🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 117 Il
ملحقتش تكمل هدرتها تخبط الباب و تكسر .. رجعت تعيط باعلى صوتها كي شافت محمد دخل .. خلات حسناء تفيق على روحها ..
راح محمد لزهرة خبطها طيحها فلرض و هز تيليفون يسمع ..
هيثم : يااااا ر** نقتلك .. ياااا ر** و نحكمك ندفنك حي يا ن*** يا وليد لحرام ..
كان راح يهدر حتا التفت موراه وقت لي حس حركة .. كانت حسناء فاقت من بلاصتها .. كانتتمشي بصعوبة .. وخزر فزهرة و محمد مستغربة .. مفهمتش لي قاعد يصرا ..
حسناء : م محمد ..
سمع هيثم صوتها مالتيليفون .. اما للاسف محمد قطع الاتصال .. حس نفس تقطعلو .. مكانش متأكد انو الصوت لي سمعو صوتها .. قلبها رجع يدق بطريقة غريبة .. رعشة كبيرة سرات فبدنو ..
حس بوخزة فقلبو مفهمش معاناها اما كأنو سمع صوت حبيبتو .. اما فالاخير فسر صوتها على اساس هوس ..
قرب محمد لحسناء متبسم و هدر ..
محمد : حسناء حمدلله على سلامتك ..
حسناء : واش صرا واش راك دير هنا .. هيثم وين راه ..
غير سمع اسمو قدم ليها كيف الثور و حكمها من فكها بقوة .. و هدر و هو لاز على سنيه بعصب ..
محمد : اياك تزيدي تجبدي اسمو على لسانك و طبعها .. و خرج و خلاهم هكاك ..
ناضت حسناء بصعوبة من بلاصتها .. مفهمتش لي قاعد يصرا .. راحت لعند زهرة و قومتها من بلاصتها ..
كانت زهرة تعنق و تبوس فيهاو تبكي .. مافهمت والو حسناءو بقات تهدر بينها و بين روحها ..
حسناء : واشصرالها هادي المهبولة لبارح برك كانت تتفاهم عليا معا حيزية ..
فهمت عليها زهرة .. فهمت من نظرتها انو مراهي فاهمة والو ..
ناضت و نوضت موراها حسناء قعدتها على طرف السرير و بدات تحكيلها من الاول للاخير لي صرا ..
فهاداك الوقت وصلو رجال جابر و اجتمعوا يخططو لي يعملوه ..
رئيس الشرطة : مكاش باب خلفي للقصر يمكنا من انو ندخلو ..
هيثم : مكاش للاسف لوكان كاين راني رحت مقبيل ..
رئيس الشرطة : واش راهم طالبين ..
هيثم : نص اراضي لي عندي و ارض شريتها غير كيما ..
كيما حاولوا يلقاو حل ملقاوش .. طاح عليهم الليل و ماقدروا يديرو والو خافو يقتلو الرهائن .. جابر رجع سمر و هدية للقصر و هيثم بقا رايح جاي يخمم فلي قادر يعملو ..
تذكرت حسناء كلش .. طاحو دموعها وقت لي حكاتلها على حال هيثم فغيابها .. غمضت عينها و بقاو يترددوا فمسامعها الكلمات لي كان يقولهوملها و هي فغيبوبة .. و اعترافاتو الدائمة ليها ..
تبسمت بلا متحس .. اما تمتم فاقت على روحها و هدرت ..
حسناء : لازم نعاونوهم وحدهم ميقدرو يديرو والو .. لازم نحاولوا نخرجو حنا ..
و هي هكاك سمعت صوت اقدام جايين ناحيتهم .. رفدت كرسي صغير محطوط تما و قالت لزهرة انو تبقى مقابلة لباب و حسناء تخبات مور الباب بعد ما ركبوا وحدة جديدة باش ميهربوش ..
فتح الراجل لباب و خزر فزهرة و هدر ..
الراجل : ارواحي ..
زهرة بقات تخزر فيه متحركتش ..
خزر هو فالغرفة ملقاش حسناء ..
دخل للغرفة بسرعة و هدر ..
الراجل : وين راهي لي كانت معا...
ملحقش يكمل هدرتو خرجت حسناء بلعقل من مور الباب و خبطاتو بالكرسي على راسو ....
#ليلوشة
—————————————————
اوبالاتي 🦋
قلتلكم حسناء ستعود كما لم ترونها من قبل ههههه جهزوولي روحكم لحرب حسناااء ..و هيثم .. و ظهووور حيزية و اقتراااب النهاية هههه
جمجمووو و اسرعوووا للحلقة لي موراها ..
#ليلوشة
أنت تقرأ
👑 حسناء الآغا 👑
حركة (أكشن)❌❌ ممنوع النقل منعا باتا ❌❌ جيش الاوبالات ⚜❤ رجعتلكم ليلوشة بكرونيك جديد 🔥🔥 و بمغااامرة جديدة .. و بحكاااية جديدة 😍 و بأبطااال جدد .. ابطاال يجمعهم القدر .. تجمعهم عادات و تقاليد القبيلة .. تربط بيناتهم قيوود اقوى ملي يتوقعوا .. قيوود ميقدرووش ي...
