👑 حسناء الآغا 👑

|| الحلقة 77 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 77 Il
حيزية : اوك مالا بالاك تغلط ولا .. انا نرجع ليهم و نجي معاهم ..
رجعت حيزية للغرفة ملقاتش هيثم .. لقات حسناء وحدها .. بعدها بمدة قصيرة جا نفس الممرض لي هدرت معاه حيزية و ساعدوا حسناء باش يدوها للغرفة الفحص ...
هيثم هاداك الوقت كان قاعد برا .. يخزر فلي رايح و فلي جاي و يتذكر فحسناء .. قلبو وجعو اما خذا قرار انو حتا هو يعيش حياتو ..
وصلو حسناء للغرفة .. حطوها فوق السرير .. كانت متوترة .. خايفة تكون صح حامل .. احساس مخلط قاعدة تحس فيه .. حتا هيثم رغم واش دار فيها اما غاضها .. حست من نظرتو انو قاعد يعاتب فيها ..
حطلها الجال على كرشها .. حساتو بارد ..
دقات قلبها زادو قواو .. رعشتها رجعت باينة .. حاطة يدها فوق صدرها لي كان يطلع و يحبط بسرعة ..
فهاداك الوقت لحق عندهم هيثم و بقا يراقب فالوضع من شقة تاع الباب بدون ما يحس بيه حتا حد ..
حط الطبيب الجهاز فوق كرشها و بدا يحركو .. و كل ما يحركو نبضات قلبها يتسارعوا و حتا هيثم كان متمني يسمع انو مراهيش حامل و انو كاين خطأ ..
الطبيب : شوفي راكي تشوفي هاد النقطة .. هادا هو الجنين .. راكي حامل فالاسبوع الرابع ..
غمض عينو بقوة و رجع فتحهم .. تبسم بانكسار و دخل .. وقف قدام حيزية لي كانت تخزر و عينيها يلمعو مالفرحة كانو هي لي راهي حامل ..
حسناء : متأكد ..
طبيب : ايه مدام مبروك .. اما لازملك تاكلي هاد اليامات جسمك راهو ضعيف بزاااااااف
بقات محبطة راسها و تلعب بيدها .. نطق هيثم معا الطبيب ..
هيثم : شكرا دكتور .. نقدرو ندوها دوك ..
طبيب : ايه ..
حيزية : هيثم نتا اديها انا نروح لتوالات تمتم و نجي ..
هيثم : اوك ..
خرج الطبيب متوجه للمكتب و خرجت موراه حيزية لعندو للمكتب ..
اما هيثم تقدم عند حسناء و هدر ..
هيثم : هايا نروحو باش ترتاحي ماشي مليح ليك ..
حاولت تنوضمن بلاصتها اما مفعول التخدير مزالو فيها ..
شافها هيثم هكاك .. رفدها بين يدو بحركة خفيفة .. خلاها تركز معاه فوجهو اما هو مخزرش فيها و كان متجاهلها ..
دورت يدها على رقبتو و خرج بيها .. مشا بيها فلكوروار اما تمتم حبس ..
دار و حسناء بين يديه و هدر معا الممرضة ..
هيثم : تقدري ديريلها ليزاناليز حاب نعرف علاه شيانت هاكا و واش ناقصها ..
الممرضة : اكيد ..
راحو متوجهين للغرفة باش تنحيلها الدم .. هدرت حسناء باستغراب ..
حسناء : علاه ليزاناليز ..
هدر هيثم بلا ميخزر فيها ..
هيثم : وعدتك نستحفظ على امانة خويا سواءا لي كانت راح تكون مرتو .. ولا وليدو ..
بدات تفرفط بين يديه و تهدر بعصب ..
حسناء : مشكور منحتاجش مساعدتك ..
كبس عليها هيثم بقوة خاصة فخصرها لدرجة انو خلاها تتوجع .. قرب وجهو لوجها .. نفسو يضرب فوجها .. نظرتو حادة .. و هدر بعصب ...
هيثم : .....
#ليلوشة
—————————————————
اوبالاتي 💜
ركزوووو هناااااا سر رااهو فهاد الحلقة حق ربي لي تجيبها لولة نمدلها تكتب الحلقة لي يتكشف فيها السر ..
بووون مع الاسف منعستش بصح تخلطتلي معرفتش علاه مقدرتش نكتب شغل مقظرتش يدي تربطو زمررر صوو راح نحبس هنا باش منهردهاش و غدوة نحطلكم تاع ليوم مور العصر و تاع غدوة كالعادة فليل
#ليلوشة