👑 حسناء الآغا 👑

|| الحلقة 92 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 92 Il
رجعت بيه الذاكرة لنهار قبل الهجوم .. نهار لي اتفقوا فيه على كلش ..
~~ فلاش باك ~~
كان قاعد محمد فبيروه .. و معاد قاعد فالكرسي لي مقابلو ..
حط القهوة على جنب و ضم يديه لصدرو و هدر ..
محمد : قررت غدوة نفذو الخطة !!
معاد : ايه لازم باش تفرا الامور بسرعة .. انا نطلع اغا و نتا تقدر تجوز اسلحتكم على ارضنا ..
محمد : اوك .. نتا روح لقصر حسناء .. راح تلقا باب مور القصر عندنا مدة و حنا نراقبوا فيه و عرفناها .. ادخل تما وقت لي يبدا الهجوم .. بعد ما نمدولهم انذار خاطئ نظن راح يجو .. و الا مجاوش نفذ الخطة ب و اخطف حسناء ..
معاد : شكون حسناء اما ..
محمد : خت الآغا جابر .. و راني نبهك من دوك مكلاه تحط عينك عليها راهي ليا ..
معاد : ايه و هيثم كيفاه ..
محمد : هيثم يقتلوه و الا مقتلوهش راح نخطفوه حنا ..
بعد ما تعدا النهار هاداك و صرا الهجوم و تعرف معاد على حسناء .. غير خرج مالقصر عيط فتيليفون لمحمد ..
معاد : الو محمد ..
محمد : وي ..
معاد : متقتلوش هيثم لقيت خطة وحدوخرا .. راح نستدرج حسناء تعاونا بمعلومات من عندهم و هاكا نقدرو نطيحو هيثم ففخ يخليه يعتزل الاغوية بلا منقتلوه ..
محمد : متأكد ..
معاد : ايه متأكد ..
تعداو اليامات و معاد فكل مرة يزيد يتعلق بحسناء و جمالها .. حب يتملكها .. حتا لحق نهار لي شرب فيه و راح ليها .. و كان هاداك النهار لي قتلوه فيه .. النهار لي غير حياتهم كاامل ..
فيقو من سرحتو صوت الباب لي تفتح .. دخل واحد من رجالو و هدر ..
راجل : اغا قلتلنا نجهزو سيارة نروحو لسبيطار ..
محمد : الغيها راهو تما هيثم خليها لنهار وحدوخر ..
خرج الراجل و رجع محمد يشرب .. هدر بينو و بين روحو ..
محمد : يا اما تكوني ليا يا مصيرك الموت و بما انك كنتي لواحد غيري معنتها الخيار الثاني يناسبك ....
و ناض راح للفوتاي تكسل حتا خذاه النوم ..
تعدات ليلة هاديك فهدوء .. و لحق نهار جديد بأحداث جدد ..
كان حاط راسو فوق يدها .. صوتها يعيطلو من بعيد ..
حسناء : هيثم .. هيثم شدي ..
هيثم : راني جاي حبيبي هاتي يدك ..
حسناء : هيثم اجري ..
رما يدو ليها .. و كل ما يقرب ليها هي تبعد .. و على فمها غير اسنو لي يتعاود .. كانت لابسة ابيض .. و شعرها مطلوق ..
و فجأة رجعت الروبة لي لابستها غارقة فالدم .. الشيلي خلاه يتفزع و يقوم من نومو بسرعة ..
ناض و نفسو متسارع .. عرقو على جبينو .. خزر ليها بخوف يتفقد فيها ..
لامس اطرافها بيدو يتأكد انو فاق مالكابوس لي كان فيه ..
تنهد براحة و عدا يدو على وجهو .. و هو هكاك صونا تيليفونو ..
هيثم : الو وي عصام ..
عصام : الو اغا ..
هيثم : واش عرفتو لي دار هاكا فحسناء !!
عصام : .....
#ليلوشة
—————————————————
اوبالاتي 💜
تكشفت علاقة معاد معا محمد .. فرايكم واش صرا بعدها .. و محمد اكيد عشق حسناء من قبل .. فرايكم كان عليها بانو مصيرها الموت !!
و عصام زعما عرف لي صرا لحسناء ولا نن ..
حطووولي توقعااتكم و نتلاقاو غدوة ان شاء الله مووور العصر و قبل المغرب هههه ماشي متأكدة الوقت وقتاش مي فهاديك الفترة نحط حلقات زيادة لانو وعدتكم 3 سبتمبر نكملها
#ليلوشة