👑 حسناء الآغا 👑

|| الحلقة 89 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 89 Il
هيثم : خويا سعيد تان لقيناه مقتول و مرمي عند باب القصر ..
جابر : ك ك كيفاه ..
كانت حالة هيثم نفس حالة جابر و يمكن اكثر .. خوه سعيد كان بمثابة الاب ليه .. كان سندو .. كان مربيه على الاخلاق لمليحة و حتا هو كان شخص مليح .. لدرجة انك كي تشوفو ميبانلكش من عائلة الاغا .. كان بسيط لدرجة انو يبان شخص عادي .. حتا ملابسو مكانتش فاخرة و واو ..
هيثم : قتلولي خويا .. خويا لي خاطيه المشاكل لقيتو مقتول يا جابر .. اما راح نجبد لي قتلو و نشرب من دمو ..
و مالعصب خبط التيليفون بقوة .. قعد فلرض و ضم رجليه و قاعد يتفكر فخوه ..
جابر كان فصدمة .. هدرة باباه كي قالو قتلت هاداك الرخيس و هدرت هيثم لي قالو قتلولي خويا قعدت دور فمخو ..
حط يديه فيزوج على راسو و هدر ..
جابر : مستحيل تكون صدفة مستحييل ..
رجعت سمر للواقع بعد ما خذاتها ذاكرتها لليوم المشؤوم اليوم لي غير حياتهم كامل ..
سمعت صوت حركة .. دارت لقاتو هيثم رجع دخل .. كان هادي .. عينيه حمورة و شعرو داخل فبعضاه .. قفالي لولين تاع شوميز تاعو مفتوحين .. تكسل على الحيط ..
ناض جابر ليه .. وقف قدامو و حط يدو على كتفو و هدر ..
جابر : راح تقوم باذن الله ادعيلها ..
خزر فيه هيثم .. كان مدمر فاللحظة هاديك .. خزر فجابر بنفس خزرت الصداقة لي كانت بينهم من قبل .. تبسم تبسيمة خفيفة و هدر ..
هيثم : امين ..
عدل وقفتو و وقف مقابلو وجها لوجه .. عيونهم فيزوج كانو يحكو بزاااف .. مجرد كذبة صغيرة كان مضطر يكذبها جابر فرقت بيناتهم و شعلت بيناتهم حرب ( الحلقات الجايين تعرفوها ) ..
تقدم جابر اكثر و عنق هيثم .. و حتا هيثم بادلو تعنيقة ..
شافتهم سمر من بعيد تبسمة نن قلبها رغم الحزن لي كان .. و هدرت ..
سمر : فرق بيناتهم موت قمر و راح تجمع بيناتهم حياة حسناء ان شاء الله ..
هيثم : يعطيك الصحة ..
جابر : سامحني خويا ..
بقاو مدة قصيرة هكاك و بعدو على بعضاهم .. بعدها قعدو قدام بعضهم ..
هدر جابر ..
جابر : علاه تزوجتها .. نعرفك و نعرف بلي كان عندك اكثر من حل ..
بقا هيثم يخزر فالفراغ .. و هدر و هو متبسم وقت تفكر نظرتها .. الكون لي فعينها .. ابتسامتها .. و هدر ..
هيثم : حبيتها من قلبي .. حبيتها من اول نظرة .. من اول مرة طاحت عيني فعينها اسرتني ..
بقا جابر ساكت .. عارف واش معناها الحب .. حتا هو حب سمر ..
هيثم : يمكن قتلتولي خاوتي فيزوج .. يمكن كرهتكم كامل .. اما حسناء غير ..
حافظ جابر على سكوتو.. محبش يهدر .. بقا يسمعلو برك ..
هيثم : بالرغم من اني للدوك مزال مفهمتش كيفاه تلاقا...
مكملش هدر خرج طبيب .. ناضو كامل بسرعة ناحيتو .. و اول هيثم .. كان يخزر فيه بامل .. كان يحاول يفسر نظرتو و ملامحو اما مقدرش ..
طبيب : للاسف المريضة دخلت غيبوبة ....
#ليلوشة
—————————————————
اوبالاتي 💜
فرايكم وااش راح يصرا لحسونتنا .. و هيثم كيفاه راح تكون ردة فعلو .. و واش الكذبة لي كانت سبب فعداوتو معا هيثم .. و محمد المافيا تاعنا لي راهو مختفي واش راهو مخطط ..
حطووولي توقعاتكم و دوك نزيد شوية و نكتب الحلقة لي موراها مزال متعشيتش ..
#ليلوشة