👑 حسناء الآغا 👑

|| الحلقة 111 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 111 Il
حط الكاس من يدو .. رجع للور شوية .. رفد تيليفونو و عيط لواحد من رجالو و هدر و بحت الرقاد مسيطرة على صوتو ..
محمد : جهزتو كلش !!
الراجل : ايه آغا ..
محمد : منسحق حتا غلطة .. لازم تعملو كيما وصيتكم بضبط و متخلوهمش يحكموكم ..
الراجل : حاضر آغا ..
قص عليه الاتصال .. حط التيليفون و دخل يدو فجيبو و تبسم بشر و هو يخزر مالتاقة .. عارف بلي الخبر راح يطيح كالقنبلة على هيثم .. بعدها راح و دخل ديراكت للدوش ..
نروحو عند هيثم لي كان برا .. راح شرا باتيسري صغيرة ( احمم شراهالي ليا ) ..
راح للمطبخ حط فيها شمعة و راح بيها لغرفة حسناء ..
فتح لباب بلعقل على نفس الامل .. اما كالعادة .. لقاها مغمضة عينيها .. تبسم بانكسار و قدم ليها اكثر ..
بدا يغنيلها سنة حلوة يا جميل .. و طفا للشمعة وحدو و عينيه معبيين دموع .. هدر و صوتو مسيطرة عليه غصة ..
هيثم : منسيتكش .. عارف بلي ليوم لي زادة فيه عشقي .. ليوم رجعت 22 سنة بالحق ..
حط الباتيسري على جنب .. هز يدها و باسها .. و رجع خزر فيها و يهدر بكل ضعف ..
هيثم : يا حسناء فيقي راني تعذبت لغيابك .. عذبتيني كفاية يا حسناء ارجعيلي .. ولله العظيم غير ندمت .. ان شاء الله تتقطع يدي قبل ما نهزها عليك مرة وحدوخرا .. فيقي ..
ولا ردة فعل .. ولا حركة .. حط راسو بانكسار .. و بقا هكاك لمدة طويلة ..
فهاداك الوقت راحت سمر عند جابر .. دخلت لمكتبو كرشها باارزة تهبل ( ربي يرزقكم الذرية الصالحة ) .. خزرت فجابر و هدرت ..
سمر : جابر ليوم لانيفاغساغ تاع حسناء .. لازم نروحو نشوفوها ..
وقف متوجه ليها و هو يهدر ..
جابر : ولله راحت من بالي .. حاضر من عيوني .. خبري يما و نروحو لعندها ..
سمر : اما فهمها و صبرها جابر راهي كي تشوف حالتها هكاك تدمر ..
شدلها وجها بيديه و هدر ..
جابر : راح نحاول ..
سمر : عارفة بلي بنتها و كبدتها اما لازم تصبر راهي حسناء فغيبوبة اما تحس من حوليها ..
هزلها براسو بمعنى ايه و عنقها .. بعدها بعدت عليه .. باستو من خدو و خرجت تخبر هدية و يجهزو روحهم باش يروحو ليها ..
داتو عينو فوق يدها .. عداو شي ساعتين حتا صونها تيليفونو خلاه يفيق .. رد عليه ..
هيثم : الو عصام ..
هدر عصام بصوت عالي و الخوف واضح منو ..
عصام : آغا الحق ..
وقف هيثم بلا ميحس و هدر ..
هيثم : خير ..
عصام : شعلت نار كبيرة فالارض لي حطو فيها سلاح ..رجع البارود يطرطق و رجال محمد راهم تما مزالهم يشعلو فيها ..
هدر هيثم بعصب علخر ..
هيثم : جهزلي كامل الرجال .. جهزو سلاح راني جاي ..
عصام : حاضر آغا ..
قص على تيليفون و دار عند حسناء .. باسها من راسها كعادتو و همسلها ..
هيثم : نحبك اميرتي ..
و خرج يجري .. و خبط الباب بقوة بلا ميحس .. تحرك صبع حسناء الصغير تاع يدها ....
#ليلوشة
—————————————————
اوبالاتي 💜
جاااهزووون .. احممم اكدوولي على صبع حسناء لي تحرك .. و على محمد و واش راح يدير ..
حطووولي توقعاتكم فرايكم وااش راح يصرا و اسناو نكتب لي موراها و نجي عميراتي
اسمعو ساعفوني كونيكسيون راهي كارثة هادي حتا فاتو خمس دقايق باش تحطت ..
#ليلوشة