👑 حسناء الآغا 👑

|| الحلقة 58 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 58 Il
هيثم : ارواحي عندي .. قصدي ارواحي ترقدي ..
حسناء : ايه علابالي .. لوكان غير كاين فوتاي ولا ..
هيثم : علاه ..
حسناء : باش منرقدش معاك ياك انا مرتك لي جبراتك الظروف باش تديها .. و تبسمتلو باستهزاء و دارت رايحة لبلاصتها ..
دخلت ففراشها قدامو .. غطات روحها كامل و عطاتو بظهر ..
قاعد يخزر فجيهتها و يسمع فالنفس تاعها .. و حتا هي كانت فاتحة عينها و تسمع فصوت النفس ديالو .. قلبها كان يخبط بقوة .. اما فكل مرة تتفكر هدرتو تغيضها عمرها اكثر ..
هيثم : حسناء ..
مرجعتلوش دارت روحها راقدة .. اما قلبها قاعد يقوللها رجعيلو حتا رجع هدر ..
هيثم : حسناء علابالي راكي نايضة ..
دارت ليه .. و هدرت ..
حسناء : وشنو ..
تبسم معاها و هدر ..
هيثم : ماشي قصدي نقول هكاك .. سمحيلي الا جرحتك ..
حسناء : هههه كيفاش ماشي قصدك مالا علاه تزوجتني و نتا اصلا كانت عندك مرا .. و لوكان غير قتلي من قبل خليتني نبان انا لي ماشي مليحة .. لوكان كنت علابالي مستحيل نقبل و تحب تقتلني و تقتل لي حبيت ..
هدر بلعقل بينو و بين روحو ..
هيثم : علا هاديك محبيتش نقولك ..
حسناء : انعم ..
فجأة تذكر منظرها و هي تحت خوه .. تفكر بلي مسها خووه .. شغل واحد جا خبطو على راسو و فيقو .. كل لي كان يحس فيه هاديك الفترة راح وقت لي جا فبالو منظرها .. كيفاش قدر يتأثر بيها و نسا بلي خوه مسها .. كرامتو متسمحلووش انو يحبها ولا يخمم تكون مرتو كأي مرا وحدوخرا ..
قعدت تخزر فيه .. تغيرو ملامحو ضربة وحدة .. حواجبو تعقدو .. نظرتو رجعت تخوف .. للحظة دارت فبالها انو توجع .. هدرت بقلقة خلاتها تنسا اصلا لي هي زعفانة منو ..
حسناء : هيثم كاش ما راهو يوجعك .. و كانت راح تحط يدها عليه ..
حتا حست بضربة فيدها .. ضربلها يدها و بعدها .. و دار خزر فيها و هو معصب علخر ..
هيثم : متمسينيش ..
حسناء : وشبيك ..
هيثم : واش قو* ر** فيا ..
تصدمت فيه .. تصدمت فهدرتو الخامجة معاها .. عينيها للحظة تعمرو بالدموع .. نفسيتها تاعبة علخر .. تحاول تستحمل لي قاعد يصرا .. كان عندها امل انو هيثم ممكن يساعدها و ينقص عليها اما تصدمت فيه و فتصرفاتو كل خطرة يكون شخص ..
رجع هدر و هو مدور راسو و ميخزرش فيها .. نسا بلي الشي لي صرا فوق طاقتها ( ملاحظة لبنات حسناء مزالها عذراء ماغتاصبهاش معاد مي كامل راهم دايرين فبالهم بلي اغتصبها و فقدت شرفها .. يعني راهي مظلووووومة ) ..
هيثم : تزوجتك باش نغطي على عارك نتي و خويا .. نغطي على واش كنتو ديروه .. نغطي على خماجكم ..
راسها حبس .. احساسها حبس .. عقلها حبس من هدرتها ..
تبسمت على جنب بقهرة .. لون وجها رجع صفر .. ناضت من بلاصتها بلعقل .. و بقات تمشي متوجهة للباب باش تخرج حبسها صوتو ..
حسناء : عيطي لحيزية ....
#ليلوشة
—————————————————
اوبالاتي 💙
بدات معاناة حسناء 💔 هيثم كرهتو فهاد الحلقة قلبي وجعني فبلاصتها يا عمري مسكييينة مظلووومة .. وقيل راح نزيد نطول فيها جاو فبالي مشاكل جدد هههههه
حطووولي توقعاتكم لواش رااح يصرا حيزية الكلبة دوك يخرجولها لقرون اسمعو حبيت ندخل مافيا فالوسط 😂 ندخل مافيا قولولي نحب الاكشن
#ليلوشة