👑 حسناء الآغا 👑

|| الحلقة 102 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 102 Il
عصام : لقيت معلومات ممكن تفيدك ..
من مدة مسمعش خبر يفرح .. حس قلبو دق بعد مدة طويييلة .. تبسم و هدر ..
هيثم : مسافة ساعة و نكون فالقصر منطولش ..
عصام : حاضر ..
قص الاتصال .. عدا يدو على وجهو بحماس .. يمكن متحمس يكشف الحقيقة اما فنفس الوقت خايف يتصدم منها ..
دار خزر فحسناء .. وساعت تبسيمتو .. كانت تتنفس بلا آلات .. كانت معزولة نهائيا على الالات كانت فغيبوبة برك ..
قرب ليها بلعقل .. حبط لمستواها .. باسها من راسها .. زاد حبط لوذنها و هدر بهمس ..
هيثم : نحبك ..
دخل راسو فرقبتها استنشق ريحتها لي تعطيه قوة و امل اكثر و بعد عليها .. و راح متوجه للباب .. فتحها و خرج ..
وصل لسيارتو .. ركب فيها و طار للقصر ..
فهاداك الوقت كان واقف محمد يخزر فرجالو لي كانو يهزو صناديق مليانين سلاح و يراقب فيهم متبسم .. حتا رن تيليفونو .. هز عليه ..
محمد : الو وي ..
الراجل : اغا هيثم خرج مسبيكار على غير عادتو و بسرعة ..
محمد: راقبو و خبرني بالمستجدات .. الا كاش ما حاول يعمل بلا منوصيك نقطعة ضعفو حسناء .. راح نستغلوها كورقة رابحة لينا ..
الراجل : حاضر ..
قص الاتصال .. هز دخان حطو ففمو و هدر بلعقل بينو و بين روحو ..
محمد : لواش راك تخطط يا آغا ..
تعدا وقت صغير و كان هيثم وصل للقصر .. حط سيارتو و توجه لمكتبو .. لقا عصام قاعد تما يسنا فيه ..
راح هيثم قعد فكرسيه و هدر ..
هيثم : احكي واش لقيت ..
عصام : آغا بعد ما استجوبت شوية ناس منا مالعشيرة قالولي بلي محمد مالفين يشوفوه .. اما من قبل وفاة معاد مرجعش بان ..
هيثم : وين مالفين يشوفوه ..
عصام : خبرني المزارع لي هنا انو خطرة شافو هنا قريب للقصر ..
حط هيثم يدو تحت فمو يفكر .. متأكد انو شاف وجهو من قبل .. اما متفكرش وين .. و فجأة تذكر .. تفتحو عينيه على وسعهم .. وقف من بلاصتو بلا ميحس ..
عصام : واش صرا آغا ..
هيثم : شفتو .. شفتو من قبل ..
عصام : وين ..
هيثم : جا خطرة معا معاد و تذكرت اني شفتهم فساحة و بعد ما شفتهم حسيت تصرفات معاد غريبة و كأنو خاف ..
هدر عصام مصدوم ..
عصام : يعني معاد عندو يد معاه ..
خزر فيه هيثم و هو معقد حواجبو و مزير على قبضة يدو ..
هيثم : هادا لي راح نعرفوه .. جهزلي الرجال ..
خرج بسرعة هاز فيدو سلاحو .. شارجاه و توجه لسيارتو ....
#ليلوشة
—————————————————
اوبالاتي 💜
فرايكم هيثم راح يحكم محمد .. راح يعترف محمد بواش صرا ولا مزال .. مزاال خمسة احداث مهمة و تخلاص لكرو .. حطووولي توقعاتكم طوال عراض و اصبرو نكتب الحلقة لي موراها و نجي نحطها
#ليلوشة