👑 حسناء الآغا 👑

|| الحلقة 70 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 70 Il
حيزية : شي مشفتش شكون لي هدر .. كنت فالاسطبل و سمعتهم من ورا الباب .. كانو زوج رجال تما ..
هيثم : جربي تتفكري شكون هوما .. وشمن وقت كنتي تما ..
حيزية : معنديش بزأااف ..
خرج مالغرفة و مرجعلهاش .. حبط للاسطبل قلب عليهم ملقا حتا واحد تما ..
خرج سقا بين رجالو اما واحد ما شاف بلي كانو رجال تما ..
كان راجع للقصر داخل باش يزيد يستفسر من عند حيزية اكثر .. اما وقفو صوت عصام ..
عصام : آغا ..
دار هيثم لعند عصام .. شافو جاي لعندو و وجهو ميبشرش بالخير ..
هيثم : خير عصام ..
عصام : حمدلله على سلامتك آغا ..
هيثم : الله يسلمك اما خير وشبيه وجهك هاكا صفر ..
عصام : شي آغا .. تتفكر الارض لي شريناها غير كيما ..
هيثم : ايه الارض لي خارج العشيرة ..
عصام : هاديك هي ..
هيثم : وشبيها ..
عصام : عشيرة سعدي رجعو يحطو فيها صناديق .. معا لول قلنا عادي .. اما واحد من رحالنا فتح صندوق بالتخبية لقا فيه بارود و سلاح و بكميات كبيرة ..
هيثم : كيييفاه ..
عصام : ولله و معرفناش الا نهدرو معاهم ولا .. جيت ليك ديراكت ..
هيثم : خلو كلش كيما راه .. متبينولهم والو .. راح ندبر راسي انا .. خلي هاد اليومين نرتاح شوية و بعدها نتحركو .. و فليل اجمعلي مجموعة مالرجال و اسناني هنا نطلعو للارض نشوف بعيني ..
عصام : حاضر آغا ..
دار هيثم متوجه للقصر .. دخل و كان طالع لغرفتو .. قابلاتو زهرة فطريقة ..
زهرة : وليدي راك مليح ..
هيثم : حمدلله ..
زهرة : يا وليدي متعبش روحك علاجال خام...
ملحقتش تكمل هدرتها هدر بصوت عالي ..
هيثم : يما متكمليش هدرتك .. راني عيان و طالع نرتاح .. اومبعد نهدرو ..
جا طالع فالدروج فاتت عليه الخدامة هازة سينوة تاع ماكلة و طالعة بيها ..
هيثم : لمن هادي ..
الخدامة : لمدام حسناء ..
هيثم : شكون طلبها ..
الخدامة : مدام جهيدة بعد ما عقمتلها جروحها طلبت نديلها تاكل ..
هزلها براسو و خلاها تفوت .. تفكر عيطتها و نظرتها .. قلبو وجعو ..
كمل طريقو طالع للغرفة .. اما حبسو صوت حيزية تهدر معا الخدامة قدام غرفة حسناء ..
قدم بلعقل بلا ميعمل حس و عمل للخدامة بصبعو بمعنى اسكتي و وقف مور حيزية و سمعها تهدر ..
حيزية : رجعي الماكلة للكوزينة قح** كيفها متستهلش تقعد هنا ولا تاكل هنا ..
زير على قبضة يدو .. عض على لسانو .. و هدر بصوت عالي ..
هيثم : حيزية ..
هي غير دارت ليه و جاها كف سباعي الابعاد حست خدها طار ...
#ليلوشة
—————————————————
اوبالاتي 💜
بعد الحملة لي درتوها راني درت العدل بيناتهم بالكف هههههه و مزاال الخييير .. حطووولي توقعاتكم طواال عراض نروح نكتب الحلقة لي موراها و نجي
#ليلوشة