👑 حسناء الآغا 👑

|| الحلقة 123 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 123 Il
تعداا نص نهار .. و زهرة راحت لدار صالح .. حسناء و هيثم راحو فطرو فقصر عشيرة ال ضافر بعد ما اصرت عليهم هدية ..
وقت لي كانو داخلين تلاقا هيثم بسلمان .. سلمان عقد حواجبو دور وجهو و خرج خبط لباب .. ديكتاتوري و حتا كي عرف بلي غلط ماستعرفش ..
جوزو معا بعضهم عشية ..كانو قاعدين فالصالون يحكو يخاولوا ينساو التوتر لي عاشوه و لي يشوفهم يقول عائلة .. جابر كان معا هيثم يحكو و يتمسخرو مع بعض .. حتا هدر هيثم ..
هيثم : هاداك هو لازم نروحو .. راح الحال باش نوصلو بكري شوية و نقو الدار ..
هدية : ايه صح وليدي هاداك هو ..
وقفو كلهم .. و بداو يودعوا بعضاهم و طبعا الدموع لازم تحضر .. كانو خارجين مالقصر و هدر جابر ..
جابر : كاش ما تسحق عيطلي ..
هيثم : اكيد شريك ..
كانت فرحت جااابر كبيرة بعد ما استعاد صاحبو و فرحت سمر كانت اكبر بعدما شافت جابر متبسم و يهدر من قلبو و عايش من دون تأنيب ضمير ..
خرجو كيفكيف و ركبو فطونوبيل مالقدام .. طلعت حسناء مترددة و حشمانة منو .. اما هيثم كان فرحان و قرر انو يهدم الحاجز لي بيناتهم ..
قلع بطونوبيل و فنص الطريق شعل البوسط و جات غنية تاع " شو حلو حبيبي شوو حلو " ..
هدر معاه وبتسامتو لاحقة لوذنو ..
هيثم : بالاكي تقولي آغا كافي ولا .. راني حافظها و نعرف نغني ..
خزرت فيه بطرف عين و هدرت ..
حسناء : على الاقل متشكرش روحك .. مغرور ..
قعد يزكر فيها و بدا يغني ..
هيثم : شوو حلو حبيبي شوو حلو .. هالقمر شوفو ما اجملو..
و حط يديه على خدودها يلعب بيهم .. و كمل يغني ..
هيثم : بس انا عبالي دللوا و حياتي ما حدا بقا يزعلوا ..
و رما يدو و شدها من يدها .. وجها راح الوان و جا الوان مالحشمة .. راحت تجبد يدها مخلاهاش زير عليها ..
هيثم : تزيدي تجبديها نديرو اكسيدون و نموتو و ذنوبي فرقبتك ..
حسناء : خلاص منجبدهاش متاكلنيش برك ..
هيثم : لالا ناكلك .. ( سوفاج هههه ) ...
كمل طريق هكاك يهبل فيها و هي تهبل فيه خطرات اما مزالها حشمانة منو .. حساتو طفل قدامها .. تبدل بزااااف رجع حبووب و رجعت تحس روحها حاجة مهمة بزاااف قدامو اما عاجبها علخر هاد الشعور ..
وصلو للبيت الجبلي لي كان تحفة يهبل .. مخدوم بالحطب .. شجر فكل بلاصة .. كانو كاينين بيوت اما بيناتهم مسافات معتبرة ماشي لاسقين فبعضهم ..
دخلو للبيت و هو شادها من يدها محبش يطلقها .. دخلها و ورالها البيت من الاول للاخر .. حتا وصلو لغرفة نومهم .. فتحها و هدر ..
هيثم : و هنا نرقدو ..
حسناء : قصدك ترقد ..
هيثم : لالا قصدي نرقدو ..
و قرب ليها اكثر .. رجعت تحشرت فزاوية .. عينيه ذبالو و حرارة جسمو حسها ارتفعت و هي زادة مكانتش اقل منو .. عينيه كانو مركزين على شواربها و هدر و نفسو يخبط فوجها ..
هيثم : حسناء ماراح نغصبك على والو عارفة هاد الشي ..كلش راح يصرا بارادتك ..
حسناء : ....
#ليلوشة
—————————————————
اوبالاتي 💙
حبييتو هيثم زهوااني 😂 مهم اسمعو الغنية تاع شو حلو حبيبي شو حلو باش تتخايلو هيثم مليح ماشي تتخايلوه ماميدو 😒
و حسناء شكلهااا مطووولة اححح متحمسة نكتب اللقطة كي يلقاها عذراء حوجي حوجي
#ليلوشة