👑 حسناء الآغا 👑

|| الحلقة 69 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 69 Il
صالح : هيثم فيق على روحك واش قاعد دير ..
و قاعد يخبط فالباب بكامل قوتو ..
حسناء كانت تصارع فهيثم لي كان معمي .. كان عبارة عن حيوان جنسي فهاديك اللحظة ..
قطعلها حوايجها .. ضربها بكف خلا عينها تزراق ..
مقدرتش تتحمل .. سيناريو معاد يتعاود معا خوه ..
عيطت باسمو على قد ما تقدر ..
حسناء : هيييثممممممم ..
صوتها هز الدار فهاديك اللحظة .. خرج معا بحتة بكا .. صداه قاعد يتعاود فالدار .. كان صوت يقطع القلب لدرجة انو حيزية لي قلبها كحل و رعشت من صوتها ..
عيطتها خلاتو يفيق على روحو .. كأنو كان شخص وحدوخر و فاق بعدها ..
يخزر فيها مصدوم كيفاه مجروحة ففمها .. و كيفاش زرقة فعينها ..
نظرة الخوف لي كانت فعينها من جيهتو جامي شافها .. تمنى لوكان مكانش عايش فهاديك دقيقة .. غضبو سيطر عليه خلاه عبد وحدوخر ..
حسناء : خليني .. الله يسترك بعد ..
بلا ميزيد حتا كلمة .. حبط عينو .. غطاها و ناض من قدامها ..
متوجه للباب و يسمع فصوت شهقتها .. رغم انو فاق على روحو و مغتصبهاش اما عملتو معاها متتغفرش و خاصة الكلمة لي قالهالها ..
وصل للباب يسمع فصوت عمو يعيط و يخبط فالباب ..
دور المفتاح و فتح الباب .. قابلوه كلهم يخزرو فيه ساكتين ..
حبط راسو حشمان من عملتو .. ( طاح لقدر هههه ) ..
قدم ليه صالح معصب .. وقف مقابلو و هدر معاه ..
صالح : لي درتو ميديروهش الرجال يا هيثم .. ميديروهش الآغاوات ..
محبش يكمل يسمع هدرتو .. حط يدو على جرحو لي كان يوجع فيه .. و حبط للتحت ..
ركب فحصانو و طار بيه .. رغم للالم لي كان فالجرح اما الم قلبو على عملتو اكبر .. وجيعة قلبو كي قاتلو ايه كنت نتلاقاه اكبر منهم فيزوج ..
راحت زهرة و حسناء معا بعض .. محبوش يدخلو عند حسناء ..
دخلت جهيدة مرت صالح عندها .. قلبها تقسم عليها ..
معنقة مخدتها و تبكي .. ولا واحد جرب يواسيها ولا ينقص عليها ..
قعدت جهيدة قدامها على طرف السرير ..
دورت حسناء راسها و خزرت فيها بعنين معمرين دموع ..
حطت جهيدة يدها على كتف حسناء و هدرت ..
جهيدة : ربي يصبرك يا بنتي ..
زادت قوات فبكيتها اكثر .. شي لي خلا جهيدة تعنقها ..
فهاداك الوقت هيثم راح للمزرعة و قعد وحدو تما .. يخزر فالناس يخدمو .. و سرح فيهم .. رجعت بيه ذاكرتو للنهار لي شافها مرمية فلرض فوسط ساحة قصرهم .. تفكر صوت عياطها و هي تتضرب .. هدر بينو و بين روحو ..
هيثم : ماتفرق عليها فوالو يا هيثم ..
مسح وجهو بعصب .. و ناض يراقب الخدامين بملامح جادين و تقريبا عيط عليهم كامل بلا سبة ..
بعد ما هدات شوية حسناء فحضن جهيدة .. ناضت جابتها معقم و باسما للجرح لي ففمها و جابتلها بومادة للزروقية لي فعينها و كانو تخبيشات صغار فوجها لي يشوفها يقول دارت حادث مرور ..
عقمتلها جرحها و دارتلها كلش .. و هدرت ..
جهيدة : نخليك ترتاحي .. انا نروح ردي بالك على روحك ..
هزتلها حسناء براسها بمعنى ايه .. و حطت راسها على مخدتها حتا داتها عينها مالبكا و التعب ..
اما حيزية كانت فرحانة بشي لي دارتو .. اول خطوة نجحت اما مزاللها بزاف خدمة باش تبعدها ..
زهرة : واش قلتيلو ..
حيزية : ههههه سر المهنة ماما .. اما مبقاش و نتهناو ..
زهرة : ان شاء الله كي ليوم تبقالي كنة وحدة ( ههههه امنيتها نحققهالها مكاش مشكل نخليلها كنت وحدة برك و وحدة نليكيديها )
كملو خدمتهم و هوما يهدرو على حسناء و حيزية فكل مرة تجي فبالها فكرة ديرها ..
بعد مدة طلعت لغرفتها .. كان مزال ماجاش هيثم .. بدات تعدل فالفراش حتا تفتح لباب و دخل عيان .. وصل عندها خزر فيها بجدية و بملامح يخوفو .. و هدر ..
هيثم : شكون هوما لي سمعتيهم يهدرو على حسناء ..
قلبها دق بقوة بين ضلوعها .. لون وجها رجع اصفر كانو مافيهش دم .. ارتبكت و معرفتش واش تقول ..
حيزية : ش ش شي .....
#ليلوشة
—————————————————
اوبالاتي 💜
احمممم انا لا اشجع على الاغتصاب ههههه دايرتلهم فكرة افضل باش يعرف بلي راهي عذراء الفكرة تاع الاغتصاب قديمة لازم نجيبلكم الجديد 😂
احممم دوك جاات دالة حيزية شوية شر لحيزية .. حطوووولي توقعاااتكم طوال عراااض .. غدوة نكوون فالبحر وقيل نحط فليل كااامل بسك نجي عيااانة نرقد اومبعد نوض نكتب لوووف يوووو بونوي
#ليلوشة