👑 حسناء الآغا 👑

|| الحلقة 66 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 66 Il
جبدها عندو بكل قوتو .. طاحت عليه و صدرها خبط فصدرو .. هي رجعت حمرة مالحشمة .. و هو قعد يتبسم بشر .. و عاود هدر بصوت غالبة عليه البحة و عينيه مذبالين ..
هيثم : عاودي واش قلتي قتلك ..
قاعد تتهرب مالخزرة فيه .. رجعت هدرت و هي محبطة راسها بصوت كلو رعشة ..
حسناء : ما قلت والو اطلقني ..
و قاعدة تفرفط بين يديه اما هو كان اقوى منها و مخلاهاش تبعد .. خزرت فيها معقدة حواجبها و هدرت ..
حسناء : اطلقني ..
هيثم : بركاي متتحركي ..
حسناء : قتلك اطلقني ..
و بقات تتحرك و تحاول تفلت منو .. زاد شدها بيدو و لسقها فيه ..
طاحو خصلات من شعرها على وجهو استحلاهم .. رجع زير عليها و هدر ..
هيثم : حسناء حبسي راح تصرا عفسة متعجبكش .. حبسي متتحركي ..
حسناء : منحبسش اطلقني ..
هيثم : كيما تحبي ..
و حط يدو مور رقبتها و جبدها ليه بقوة و باسها على قد ما يقدر .. هي حبست ضربة وحدة .. عينيها تغمضو وحدهم .. يديها حبسو فوق صدرو .. نبضات قلبها تسارعوا .. نفسها تسارع ..
اما هو دخل فعالم العشق .. مستحلي شواربها .. خاصة كي حس عليها حبست .. يدها فوق صدرو دغدغوه ..
وقت حس بلي النفس تقطع عليها .. عضها مشاربها لتحتاني حتا تجرحت .. و بعد عليها اما بقا شادها عندو .. منضرها كان يشهي ..
بعدت عليه شواربها حمورة و قطرة دم كانت فشاربها لتحتاني ..
عينيها كانو يلمعو .. و شواربها يرعشو و خدوودها حمورة .. هدرت بصوت هادي ..
حسناء : هيثم اطلقني ..
هيثم : بنينة على لمرة لي فاتت علابالك .. هدرها بلا ميفيق ( حمار بيع روحو ) ..
حسناء : مرة لي فاتت ! مفهمتش .. و اصلا رد بالك تعاودها ..
رجع لسقها ليه .. نيفو خبط فنيفها و هدر ..
هيثم : و كي نعاودها واش راح ديري ياك مرتي ..
تخدرت اكثر بقربو .. خدات نفس عميق و هدرت ..
حسناء : والو .. قصدي تندم ..
ضحك عليها بالصوت .. حتا بانت فوصات صغيرة على خدو ..
تبسمت تلقائيا بلا متحس كي شافتو هكاك .. اما تمتم رجعت ملامحها باردة و هدرت ..
حسناء : اطلقني تجي مرتك تشوفك هاكا تزعف .. حرام عليك تخونها لالا ..
فيقاتو بهدرتها .. زعف شوية .. كان حاب يستمتع باللحظة و يهرب مالواقع شوية اما ميقدرش فكل مرة يصطدم بحيط كبيير .. حيط محبش يريب و يخليه يفوت .. هدر و هو يخزر فعينيها ..
هيثم : حسناء نسقسيك ..
حسناء : وشنو ..
هيثم : علاه رحتي معا معاد لتما ..
تعمرو عينها بالدموع وقت لي تفكرت واش صرا .. تعدا عليها شريط اللحظة هاديك ..
حسناء : ولله ......
—————————————————
اوبالاتي 💜
لبارح محطيتش قلتلكم مكنتش فدار و جيت عيانة رقدت ديراكت يعني مخليتكمش تسناو هكاك قلتلكم بلي الا مجيتش بكري معنتها مكاش حلقات ..
مهم حطووووولي توقعاتكم زعما حسناء راح تحكيلو ولا تبطل ! و حيزية كي تشوف شواربها كيفاه راح تفكر !!
راني نكتب بالحلقة و نحط راني بديت بكري قبل 12 باش نكتب تاع غدوة تان بسك غدوة تان راني رايحة للبحر ههههههه
#ليلوشة