👑 حسناء الآغا 👑

|| الحلقة 91 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 91 Il
هيثم : اما شكون لي عمل فيك هاكا ...
فهاداك الوقت حيزية و زهرة وصلو للقصر .. فتحتلهم الخدامة الباب مرتبكة و ملامحها ميبشروش بالخير .. غير دخلو هدرت ..
الخدامة : وشراهي مدام حسناء ..
دارت حيزية ليها .. خزرت فيها مالفوق للتحت الشي لي خلا الخدامة تزيد تدخل فبعضها اكثر .. قربت ليها حتا رجعت المسافة بيناتهم قصيرة و هدرت ..
حيزية : واش دخلك نتي .. التهاي بشغلك و معادش فما مدام باسم حسناء .. انا هي المدام فهمتي ..
رعشت الخدامة فبلاصتها و هدرت بسرعة ..
الخدامة : مفهوم مفهوم ..
حيزية : طيري شوفي شغلك ..
و دارت شدت فزرة تعاونها تطلع بسبب رجلها .. هدرت بعصب ..
حيزية : مفهمتش سبب اهتمامهم بالخا*** هاديك .. اما قريب نتهنا منها ..
زهرة : متخميش فيها دوك .. اطلعي ريحي .. و غدوة نعيط للامام و لهيثم و يرجع يفتحلكم ..
حيزية : ماما لوكان ميقبلش ..
زهرة : خليها عليا ..
و طلعو للفوق .. اما الخدامة راحت تجري للمطبخ .. هزت كاس ما و شرباتو على دفعة .. و هدرت بينها و بين روحها ..
الخدامة : يا ربي واش ندير .. مندخلش روحي و خلاص الله يسهل عليهم ..
بقات هكاك تعارك فروحها .. حتا تفكرت الوقت .. نحات حوايجها و خرجت مالقصر راجعة لدارها ..
وقف هيثم .. قعد جاي رايح فالغرفة يخزر فحسناء و يخمم ..
هيثم : يمكن طاحت مالدوخة .. اما يمكن تكون حيزية .. لالا مشكيتش تخمم تقتلها .. اه يا رب تخمام راح يقتلني ..
هز تيليفونو و عيط لعصام لي كان قاعد معا رجال فساحة القصر ..
هيثم : الو عصام ..
عصام : وي آغا ..
هيثم : اعرفلي الا حسناء طاحت وحدها ولا كاين لي رماها .. نسحقك تسقسي كامل لي فالقصر ..
عصام : حاضر اغا ..
قص الاتصال و رجع قعد معا حسناء كعادتو يثبت فيها حتا هزو النوم .. فهاداك الوقت محمد كان قاعد فمكتبو .. هاز كاس شراب فيدو و يخمم ..
حتا وصلو ميساج مكتوب فيه انو حسناء دخلت لغيبوبة و هيثم راه معاها .. هز تيليفون و عيط
محمد : راك تراقب فيهم ..
الراجل : ايه اغا راني مراقبهم .. امرني برك و نقضي عليه بسهولة ..
محمد : لالا مزال ..
و قص عليه لابال .. رجع شرب كاسو على ضربة و هدر بينو و بين روحو ..
محمد : اه يا معاد لوكان فريتها ملول لوكان مراناش هنا ....
#ليلوشة
—————————————————
اوبالاتي 💜
احمودة واش يقصد محمد بجملتو الاخيرة .. فرايكم كانت عندو يد فالهجوم لول !! و راح يقتلو هيثم ولا نن !! واش راح يدير مثلا ..
حطووولي توقعاتكم طوال عراض و جوايه 1.30 نزيد نكتب زوج حلقات و نحطهم عندي شغل دوك مكلاه تتوسوسو معنديش راجل ههههه مهم ارقدو و غدوة تلقاوهم
#ليلوشة