👑 حسناء الآغا 👑

|| الحلقة 23 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 23 Il
وصلو لسبيطار .. حبس الطونوبيل بقوة ..
حبط جابر يجري هاز فيدو سمر و يعيط لطبيب .. و سلمان يجري موراه ( اتخايلوه يجري كالبطريق ههههه ) ..
هزوها عليه الممرضين .. دخلوها للغرفة و طبيب بقا معا جابر .. سقساه ..
طبيب : خير آغا واش صرالها ..
جابر : ولله مش عارف كانت واقف حتا داخت .. هاد اليامات راهي دوخ بزاف الله يسترك روح شوفلي وشبيها و طمني عليها ..
طبيب : اكيد متخافش هدي روحك ..
راح الطبيب و دخل للغرفة لي كانت فيها سمر .. و سلمان حط يدو على كتف جابر و هدر ..
سلمان : متخافش عليها وليدي ..
خزر فيه جابر .. و دار حط راسو على الحيط و هدر ..
جابر : ياا رب احفظهالي .. ( و انا يااا رب ارزقني بشخص كيما جابر ولا هيثم قولو امين ولا منزيدش نكتبلكم ) ..
و قعدو برا يسناو ..
نرجعو لعند حسناء .. لي كملت طريقها بتخبية باش ميشوفوهاش الرجال لي تما ..
و هو قاعد يتبع فيها بتخبية .. متبسم على جنب و متحمس يشوف حركتها و ذكائها فالهرب ..
هدر بينو و بين روحو : راح نشوفو كيفاه تهربي حسونتي ( زدق زدق قاللها حسونتي احمم دوك تعرفو شكون ) ..
-- فلاش باك --
بعد ما خرجو من القصر .. توجهو كيفكيف لطونوبيل .. هدر صالح باش يكسر الصمت لي بيناتهم ..
صالح : واش شرطتلك ..
هيثم بسخرية : الهنا .. باينة مراح تشرط والو لانو خارجة من قصر و داخلة لقصر وحدوخر .. ( الفكاهة الغاملة تاع هيثم ) ..
طلعو لطونوبيل كيفكيف .. هيثم يسوق كالعادة و صالح قاعد مالقدام بجنبو ..
و قلعو متوجهين للقصر .. هدر صالح مرة وحدوخرا ..
صالح : اهل حيزية كيفاه راح دير معاهم .. كيفاه راح تخبرهم ..
هيثم : مش عارف عمي ..
صالح : لازم تكون عارف نتا لي حطيت روحك فهاد الموقف .. فهمني كيفاه راح تتزوجهم فيزوج فنفس النهار .. اكيد بعد ما تجيب حسناء حيزية راح ترفض ..
هيثم : انا علابالي .. نهار يوصل الوقت تعرفو ..
كان راح يهدر صالح اما وقفو هيثم بعد ما حبس طونوبيل بقوة لدرجة راحو للقدام و رجعو للخلف ..
هدر صالح بصوت شوية عالي ..
صالح : وشبيك هبلت ..
هيثم : عمي هاك الطوبيل روح للقصر عندي شغل نديرو و نرجع ..
صالح : وشمن شغل فهاد لبلاصة ..
حبسو فالبلاصة هاديك لي دخل للمنطقة لي كان معاد راح يغتصب حسناء فيها ..
هيثم : عندي شغل اومبعد تعرف ..
هبط هيثم مالطونوبيل وقعد واقف .. استنا حتا صالح قلع بطونوبيل و توجه للدخلة الضيقة هاديك ..
دخل فيها و بانولو الصخرا الكبار ..
رجعت بيها ذاكرتو لهداك النهار .. اما تمتم نفض مخو من هاد الافكار و دخل وسط الحجرات هادوك .. و وصل بضبط لبلاصة الحادثة .. كان دم معاد مزال كاين فلرض .. لمح تان تما .. سنسلة .. رما يدو و هزها ..
كانت سنسلة لي يجو فيها تصاور ..
فتحها شاف تصويرة حسناء و قدامها تصويرة طفلة تشبهلها حس انو شايفها من قبل ..
تبسم على جنب اما تمتم خطرة فبالو فكرة ..
هدر معا روحو بصوت مسموع ..
هيثم : كيفاه وصلت حسناء لهاد لبلاصة .. اكيد كاين طريق منعرفوهش ....
#ليلوشة
—————————————————
اوبالاتي 🔥
نظن عرفتووو شكووون راهو يتبع فحسناااء .. تحمست نكتب واش راح يصرا بيناتهم .. و تفكرت نحاول منكتبش مشاهد كذا منا ملهيه نبهتني وحدة مقبيل يعطيها الصحة باش نتوما ماتدوا ذنوب و انا ما ندي ذنووب ياك راهي شاابة بلا بيهم هههه
تحسمت نكتب وااش راح يصرا بيناتهم .. و يزيد حماسي و نبلي سمر بكاش مرض ههههه
خلولي توقعاتكم و تعليقاتكم كي نحط نجمجملكم عليهم .. دوك راح نطول شوية لانو دالتي لماعن ههههه
#ليلوشة