👑 حسناء الآغا 👑

|| الحلقة 64 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 64 Il
زهرة : كانت عشيقة معاد الله يرحمو .. لقاوهم فغابة كيفكيف يديرو فلي ميندارش .. خوها قتل معاد و هيثم تزوجها باش يستر عار خوه ..
حيزية تسمع و ماشي مأمنة .. حطت يدها على فمها و عينيها مفتوحين على وسعهم ..
زهرة : يعني جاب خ**** للدار ..
تبسمت حيزية على جانب بشر و هدرت ..
حيزية : هاد الشي خ**** و رافدة راسها و ترجع الهدرة .. خلي انا نربيها .. نوريلها مرت الاغا واش دير .. معلابالهاش معامن طاحت الا مخليتش سيرتها فكل لسان منتسماش حيزية ..
و هوما هكاك جات مرت كريم تسرسبو و بدلو الموضوع ..
هدرت حيزية : انا نطلع نشوف راجلي كاش ما يحتاج ..
و طلعت تتعوج و تتمايل و هي رقيقة مافيها والو يعجب .. ( مسمومة ) ..
فهاداك الوقت هيثم كان نايض .. فاتح عينيه و حاط يدو فبلاصة الجرح .. نحا يدو منها و خزر لقا دم فيدو .. الجرح تفتحلو من كثرة الحركة ..
زاد قوا المو .. و رجع يعرق .. و هو هكاك دخلت حيزية ..
غير دخلت و شافتو هكاك راحت تجري ليه .. حطت يدها على جبهتو كانت حرارتو طاالعة .. و جرحو كان ينزف معرفتش واش دير ..
حيزية : هيثم .. هيثم راك تسمع فيا .. واش ندير ..
كان يسمع بصعوبة و يهدر بصعوبة و رؤيتو كانت مضببة .. هدر بسيف ..
هيثم : حسناء .. عيطي لحسناء ..
و يزير على كل كلمة قاعد يقولهة من شدة الالم لي كان فيه ..
كانت راح تقولو منعيطلهاش ندبر راسي وحدي اما كي شافت حالتو هكاك راحت تجري لغرفتها ..
كانت هاداك الوقت خارجة مالحمام .. لافة فوطة قصيرة على لحمها .. شعرها مشمخ و مطلوق ..
كانت متوجهة لخزانتها تخير حوايجها .. حتا طار الباب مبلاصتو .. و دخلت حيزية بقوة .. خلات حسناء تتخلع و خاصة انها مكانتش لابسة .. خزرت فيها حسناء بعصب و هدرت ..
حسناء : واش معلموكش داركم طبطبي فباب الناس قبل ما تدخلي ..
حيزية : لوكان منسحقكش منجيش لوحدة خ**** كيفك ..
تبسمت حسناء على جنب .. و قربت لعند حيزية اكثر و هدرت ..
حسناء : نظن علابالك بلي بنت ال ضافر انا .. سلاح نفرغو فراسك و نزيد نسمع هاد الكلمة من فمك .. ميعرف الخماج الا لي تربا فيه ( اتعلموا تقصفوا اتعلمو .. )
بلعت ريقها حيزية .. خلعتها قوة شخصيتها و حتا تهديدها .. هدرت بسرعة ..
حيزية : ارواحي عند هيثم راهو ينزف و معرفتش واش نديرلو نتي تعرفي ..
قلبها دق بالقاوي .. هدرت بلا متحس ..
حسناء : هيثم ..
و خرجت تجري مالشومبرة متوجهة لغرفة حيزية بالفوطة هكاك بلا متفيق لروحها و حيزية موراها ....
#ليلوشة
—————————————————
اوبالاتي 🤍
راحت بالفووطة لعندو ههههه هل تفكرون فيما افكر .. و فرايكم حيزية كيفاه راح تفضح حسناء و هيثم راح يقبل ولا يحاسبها .. و اسرارنا وقتاااش يتكشفوااا
حطووولي توقعاتكم بديالخفافيش نروح نكتب لي موراها و نجي نحطها
#ليلوشة