👑 حسناء الآغا 👑

|| الحلقة 60 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 60 Il
وقت لي شافتهم هكاك رجعت خطوة للور .. غمضت عينها بقوة و رجعت فتختهم تخزر فيهم ..
رفدت حيزية هيثم .. و شداتو من يدو و بقات تمشي معاه بلعقل حتا وصلو للباب .. دار هو موراه و شافها عند التاقة تخزر فيهم بصمت ..
كان راح يرجع و يعنقها و يطلب سماح اما كالعادة عقلو هو لي يغلب .. رجع دور راسو .. و فتح لباب و خرج هو و حيزية مالغرفة ..
غير تغلقت الباب طاحو دموع حسناء .. اما مسحتهم تمتم و قررت متزيدش تبكي على جالهم .. خلاص طاب قلبها .. قررت تهتم بحياتها و تتجاهلهم ..
دخلت للغرفة .. خملتها .. خملتها حوايجها فالخزانة مليح .. حطيت دوزنها فالدوش .. و خملت دوا تاع هيثم .. و تكسلت فبلاصتها حتا داتها عينها و رقدت ..
نروحو عند هيثم و حيزية .. بعد ما دخلو لغرفتها .. داتو لسرير .. تكسل و قعد يخزر فالسقف شارد ..
قاطعاتو حيزية ..
حيزية : كاش ما نجيبلك هيثم ..
هيثم : والو ..
و رجع سكت و قاعد يخزر فالسقف و يخمم فحسناء .. قد ما حاول ينحيها من مخو مقدرش .. راحت حيزية بدلت حوايجها و لبست نويزات .. عارفة بلي ماراح يقدر يدير والو علاجال اصابتو اما على الاقل تغريه و يقعد يخمم فيه ( يااو طزز اطمعي حمودة اطمعي هههه ) ..
تكسلت قدامو فالفراش .. قاعدة تسنا فيه يخزر فيها اما مخزرش .. قعد شارد .. يخمم كيفاش تعرف معاد على حيزية .. حتا جات فبالو فكرة انو حسناء ممكن تكون حامل من معاد ( كيما قلتلكم راهو داير فبالو اغتصبها .. )
زير على قبضة يدو .. غلق عينو بقوة يحاول ميخممش اما مقدرش ..
و هو هكاك رمات حيزية يدها لصدرو .. غير حطت يدها على صدرو جبدها و باسها بعنف يحاول يخرج زعافو فيها ( سمحولي 🥺💔 ) ..
حتا تقطع عليه النفس باش بعد عليها و فاق واش دار .. حيزية بقات مغمضة عينها فنفس الوضعية اما هو جبد روحو و دور وجهو .. جات بين عينو حسناء معمرين عينها بدموع .. ندم كتر ..
بعد مدة قصيرة فاقت حيزية .. رجعت حطت يدها على صدرو .. اما هو بعدهالها هاد الخطرة و هدر ..
هيثم : حاب نرقد ( روح تخرا .. ) ..
و حاول يدور للجيهة لي ملهيك رغم انو جرحو كان يوجع فيه ..
مهتمتش بردة فعلو بزاف و فسرتها على انو راهو مريض ..
تبسمت .. خطتها فطريقها للنجاح .. حتى انها رجعت تخمم انو حسناء راح يكون ساهل باش طلقها من هيثم ..
تكسلت فبلاصتها .. و حطت يدها على كتفو و بقات تخزر فظهرو حتا رقدت ..
اما هيثم قعد يخمم فلي دارو .. هاكا يكون طمع حيزية و فنفس الوقت راح يدخل فحرب كبيرة معا قلبو ..
جاز الوقت و لحقت الوحدة تاع صباح .. كانو كلهم راقدين .. اما هو قعد هكاك عينيه مفتوحين و مجاهش النوم .. حب يشوفها ..
ناض مبلاصتو بلعقل .. توجع اما حاول ميديرش صوت .. توجه للباب يمشي بلعقل ..
فتحها و خرج .. وصل لغرفة حسناء .. تردد الا يفتحها ولا لالا .. اما فالاخير خذا نفس عميق و فتحها ..
دخل بلعقل و غلق الباب موراه ..
دار و قابلاتو راقدة فبلاتها و مكمشة .. رغم كامل لي صرا غلباتو ابتسامتو و تبسم ....
#ليلوشة
—————————————————
اوبالاتي 🥺
اسكتوو برك قلبي راهو يوجعني على حسناء .. انا عقلي هو لي يكتب و قلبي يتأثر زمر .. باسها وليد لحرام ..
مسكيينة حسناااء واش راح يصرا فيها .. و انتظروااا الاكشن فالحلقات القادمة الا مندمتش يا هيثم منتسماااش ليلى ياااو تولي تحوس على حسناء بالشمعة اصبر برك ..
#ليلوشة