👑 حسناء الآغا 👑

|| الحلقة 13 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 13 Il
خزرت فيها سمر مصدومة تحاول تستوعب لي قاعدة تقول فيه ..
سمر : هبلتي وقيل .. يقتلك باباك حسناء ..
حسناء : و انا مستحيل نتزوج بخو هاداك الوحش .. و مستحيل نروح لعايلتهم .. مخممتيش واش راح يديرو فيا .. بنت عدوهم فوسط دارهم ..
سمر : متسبقيش الاحداث .. ممكن يكون فيه امل ..
حسناء : لالا منحب حتا امل .. نهرب نروح للمدينة .. نحوس على خدمة و نكمل حياتي تما ..
سمر : حسناء خمي مليح ..
حسناء : سمر هادا هو الحل الوحيد لي بقالي ..
سمر : و كيفاش تهربي بلا ميفيقولك و وين تجيبي دراهم .. يا حسناء اخطيك راح تزيدي المشاكل لروحك ..
حسناء : نتي ..
سمر : وشنو انا ..
حسناء : نتي لي تعاونيني نهرب و نتي لي تمديلي دراهم .. مكاش لي راح يحس بيا و يعاوني من غيرك ..
سمر : هبلتي .. يسمع بيا جابر يذبحني و يذبحك ..
حسناء : مراحش يعرف و حتا الا حكموني مراحش نقول بلي نتي عاونتيني ..
سمر : حسناء منقدرش مستحيل نديرها جابر ولله ماراح يسمحلي و انا وحدة منسمحش لروحي لوكان تصرالك كاش حاجة ..
حسناء : يا سمر مايصرالي والو .. تعيشي معنديش من غيرك .. ولله نموت لوكان نروح ليهم ..
و هوما هكاك دخلت ياسمين تجري ...
ياسمين : ماما ماما ..
سمر : وي حبيبتي ..
ياسمين : قالك بابا ارواحي يسحقك ..
سمر : قوليلو راني جاية .. اسبقيني دوك نجي ..
ناضت من سرير و مشات متوجهة لجيهة لباب .. راسها يدي و يجيب فالافكار .. غير وصلت عند الخرجة تاع الباب دارت لعند حسناء و هدرت ..
سمر : نخمم و نقولك ..
و كملت طريقها رايحة لعند حابر ..
حسناء تبسمت تبسيمة انتصار .. اخيرا رجع عندها امل انها تسلك مالحجيم لي راهي فيه و مالجحيم لي راح تروح ليه ..
و من حماسها ناضت .. رفدة كرطاب صغير .. حطت فيه شوية من حوايجها .. حطت دوزانها كامل لي تسحقهم داخلو .. و حطاتو داخل لخزانة باش غير تصحلها الفرصة ترفدو و تروح ..
نروحو عند عشيرة شعابني .. لي دنيا كانت قايمة قاعدة عندهم .. ليوم حنة لعريس ..
خرج من مكتبو لي جاي منفصل على القصر .. لقاهم يجهزو فالساحة و الغاشي قاعدين يجو .. ما فهم والو ..
عيط لعصام .. احد رجال العشيرة لي يوثق فيهم ..
هيثم : عصام واش كاين ..
عصام : آغا ليوم حنة تاعك نسيت ..
هيثم : ايه نسيت اما لبارح كانت جنازة و ليوم معولين تحتافلوا ..
عصام : ماشي حنا لي حبينا المدام زهرة هي طلبت هاد الشي و زادة عمك صالح ..
هيثم : علاه جاو ..
عصام : ايه آغا عايلتك كلها وصلت مقبيل ..
هدر هيثم بينو و بين روحو ..
هيثم : غبت ساعتين برك تبدل كلش ..
عصام : انعم ولله ما سمعتك آغا ..
هيثم : لالا والو خلاص روح ..
راح عصام يكمل يخدم شغلو .. و هيثم توجه للباب القصر .. دخل لتما و مشا متوجه للصالون لانو الحس خارج منو ..
دخل لقاهم مجمعين كامل .. عمومو ( صالح و كريم ) و نساهم ( جهيدة مرت صالح و رقية مرت كريم عمتو زينب .. ولاد عمومو .. بنات عمومو ..
غير شافوه ناضو يسلمو عليه كلهم .. عزاوه و فنفس الوقت باركولو على عرسو ..
قعد فالكرسي معاهم حتا هدرت زهرة ..
زهرة : معاد خلاص راح .. الحزن صح يبقى اما كيما حزنا لازم نفرحو و وليدي يبقا فقلبي و مستحيل ننساه و ننسا لي صرالو ..
باش يرطبو الجو هدرت جهيدة مرت صالح ..
جهيدة : اهييه مقلتولناش اسم عروستنا ..
زهرة : حيزية بنت اصل و تهبل ..
هدر هيثم بينو و بين روخو بصوتو ناقص ..
هيثم : مزال مشفتوش حسناء مالا ... ( كأنو بدا يطيح على راسو 😂 كلمة زوج يجبدها اجدكم .. )
#ليلوشة
—————————————————
اوبالاتي 🔥
شفتوو هيثم شفتووه ههههه بدا يطيح .. فرايكم حيزية كيفاه راح تكون .. اسمها جبتو من فيلم تاع ثلث الغالي نسيت اسمو هههه و حسناء البهلولة زعما تقدر تهرب والا مقدرتش شكون راح يحكمها .. مدوولي كامل الاحتمالات ايا بديت نحفظ اسمواتكم ...
خلووو تعلييق هنا غير نحط نجمجم لكبيداتي ..
#ليلوشة