..
و دخل يجري نتوجه للتاقة يطل عليها الا مزالها معلقة ولا هربت ...
هو غير دخل .. حس بحاجة قوية خبطت فراسو .. كانت مور الباب سناتو دخل بعد ما كسرت كرسي و رفدت الرجل ديالو و خبطاتو للراس بيها ..
مقدرتش تهرب لانو الخيط موصلش و رهيف بزاااف ممكن طيح منو ..
قلبت الراجل و لقات عندو مسدس مخبي عند رجلو و صغير اما يساعدها ..
خزرت فيه باتسامة عريييضة و هزاتو بين يدها .. و خرجت مباب الغرفة بلعقل على اطراف صباعها و سلاح بين يديها ...
#ليلوشة
—————————————————
اوبالاتي 💜
حطووولي تشوو توقعاتكم مكنتوووش تسناو منها متهربش اه ههههه
فرايكم راح يحكمووها راح تتلاقا هيثم ..
جمجموو و اصبرو نكتب لي موراها و نجي صووري على تأخري كنت مشغولة معا ضياف
#ليلوشة