👑 حسناء الآغا 👑

|| الحلقة 106 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 106 Il
معا لول مسكعش مليح .. اما غير تطررت الهدرة فذهنو حبس فبلاصتو .. رجع لونو اصفر .. كأنو سمع حاجة .. كانو لي فبالو صح .. مشا على اطراف رجليه متوجه للباب تاع المطبخ .. وقف مور الباب و قعد يتصنت على هدرتهم ..
كان واقف يسمع ومش يسمع يعني حيزية لي طبعتها ...حيزية لي خلاتها شبه ميتة... بسبة غيرة حيزية عداو عليه شهرين محروم من مرتو وحسناؤو .. مقدرش يصدق .. كان مصدوم من لي سمعو من عند محمد و زادت صدمتو اكثر بعد ما سمع انو حسناء راهي تما بسبب حيزية .. يعني لوكان مطبعتهاش راهي بين يدو دوك .. حس بوجيعة كبيرة فقلبو ..يمكن اكثر فترة صعبة عاشها فحسياتو هادي هي ..
هد عليهم و دخل كيف الثور للكوزينة كوزينة .. كان يتنفس بقوة .. مزير على قبضة يديه و معقد حواجبو و نضرتو كااانت حاااادة علخر ..
شافوه هادوك زوج خدامات الخدامة قلبهم خض وسط ضلوعهم من فكرة انو سمعهم يحكيو .. ريقهم نشف والدم برد فيهم ملخوف ..
خرج صوتو عالي خلا القصر يتهز ..
هيثم: احكي ملول .. ارجعي احكي واش كنتي تهدري دوك ..
الخدامة: ااا...انا خاطيني .. والله اغا...
هيثم: رب* اهدري متستزفييش صبري ..
الخدامة: آغا ولله ما عندي حتا دخل و خفت نهدر و نخسر خدمتي و لقمة عيشي ..
حاول يهدي روحو باش ميخلعهاش و هدر ..
هيثم : احكي متخافيش مراحش تخسريها على ضمانتي ..
الخدامة : بصدفة و انا خارجة مالكوزينة شفت المدام حسناء طالعة فدرج وومدام حيزية عيطتلها وطلعت ليها ووقت لحقت ليها طبعتها .. المدام حسناء طاحت تنزف بعد ما خبطت راسها و المدام حيزية طلعت تجري ..
حكات كلش على ضربة حتا نفس انقطع عليها .. كانت واقفة تلعب بصباعتيها و تشوف فيه خايفة ..
ماهدر حتا كلمة معاها ..و دار خرج ديراكت مالكوزينة طالع لحيزية يتحلف فيها ياقاتلها يا قاتلها ...فتح لباب بقوة حتا قريب نحاه من بلاصتو .. غير شافتو جات متبسمة ليه
حيزية؛هيثم غ....
غير لحقت ليه لقات روحها مرمية فالقاعة ملكف لي خداتو .. حبط لمستواها و شدها من شعرها مطلعها ليه خلاها تعيط .. زاد ضربها كف وحدوخر خلا شفتها تسيح بدم .. قاعدة تحاول تفك روحها تما مقدرتش ..
هدر بصوت عاااالي خلاها ترعش ..
هيثم : حاطتني راقد على وذني اه .. فيبالك حمار ومستغبيتني ومش حنعرف اااه
زاد زير على شعرها اكثر خلا صوت عياطها يزيد يعلى .. و رجع هدر ..
هيثم : دمرتيها وهربتي؟ ..بسبتك هي دك مرمية فسبيطار ...نقتلك دك !! نبعتك لوين مقدرتيش تبعتيها يا د** ب**** ..
قاطعاتو بصوت عالي و هي تهدر ..
حيزية: واش حابني نعمل نصفقلها ونباركلها لان قدرت تربح قلبك .. مكفاش جبتهالي ضرة نهار عرسي ....اربي نهار عرسي وقلت مجبور ...اما ظاهركنت زادة مجبور تحبها؟....علاش هي اش ناقصني....شا فيها ومفياش
تبسم على جنب بعصب و رجع خزر فيها و هدر ..
هيثم : عدلت بيناتكم و يمكن قصرت معاها اكثر .. باش تكسبيني لالا .. شرك عمالك عينيك .. لحقتي ديري جريمة .. عارفة لوكان تموت .. نقسملك بالله غير نشرب من دمك ..
و هو هكاك يهدد فيها دخلت عليهم زهرة لان صوت عياطه معبي لقصر .. شافتو شاد حيزية من شعرها طارت ليه تحاول تنحي يد هيثم لي مزيرة عشعر حيزية
زهرة : واش قاعد تعمل هيثم ....مرتك مرتك راهي ... اطلقها راك توجعها ..
نحا يدو من على شعرها وشاف فامو و هو معقد حواجبو يشوف ردة فعلها ..
هيثم: فيبالك هي لي طبعت حسناء ..
وجها صفار .. رهبة حكمتها للحظة .. ولخلعة شدتها وسكتت ضربة وحدة ...وهيثم لاحظ وجها كيف ولا كمل
هيثم:كنتي عارفة؟
زهرة:ايه. ....لالا..قصدي ...اكيد حادث ...حيز.....
هيثم بصوت عالي : كنتي عاارفة ومخبية شي هادا عليا ؟؟..
هيثم : كنتي عارفة ومغطية عليهاا ..لوكا ماتتت حسناء ؟؟اه لوكان ماتتت ..
للحظة تفلق بضحك .. رجع يضحك بصوت خلاهم يزيدو يخافو اكثر .. و رجع هدر بهدوء ..
هيثم : اكيد ماو هادا لي حابينو ..
شاف فيهم بقهر بضعف .. بكسرة قلب .. حرموه من عشقو .. دار عند حيزية .. ركز نظرو فيها و تعمد.يهدر بصوت عاالي ..
هيثم : راكي طالق طالق طالق ..
-- الحلقة بمساعدة متابعتي : Ari za يعطيها الصحة توقعها كان صحيح --
#ليلوشة
—————————————————
اوبالاتي ..
زغرتوو زغرتوو .. هنيتكم منها الكبدة .. دوك حطووولي توقعاتكم زعما صح تهنينا منها متنساوش 500 منكم فوطاو نزيد نطولها شوية و راح نلبيلكم رغبتكم و نزيد حلقات قيس سمانة ..
حطووو توقعاتكم و اصبرو نكتب لي موراها و نجي
#ليلوشة