👑 حسناء الآغا 👑

|| الحلقة 85 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 85 Il
بعد عليه صالح .. شدلو وجهو بين يديه و هدر بصوت هادي يحاول يهديه شوية ..
ثالح : هيثم استغفر و باذن الله راح تكون مليحة .. ادعيلها و عاونها بدعاءك ..
عدا هيثم يدو على وجهو .. مسح دموعو اما بقاو عينيه حمورة و ملامح لبكا باينين على وجهو .. وقف ماللرض ..
هيثم : استغفر الله يا ربي ..
قعد على كرسي تما .. شاد راسو بين يديه و يتذكر كيفاش ضربها .. كيفاش حاول يعتدي عليها .. صوت عياطها و بكاها زادو عليه .. كانو حمل كبييير بزاااف عليه ..
صالح بعد عليه شوية و عيط لجابر لي كان قاعد فمكتبو ..
صالح : الو سلام عليكم ..
جابر : وعليكم السلام ..
صالح : وليدي جابر راح نخبرك بحاجة اما هدي روحك ..
وقف جابر من مكتبو .. قلبو دق .. اول واحد جا فبالو حسناء هدر بسرعة ..
جابر : وشبيها حسناء .. وشبيها ختي ..
صالح : راهي فسبيطار .. اما هدي روحك ..
ونو رجع صفر .. تذكر قبل سنوات كي تلقا نفس لخبر بخصوص قمر ( مزال مبيتش حكايتها ) .. و بنفس الطريقة و كي راح قالولو ماتت ..
هدر جابر بصوت هادي .. حتا هو راحلو الثوت و حس الرعشة سرات فبدنو ..
جابر : وشبيها ..
صالح : مش عارف اما لقيناها وسط الصالة طايحة تنزف من راسها .. و للاسف قلبها حبس فطونوبيل اما متخافش دخلوها لغرفة العمليات مرانيش نخبر فيك باش نخلعك اما نقولك الحقيقة باش متتصدمش بعدها ..
تيليفون طاح من يدو طفا ديراكت .. طاح هو قاعد فوق كرسيه ..
رجع وجهو صفر .. نفسو تسارع لدرجة انو رؤية تضببتلو ..
جابر : كوني اقوى من قمر .. ربي يخليك لينا كوني اقوى منها ..
ناض بهدوء .. حالتو متعجبش .. وجهو بدون ملامح .. لي يشوفو من بعيد يقول شخص راح يفقد الوعي ..
راح متوجه لعند يماه و مرتو .. دخل لقاهم قاعدين يقصرو و يضحكو .. شافتو سمر و شافت وجهو و حالتو ..
وقفت من بلاصتها و هدرت و هي مقدمة ليه ..
سمر : جابر وشبيك .. خير ..
حس صوتها عااالي رغم انو كانت تهدر غير بلعقل .. حط صبعو على فمو و هو مغمض عينيه ..
قدمت ليه اكثر و شداتو من كتافو ..
سمر : جابر متخلعنيش عليك ..
هدر بصوت خفيييف .. ببحة بكا .. بعينين مغرغرين بدموع ..
جابر : حسناء بين لحياة و الموت ....
هدية طاحت داخت ديراكت .. سمر بقات تخزر فيه مصدومة .. مش مستوعبة لي قالو ..
سمر : مستحيل .. مستحيل تموت و مخبرتكمش الحقيقة جابر مستحيييل ..
جابر : وشمن حقيقة ...
#ليلوشة
—————————————————
اوبالاتي 💜
زعما راح يتسامحو العشيرتين من هاد الموقف .. زعما حسناء راح تعيش ولا يخسروها كيما خسرو سمر .. حيزية واش راح يصرااا فيهاااا .. راح تطلق ولا نن .. راح يعرف هيثم بلي هي لي دارت هكاك ولا لالا ... جابر راح يعرف حقيقة لي صرا معا حسناء و الا عرف يخبر هيثم !!
كل هااادا تعرفوووه فالحلقااات الحايين ان شاء للله انا خلاص موليتش نضوي 😂😂 نعست .. مي غدوة موعدنا ابكر ان شاء الله مور العصر نبدا نحط نحاول نكملها هاد السمانة لكرو 🥺
#ليلوشة