👑 حسناء الآغا 👑

|| الحلقة 27 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 27 Il
تمتم دخل يدو تحت يدها و دورهم على ظهرها و حكمها ..
هيثم : حسناء .. حسناء ..
بحركة خفيفة .. رفدها بين يديه .. بعد على الطريق و راح للحشيش و حطها تما .. حطلها راسها على رجلو .. و قعد يخبط فيها فوجها بلعقل و يعيط باسمها ..
هيثم : حسناء راكي تسمعي فيا ..
اما واالو مكاين حتا ردة فعل .. حتا نفسها كان متباااطئ ..
رجع رفدها و طلع بيها فوق لحصان .. يد شادها بيها و يد شاد بيها الحزام تاع لحصان .. و بدا يمشي بيه بلعقل متوجه لقصرهم من نفس الطريق لي هربت منها حسناء .. ( المعنى الحقيقي تاع فارس الاحلام على حصان بيض ههه ) ..
فهاداك الوقت سمر و جابر كانو وصلو عند الطبيبة ..
حبسو الطونوبيل و حبطو .. قرات من برا طبيبة نساء و التوليد .. خزرت فجابر مستغربة و هدرت ..
سمر : علاش جينا هنا ..
جابر : نتي قلتي راكي تحسي السطر فكرشك ..
سمر : ماشي بالضرورة تما ..
جابر : لالا كشف عليك طبيب و قالي .. و قطع هدرتو فالنص .. تفكر انو مخبرهاش ..
زاد استغرابها اكثر .. قدمت ليه بلعقل .. و هدرت ..
سمر : واش قالك جابر ..
جابر : قالي حبطتلها لاطونسيون ..
سمر : لالا جابر كمل واش كنت راح تقول ..
حبط راسو و زير على يدو بغضب .. زلق قدامها فالهدرة و نسا بلي معلابالهاش ..
جابر : نقولك اما متتقلقيش..
سمر : كي راك تقولي هاكا لي راك تزيد تقلقني ..
جابر : لقا ورم فالرحم .. قالها بصوت منخفض ..
و معا جملتو الاخيرة حست جسمها كلو ترخف .. قلبها رجع يخبط بالقاوي .. لونها رجع صفرررر ..
سمر : ص صح ..
خزر فيها بتأسف .. بنظرة حزن و انكسار .. النظرة لي تعرفها ..
غمضة عينها بقوة .. تحاول تتمالك روحها .. تحاول تحبس دمووعها .. تحاول تصبر روحها .. ورم يعني سرطان .. سرطان فالرحم واعر .. نسبة كبير يكون مشالها فباقي الاعضاء .. تفكرت ياسمين .. بنتها مزالها صغيرة .. تعيش يتيمة الام .. تفكرت جابر و حبو ليها و يعاملها كأنها بنتو ماشي مرتو ..
رجعت فتحت عينها .. رسمت ابتسامة خفيفة .. و خزرت فيه بعينين معبيين دموع و هدرت ..
سمر : الخير فيما اختاره الله .. اديني لدار تعيش ..
قدم ليها اكثر و عنقها و باسها من جبهتها .. و فهاد اللحظة سلمان عطاهم بظهر لانو كان قريب ليهم ( الحرمة زعما هههه) ..
هدر معاها و هو معنقها ..
جابر : سمر مراهوش متأكد تعيشي ادخلي .. تعيشي ..
بعدت عليه شوية .. و هدرت ..
سمر : مارانيش حابة نوجع قلبي جابر اديني ..
هدر بصوت خفيف .. صوت تعب .. صوت كلو رجفة .. و حط يطو على خدودها ..
جابر : متحرمينيش منك ..
هزتلو براسها بمعنى ايه و دخلو فيزوج و كل واحد قلبو يخبط اكثر مالثاني ..
دخلو عندها .. هدرو معاها بعدها طلبت من سمر تطلع فالسرير باش ديرلها الايكو و طلبت من جابر يخرج ..
حطتلها الجال فوق كرشها و بدات تخدم خدمتها و تخرج فشاشة تاع الايكو .. و يمر مركزة معا ملامح وجها اما مبينتلها والو ..
طبيبة : مادام قلتيلي قالولك عندك ورم ياك ..
سمر : ايه ..
طبيبة : داكوغ دوك نشوف .. ( تتمقنن بالفرونسي ههههه .. تحيا اطباء اوبال ... )
كملتلها الايكو و دخل جابر .. قعدو فيزوج معاها فالمكتبة .. خزرت فيهم بلا ملامح و هدرت ..
طبيبة : شكون قاللكم عندها ورم ..
جابر : طبيب فسبيطار ******..
طبيبة : اه اوكي مالا اسمعوني ..
تبسمت معاهم تبسيمة عريييييييضة ..
طبيبة : مبروك المدام حامل بتوأمين غير حقيقي .. واحد فيهم بعيد على لوخر على هاديك توقعو انو ورم .. اما فالحقيقي هو بيبي ...

—————————————————
اوبالاتي ❤
اخبيييييرا كاين فرحة ههههههه اتخايلو ردة فعل جابر يااا عمري ولا سمورتنا .. و كاين وحدة توقعت هاد الحلقة نسيييت اسمها قوليلي اسمك باش نحطو قدام الحلقة 🥺
و دوك نروحو لحسناء و هيثم لي كاانو فوق لحسناء و رومنسية الغاملة دايرة حاالة زعما يشوفوهم و واش راح يصرااا ..
خلو توقعاتكم طوااال عراأاض و خلووو كومنتار غدوة كي نحط نجمجملكم
#ليلوشة