👑 حسناء الآغا 👑

|| الحلقة 7 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 7 Il
و معا كلمتو الاخيرة سماعيل خاف عليها .. هو يشوفها اكثر من اخت .. اما كونو اليد اليمين للاغا مقدرش يستعرف بحبو ليها و قرر يراقبها مالبعيد برك .. يعني وقع فحب من طرف واحد ..
كمل الاغا يمشي باتجاه السيارة و موراه سماعيل ..
وصلو لطونوبيل .. فتحلو سماعيل لباب لي ملور حطها و ركبو فيزوج مالقدام و طاار بيها للقصر .. بعد مدة فصيرة كان وصل للقصر .. راح مالباب الخلفي باش ميشوفو حتا وااحد .. لكن للاسف تأتي رياح بما لا تشتهي السفن ..
بعد ما حبط من طونوبيلتو هز حسناء فيدو و يمشي بلعقل و يتلفت يمين و يسار باش ميشوفو حتا واحد.. وصل عند لباب الخلفي للقصر .. تنهد براحة .. رما يدو يفتح لباب و هو غيير فتحها قابلو سلمان ( باباه ) خارج من نفس الباب ..
جابر قلبو دق بالقاوي .. غلق عينيه باش ميشوفش نظرة باباه لحسناء ..
اما سلمان كان متبسم فوجه وليدو لكن تمتم تمحات تبسيمتو و رجعة صدمة كبيرة .. حسناء بنتو و صغرونتو بين يدين جابر مغمى عليها .. بلا ميحس قدم ليها و حط يديه فيزوج على وجها يخاول يفيق فيها ..
سلمان : حسناء بنتي .. حسنااء ..
و هو يفيق فيها لفت انتباهو الزروقية لي فرقبتها .. بعد عليهم شوية و خزر فلبستها .. كانت مقطعة كلها و عليهم بقع دم تاع معاد و مغطية بطرف قماش ..
خزر فجابر مصدوم .. خزر فيه يسنا فيه ينفي الافكار لي فراسو .. هدر معاه و غصة فصوتو .. كأنو يترجى فيه ..
سلمان : جابر ..
فهم عليه جابر .. و ملقاش واش يقولو غير انو يحبط راسو للارض ..
فهاديك الدقيقة سلمان رجع شخص وحدوخر .. فالدقيقة هاديك عرف بلي شرفو و شرف عشيرتو تلطخ ..
نسا خوفو على بنتو .. نسا حالتها .. تفكر فقط كلمة شرف .. تربا على عادات و تقاليد عندهم الشرف اسبق من كلش ..
اما جابر حبط راسو للرض .. كان حاب يخبي لي صرا على الاقل ميتنفذش حكم القتل على ختو .. اما للاسف شكون فاق بيه .. اكثر شخص يقدس العادات و التقاليد .. قطع على تفكيرو سلمان وقت رجع هدر ..
سلمان : حطها فالاسطبل منسحقهاش تدخل لداري .. راح نجمع كبار العشيرة و نخبرهم بحكم قتلها .. عشية يتنفذ ..
دار و خلاه مصدوم للمرة الثانية .. ايه للمرة الثانية يصدر هاد القرار .. المرة الاولى تنفذ الحكم و تقتلت الطفلة تحت ما يسمى عادات ( هادي هي حكاية الثأر معا الوقت تعرفوها ) .. اما المرة هادي من يدري يمكن ميطبقش ..
سلم امرو لله .. دار متوجه للاسطبل .. حطها تما و خزر فيها متأسف ..
جابر : علاه يا حسناء علاه .. واش عملنالك .. علاه درتي هاكا و نتي عارفة لي صرا من قبل و انضريتي منو اكثر مني علاه يا حسناء..
بقا يخزر فيها لمدة قصيرة .. بعدها خرج و راح ..
نروحو للمستشفى .. وين كانو يسناو تما عايلة شعابني .. عملية معاد طولت اكثر ماللازم ..
فات يماه و راحت عند هيثم .. شدتلو يدو و هدرت ..
زهرة : يا وليدي قولي وشبيه معاد واش صرا ..
هيثم : آل ضافر..
معا لي نطق هاد الاسم خبطت صدرها بيدها و هدرت بصوت مرتفع شوية ..
زهرة : يا ويلي مزاال مشبعوش مالدم هادو مزاال ..
هيثم : ششت يما نقصي حسك .. هاد المرة الغلطة من عندنا .. الغلطة غلطة وليدك الط*** ..
زهرة : واش دار ..
هيثم : اغتصب حسناء .. اخت الآغا جابر ..
تبسمت بسخرية و هدرت ..
زهرة : مستحيل معاد تربية يدي ميديرش هاكا مستحييل ..
هيثم : شفتو بعيني يا يما .. وصل جابر قبلي و قوص عليه ..
و قبل ما يكمل يحكي خرج الطبيب من غرفة العمليات ..
ناضو توجهو كامل ليه .. و هدر معاه هيثم ..
هيثم : خير دكتور طمني ..
طبيب : للاسف ....
#ليلوشة
—————————————————
اوبالاتي 🔥
فرااايكم طبيب وااش قاللهم .. سلمان شخص قاسي كيما تعرفو .. فرايكم حسناء راح تموت ؟؟ و الا مامتتش واش راح يصرا .. و واش حكاية الطفلة لي تقتلت بأمر من سلمان .. شكون هي و واش علاقتها بالعشيرتين ؟؟
خلولي توقعاااتكم طوااال عرااااض 🔥🔥 و خلو كومنتار هنا غير نزيد نحط نجمجملكم على تعليقاتكم
#ليلوشة