👑 حسناء الآغا 👑

|| الحلقة 46 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 46 Il
قد ما كان يقرب للقصر قد ما كان يزيد فسرعة سيارتو .. متشوق يشووفها ..
كثر عليه التخمام هاد اليامات .. ماشي حاب يخسرلها و فنفس الوقت راح يعمل مشاكل و يقوم حرب بسبة شي لي دارو ..
بعد ما بعتلها هيثم ميساج .. راحت قاتلهم بلي راهو جاي و طلعت تجري لغرفتها ..
قلبو يخبط فوووور .. لون وجهاا حمر .. لبست لاغوب بلونش تاعها بحذر باش متقيسش المشطة تاعها ..
راحت قابلت لمراية .. رفدت تاج تعها حطاتو .. و حطت لفوال تاعها تان .. رجعت اميرة بكل ما تحمل الكلمة من معنى .. حسناء حقيقية ..
قعدت على طرف سريرها تلعب بيدها و خايفة من لي جاي .. صح ارتاحت لهيثم اما خايفة يكون كيما خوه .. قلبها كان محسسها انو حاجة راح تصرا ..
حسناء : يا رب معلاباليش هادا الا احساس بالتوتر مالعرس ولا خوف اما ان شاء الله ما يكون غير الخير ..
قعدت هكاك مدة قصيرة على طرف فراشها حتا دخلت عندها سمر و فيدها ياسمين ..
سمر : حسوونتي .. ماشاء الله اقسم بالله مازال مشفت زين كيما زينك ..
حسناء : علابالك نحشم ههههه
سمر : امنتك .. اسمعي هايا نوضي احبطي تحت .. جيبي برنوسك و احبطي نسناو تحت احسن لانو يظهرلي هيثم طول باش راهو جاي يادرا علاه ..
حسناء : ايه دوك نحبط .. اما سمر ..
سمر : وي عروستنا ..
حسناء : سمر معلاباليش علاش راني خايفة .. راني حاسة روحي راني نرعش مالداخل .. زعما التوتر تاع العرس كامل هاكا ..
سمر : لالا ماشي توتر تاع العرس .. التوتر تاع ما بعد العرس هههههه و غمزتلها ..
حسنااء : اه ولله ما تحشمي ... و زيد بنتك قدامك ...
سمر : انا بنتي تخرج شطورة تعرف لكلش .. ياك صح حبيبي ..
ياسمين : باينة ماما اصلا علابالي عمتو حثناء ( حسناء معندهاش سنان طاحولها هههه ) هي و عمو هيثم مور العرس يجيبو بيبي .. ( ياسمين هادي مبهدلة كيما ياسو تاعنا هههه )
سمر طرطقت و حسناء حشمت ملقاااتش وين تخبي وجها ..
حبطت سمر للتحت.. و حسناء عدلت روحها للمرة الاخيرة .. رفدت برنوسها حطاتو عليها .. و حبطت ..
قاعدين فالصالون و يسمعو صوت خطواتها بالطالون مالبعيد و هي حابطة مالدروج .. لي يشوفها يقول ملكة ماشي شخص عادي .. بدات سمر و هدية يزغرتو و الدموع فعينهم .. راح تفارقهم و تبعد عليهم .. حسناء كي شافتهم هكاك كانت ديجا بدات تبكي...
راحت تجري ليها سمر مسحتلها ..
سمر : متبكيييش قولي داا مكتوووبي هههه راني نقصر متبكيش دوك يطيح الماكياج تولي تباني باندا ..
طرطقت بالضحك وسط دموعها ههه .. شافت فباباها يخزر فيها مللتحت للتحت .. قلبها وجعها .. مهما كان و مهما دار فيها يبقى باباها ..
قعدو كلهم تما فصالون يسناو ..
جابر كان عند بداية الطريق لي توصل للقصر .. معاه مجموعة من الرجال و الزرنة و مجموعة من الرجال لي يشطحو و يطلقو البارود ..
شاف هيثم جاي بسيارتو مالبعيد تبسم ..
جابر : كنت عارف بلي راح يجي وحدو .. اما ماشي انا لي نخلي الناس يهدرو على ختي ..
طلعو كلهم فطونوبيلاتهم .. غير جاز عليهم هيثم من كثرت حماسو باش يشوف حسناء منتبهش عليهم .. قلعو موراه و بدا صوت البارود و صوت الطونوبيلات و صوت الزرنة داير حالة ..
خلاو هيثم يفيق لروحو و رجع يصوني هو تان رغم انو مافهم والو ..
سمعت حسناء لاصونات تقرب قلبها رجع يدق اكثر .. وقفو كامل و وقفت هي معاهم .. كل واحد هز فيدو الحاجات لي يديهم و هي شادة القلمونة تاع برنوسها بيدها باش مطيحش و توجهت وقفت عند الباب تشوف فيهم جايين مالبعيد ...
غير دخل من باب القصر ميزها واقف عند الباب .. قلبو دق كيما جامي دق .. حماسو زاد و خوفو زاد معاهم ..
حاول يشوف وجها اما مقدرش .. قارا طونوبيل .. قيس ما يحبط كان حبط جابر و حبطو الرجال .. دارو نفس الدائرة لي داروها فدار حيزية .. و طبعا هيثم كان غايب عن وعييو ..حبط من سيارتو متوجه ديراكت لعند حسناء و هو متبسم ... اما وقف فطريقو جابر خلاه يفيق من سرحتو ..
بدات الزرنة تعزف و بدا الآغا هيثم و الآغا جابر يشطحو بعد عداوة كبيرة رجعو يشطحو مع بعض .. هيثم قلبو كلااه حاب يشوفها مقدرش يصبر مافاتتش على الشطحة زوج دقايق جبط سلاحو و قوص فالسما بمعنى مدوهالي ..
خرج سلمان قالب وجهو .. حطلها يدها و هي خرجت تحتها و كل ما تخطي خطوة خوفها يزيد ..
شافها كيفاش خرجت تحت جناح باباها لي ماشي مقيمها على عكس حيزية تمنى يعنقها فهاديك اللحظة و يقوللها انا راح نكون باباك و امك و خوك و ختك و راجلك و كلش..
تقدمت خطوة تسنا فيه يجي .. اما هو غير شافها حبست محسش لروحو كيفاش ولا مقابلها .. اما البرنوس كان مغطي شوية وجها .. رما يدو بسرعة و بحماس و طلعو .. و طلعت راسها معاه و طاحت عينها و فعينو و فهاديك دقيقة نفسو حبس .. و هادا كااامل تحت مراقبة الطرف الثالث ( عرفتو شكووون ) ....
#ليلوشة
—————————————————
اوبالاتي 💙
زوج حلقات راني جمعتهم فحلقة وحدة بسك كثرو تعليقات غدوة نسوبريمي شوية .. هادا واش قدرت نكتب شوية مرانيش مليحة صراتلي حاجة دك خسرتلي مورالي .. مهم مدووولي توقعااااتك الحلقة الجاية لقاااء الضراير و اقراااو مليح اخر جملة فالحلقة .. الكارثة جاااية
#ليلوشة