👑 حسناء الآغا 👑

|| الحلقة 81 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 81 Il
رجع غلق الباب .. و خرج متوجه لغرفة حيزية .. ماشي عارف لي قاعد يصرا معاه علاه .. كيفاه حتا تعلق بيها فمدة قصيرة .. اخر حاجة كان متوقعها انو يعشق .. هو لي كان ميهتم بحتا شخص رجع يتمنى نظرة من عند حسناء .. هدر بينو و بين روحو ..
هيثم : مغلطش لي سماها حسناء .. اما نفضل عشق ( حوجي حوجي انا اسمي عشق يا وليد لحرام عاودتهالك خمطاش مليار خطرة ) ..
تكسل فالسرير .. حتا داه النوم .. و تعداااو ساعات و هوما راقدين ..
بدات تشرق الشمس .. و بدا الالم فكرش حسناء .. مفعول العشبة يطول فيها .. عندها عدة اعراض اخرى من غير الاغماء لي هي غثيان .. صداع .. فقدان مؤقت للرؤية ( مكاش منها هاد العشبة خرطتها من راسي باش تتناسب معا الاحداث هههه ) ..
ناضت حاكمة فكرشها و دخلت تجري للدوش تتقيا .. بعدها خرجت صفرة ..
خزرت فروحها فالمرايا و هدرت ..
حسناء : زعما اعراض الحمل بداتني روطار !! ..
تجاهلت احساسها فالالم .. و رجعت لسريرها تقاوم فيه و تحاول تلتي روحها بتيليفون ..
نروحو عند هيثم لي غير فتح عينو قابلاتو حيزية قدامو راقدة .. دار للجيهة لي ملهيك .. و ناض .. دخل للدوش غسل و لبس حوايجو ..
خرج قابل لمرايا .. مشط شعرو و حط ساعتو و بارفانو و رجع الآغا .. و رجع وقت الخدمة و رجع الوقت لي يوقف فوجه محمد ..
فتح لباب و جا حابط .. حب يطل على حسناؤ اما نفخ و نفض راسو من الافكار لي قاعدة تجيه و حبط للتحت .. لقا الخدامات حطو القهوة و كان هو اول واحد ينوض ..
شرب قهوتو خفيف خفيف و خرج .. لقا عصام برا هدر معاه ..
هيثم : عصام ..
عصام : انعم آغا ..
هيثم : الصناديق هادوك تاع عشيرة سعيدي .. راح نروحو نحوهم ليوم .. و الا اعترضوا تعرف واش دير .. جهزلي الرجال اما وصيهم ميبانوش .. نبان غير انا و نتا .. اي مقاومة قولهم يقوصو ميهتموش بيا ..
عصام : اما آغا راك متصاوب ..
هيثم : ميهمش .. يلاه لمهم .. انا نسبقكم نشوف الحالة و كي توصلو عيطلي ..
عصام : حاضر ..
راح عصام يجمع الرجال .. و هيثم ركب سيارتو و توجه للارض ..
فهاداك الوقت فاقت حيزية .. ملقاتوش قدامها .. لبست حوايجها و حبطت ..
حيزية : وين راه هيثم ..
الخدامة : الآغا خرج مقبيل شوية ..
تنفست باريحية دارت فبالها انو راح عند حسناء .. بعدها جات زهرة و بقات تحكيلها واش دارت و متبسمة ..
زهرة : يعني ماشي صح راهي حامل ..
حيزية : ايه هههه اما رجعت لصالحي ..
و كملو يقصرو و يخططو .. بعد مدة قصيرة وصل هيثم للتما .. جبط سلاحو فيدو و بقا يتفقد فالحالة .. الصناديق مزالهم تما و محركوهمش ..
سمع صوت موراه حبس ..
محمد : راك مستغني على حياتك يا هيثم آغا ....
#ليلوشة
—————————————————
اوبالاتي 💜
احمممم الحلقة الجاااية مطرطقة الحلقة الحاية بووومبة .. متحمسة نكتبها بالاك افضل حلقة راح نكتبها هي هادي ههههه جهزووولي روحكم خلو كومنتار هنا و اجروو للحلقة لي مورااها ..
#ليلوشة