👑 حسناء الآغا 👑

|| الحلقة 44 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 44 Il
سلمتلو حيزية على راسو .. هدر معاها باباها و غالبة على صوتو بحتة لبكا ..
باباها : يا بنتي كوني نعم الزوجة لزوجك .. و مديريش حاجة خارجة عن طوعو ..
تبسمتلو و هي طمن فيه ... و هدرت ..
حيزية : تربية يدك بابا بلا متوصي .. و عنقاتو ..و زادت دخلت امها فالوسط و عنقتهم ثنيناتهم ..
و هادا كاامل تحت انضار هيثم لي كان قلبو واجعو عليهم لاقصى درجة .. خمم انو ميروحش يجيب حسناء اما نعل بليس لانو مد كلمة و ميقدرش يدور فيها عدا يدو على وجهو بسرعة .. و هدر بينو و بين روحو ..
هيثم : اه يا معاد واش درت فيا ..
فيقتو من سرحتو يماه وقت جات ليه و هدرت ..
زهرة : وليدي روح جيب عروستك ..
خزر فيها و هزلها براسو بمعنى ايه .. و رجع دار خزر فحيزية لقاها واقفة و شادة فيد باباها .. صحيح انو كانت تهبل اما محركت فيها واالو ..
عدل برنوسو .. و توجه متقدم ليها هي و باباها .. قلبو يقولو ارجع و عقلو يقولو كمل .. قلبو يقولو مراحش تدي لي تحبها .. و عقلو يقولو لي خيرتها امك احسن ليك .. و فالاخير عقلو لي فاز ..
وصل عندهم .. حبس و حبس معاه كلش .. حبس صوت البارود و حبس صوت الزرنة .. هدر باباها ..
باباها : راني مديتلك يد بنتي على سنة الله و رسوله ..
هيثم رما يدو لحيزية .. خزرت فيه و تبسمت و حطت يدها على يدو .. و فاللحظة لي تلامسوا يديهم معا بعض رجع صوت البارود ملا الدنيا اكثر من الاول بعدها علاو الزغاريت مرة وحدوخرا ..
دار هيثم متوجه لطونوبيلتو .. و بلا ميحس طلق يدها .. اما بسرعة هي رمات يدها و دورت يدها على يدو و تمشات معاه ..
عاونها طلعت فالطونوبيل ماللور .. طلعت معاهم يماه و باباها طلع معاه مالقدام ..
طلعو كلهم فسياراتهم.. و رجعو قلعو راجعين لقصر عشيرة شعابني ...
نروحو عند حسناء .. عروستنا الشابة لي كلنا نسناو فيها ..
وصلت الحفافة عندها للدار .. طلعتها لغرفتها .. حطت دوزنها كامل و وجدتهم باش تبدا تمشطلها و تماكييلها ..
بدات اولا بشعرها ..
الحفافة : شعرك يهبل ماشاء الله وقيل بلا منجبدهولك ههههه ( نكتة تنعس هههههه ) ..
حسناء : هههه حشمتيني ..
عملتلها شعرها اوندولي .. اومبعد بدات تخدملها فالكواف .. دارتلها كواف طالعة شوية معا لون شعرها جات تهبببل .. ( تصويرة تحت ) ..
بعد ما كملتلها شعرها .. راحت للماكساج .. حطتلها فوندوتان خفيف .. بعدها راحت للعينين .. حطتلها الوان ترابية و بعدها حطتلها غليتر ( شغل بريون ) ... رسمتلها الايلاينر لي كبرلها عينها .. و كحلتلها عينها خلا لونهم يزيد يبان اكثر .. كملتلها عينها .. حطتلها غوج خفيف لونو قريب لون شفايف و يلمع .. رجعت قنبلة موقوتة .. رجعت اية فالجمال سبحان الله لي خلقها .. كلش متناسب ..
الحفافة من لي كملتلها و هي تصلي على النبي ..
الحفافة : اسم على مسمى يا حسناء .. تهبلي ماشاء الله .. راحلك ليوم يهبل ههههه ( نكتة رائعة حبيتها ههههه ) ..
حسناء : هههه زعما ..
ناضت حسناء متوجهة للمرايا تشوف روحها .. وصلت و خزرت فروحها .. تصدمت .. اول مرة تحط هاد الكمية مالماكياج .. فمها رجع يبان اكثر .. عينيها يقتلوو .. ( انا و ذبت من عينها اتخايلو هيثم برك عينيك عشق .. ) ..
حسناء : يا يما شكون هادي هههه ..
الحفافة : نتي ماشاء الله .. الله يبارك ..
حسناء : يبارك فيك تعيشي ..
دخلت سمر تهدر ..
سمر : حسناء هايا وج... مكملتش هدرتها حبستها وقت شافت حسناء .. حلت فمها ..
سمر : واااااو .. ملقيتش واش نقولك .. حسناء بكل ما تحمل الكلمة من معنى ..
حسناء : قتلتوني بالحشمة ولله ..
سمر : نروح نعيط لماما و نجي ..
و راحت سمر تجري تعيط لهدية تشوف بنتها ....
#ليلوشة
—————————————————
اوبالاتي 🤍
حطووولي برك توقعاتكم هيثم واااش راح يصرالو كي يشوف حسناء.. يذوب كيما يذوب لاكريم هههههه
اكتبوولي توقعاتكم و اجروووو للحلقة لي موراها و جمجموو لي راهم لفوووق ..
#ليلوشة