👑 حسناء الآغا 👑

|| الحلقة 41 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 41 Il
رمات يد٧ا لتيليفون .. رفداتو و بقات تخزر فيه ..
حسناء : نرفد ولا منرفدش .. واش يحوس عندي ..
رفدت عليه و بقات ساكتة محبتش تهدر .. و قاعدة تسمع فيه ..
هيثم : الو ..
حسناء : انعم ..
هيثم : راني قريب نوصل للقصر تاعكم .. احطبي نسحقك ..
وقفت من بلاصتها و بدات دور بتوتر فغرفتها و تهدر معاه و هي تزرب ..
حسناء : حسناء .. كيفااه .. وعلاه راك جاي .. واش تسحق ..
هيثم : نهدر معاك على اسماعيل و نتأكد بلي مدارلك والو ..
حسناء : قتلك مادارلي والو .. و ديجا علاه راك مهتم بيا لهاد الدرجة ياك زوجنا من اولو لأخرو صفقة ولا لالا ..
هيثم : سكري ر* فمك عليا و اهبطي ..
حسناء : منهبطش ..
و كوبات عليه .. خزر فتيليفون و خبطو ..
هيثم : رجعتلها عادة تكوبي عليا .. انا لي نربيها ..
راحت حسناء دخلت لفراشها .. و بقات تخمم و طلع و تهبط ..
حسناء : علاه راه مهتم بيا لهاد الدرجة .. و واش دخلو فاسماعيل .. و علاه حذرني منو شكون قالو .. اوووووف ...
نفضت مخها من افكار٧ا و بقات تخزر لسقف الغرفة حتا هزها النوم..
بالنسبة لهيثم دار و رجع للقصر بسرعة كبيرة و هو معصب .. اكره حاحة عندو يتجاهلو شخص هو مهتم بيه ..
فتح لباب بلعقل و دخل .. و هو طالع قابلاتو يماه عند الدروج..
زهرة : خير وليدي فريتها ..
هيثم : ايه يما خلاص ..
زهرة : هايا مالا اطلع ترقد .. غدوة نشوف وليدي عريس .. و ان شاء الله نزيد نشوفو اب ..
قلبو وجعو عليها .. خايف من صدمتها غدوة .. ( غاضتني 🥺 .. )
قدم ليها .. شدلها يدها فيزوج و هدر معاها ..
هيثم : سامحيني يما ..
زهرة : على واش يا وليدي ..
هيثم : على لي فات و على لي جاي ..
مركزتش معا هدرتو و قاطعاتو مخلاتوش يكمل و هدرت و هي متبسمة معاه..
زهرة : مسامحاتك يا وليدي.. هايا اطلع ارقد غدوة المنوض بكري ..
باسها من راسها .. و طلع لغرفتو .. دخل ديراكت للدوش .. عمل دوش خفيف ..
لبس شورت و بقا هكاك بلا تريكو .. ( حوجي يانااااا ) ..
و دخل لفراشو .. حط يد تحت راسو و بقا يخزر لسقف .. و يخمم واش ممكن يكون عمل اسماعيل لحسناء .. و وين ممكن يكون .. و بعدها تفكر وقت كوبات عليه مرتين فوجهو ..
هيثم : غدوة نتفاهموا عليها هادي .. و بقا يخمم و يخمم حتا تغمضو عينيه و رقد اميرنااا ...
#ليلوشة
—————————————————
اوبالاتي 💙
لحق اليوووم الموعود و هااا دلالي .. ايا كل وحدة تحكم معامن تركب فالكورتاج متبقاوس تهبلو فينا .. و مدابيكم ديرو سمير كحل .. تعرفوني منحبش الفرحة بزاف ههههههه راح نديرلكم كااااارثة 😂
#ليلوشة