👑 حسناء الآغا 👑

|| الحلقة 129 ما قبل الأخيرة ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 129 ماقبل الاخيرة Il
تعداات شي سااعة .. حتا بدات حسناء تسمع الحس تحت .. عرفت بلي سمر جات .. قعدت ففراشها تسنا فيها تطلع .. حتا تفتح الباب بقوة و دخلت سمر تزغرت اما بلعقل ..
حسناء : سمر مزال مرانيش متأكدة ..
سمر : احساسك ميغلطش نعرفو .. هاكا نووضي اجري ..
و مدتلها التاست فيدها .. و بدات تنوض فيها ..
حسناء : ايييه راني نايضة اييه ..
ناضت حسناء دخلت للدوش فرحانة و متوترة فنفس الوقت .. اما سمر بقات تسنا فيها متحمسة و خطرة على خطرة تزغرت ..
حطت حسناء التاست و قاعدة تخزر فيه .. غير بدات تخرج النتيجة غمضت عينها و بدات تهدر بينها و بين روحها ..
حسناء : يا ربي يكون ايجابي .. يا رب ..
تحس فقلبها راح يخرج من بلاصتو .. رجعت كلها ترعش بلا متحس .. خذاات نفس عميق علخر و فتحت عينها و قابلها التاست و نتيجة ..
سمر : حسناااء هايا ..
مالتوتر ناضت و بقات رايحة جاية تسنا فيها تخرج .. حتا تفتح باب الدوش و خرجت حسناء عينيه مغرغرين بالدموع .. حاط يد على فمها و يد هازة بيه التاست ..
سمر : وشنو ..
حسناء : حامل هههه ..
و انطلقت سمر فالتزغريت و لعيااط .. فرحت كأنو هي لي راهي حامل .. عنقت حسناء على قد ما تقدر .. اما حسناء لعبو عليها الهرمونات و رجعت تبكي ..
سمر : وشبيك ..
حسناء : كيفاه نخبر هيثم ..
سمر : خبريه عادي ..
حسناء : محبيتش نخبرو عادي ..
سمر : خلاص انا عندي فكرة .. اسمعييي ...
لحق الليل و اجتمعوا مع بعض على طابلة لعشا .. حسناء بدات تاكل و عينها على الباب تسما فهيثم يدخل بعد ما قاللها انو راح يتأخر شوية ليوم .. حتا دخل ..
لمعو عينها وقت شافتو .. توحشاتو ..
جا قعد قدامها و هدر ..
هيثم : وشبيك تخزري فيا هاكا توحشتيني ..
حسناء : ايه ..
هيثم : علاه ..
حسناء : كيفاه علاه اصلا واش دخلك توحشت راجلي ..
ضحك عليها و على تصرفاتها الطفولية و هدر ..
هيثم : هييه معندش مدخلني ..
و بدا ياكل .. كملو كلاو و سبقاتو حسناء طلعت للغرفة ..
حكمت بلاصتها متوترة و خايفة بلا سبب .. دخل موراها هيثم .. شافها هكاك استغرب .. قدم ليها اكثر و هدر ..
هيثم : حسناء وشبيك ..
حسناء : بدل حوايجك محملتش ريحتك ..
هيثم : كيفاش محملتيش ريحتي ريحتي راهي عادي ...
خزرت فيه بنظرتها البريئة لي تقنعو بيها دايمن .. خلاتو يهدر ..
هيثم : ايه خلاص راح نبدل ..
ضحكت على جنب بانتصار و بقات تراقب فيه .. فتح الباب تاع خزاتو لقاها فارغة .. كان معلق تريكو تاع بيبي برك ..
جبدو رفدو فيدو و خزر فيها و هدر ..
هيثم: وين راهم حوايجي و وشنو هادا ..
مرجعتلوش و اكتفات بانها تتبسملو برك .. قعد يخزر فتريكو مرة و ليها مرة ..
حتا فتح عينيها على وسعهم ....
هيثم : صص صحح !!
حط تريكو من يديه و راح ليها بكل سرعتو و شدها من يدها و هدر ..
هيثم : لي نخمم فيه صح ..
طاحو دموعها و هي تضحك و هزتلو براسها بمعنى ايه ..
تغرغرو عينيه بالدموع و هدر ..
هيثم : قولي ولله ..
حسناء : ولله العظيم ....
#ليلوشة
—————————————————
اوبالاتي 💙
بقااات حلقة تفصلنا عن النهاية ملقيت نفرح ملقيت نبكي .. المهم اصبرو نفرحو معا هيثم اومبعد نطلق العنان لمشاعرنا ..
جمجمو و اسناو نكتب لي موراها .. نعسسست
#ليلوشة