👑 حسناء الآغا 👑

|| الحلقة 28 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 28 Il
يخزر فيها مصدوم .. عينيه مركزين معاها و وذنيه مركزين معا هدرتها .. دار خزر فسمر .. لقاها خاطة يدها على فمها تضحك و تبكي و يد حاطتها على كرشها . هي زادة مش مأمنا لي قاعدة تقول فيه طبيبة ..
رجع خزر فطييبة و هدر و فصوتو رعشة تاع بكا و مرة يخزر فالطبيبة و مرة فسمر ..
جابر : متأكدة دكتورة .. م متأكدة ياك ..
طبيبة : متأكدة 100% .. و رفدة صورة الايكو و مدتهالو و هدرت ..
طبيبة : و اتفضل هادي تصويرة ليبيبي ..
رما يدو ليها و قاعدة يحس فيها ثقييييلة .. مش مصدق لي صرا .. بين لحظة و لحظة تغير الحزن للفرحة ..
هز الصورة فيدو و يخزر فيها .. راسو مطلعوش .. خزر فسمر .. و ضحك بالصوت ..
جابر : ههههه ما بيك والو .. هادو ولادي برك خرجو لباباهم يديرو الخلعة ..
و هي بالدموع هكاك طرطقت بالضحك و حتا الطبيبة ضحكت معاهم و فنفس الوقت غاضوها ..
وقف جابر و وقفت سمر و عنقها على قد ماااا يقدر لدرجة انو وجعها ..
سمر : اي جابر بلعقل راك قتلتني ..
جابر : ايه صح ..
بعد عليها بلعقل و هو يضحك ضرسة لعقل قريب تبان مالسعادة ..
دار عند الطبيبة تشكرها .. و خرج هو و سنر اليد فاليد .. يخزر فيها و عينيه مليانين دموع فرحة .. مليانين معاني فهمتهم بلا ميهدرهم .. لغة العيون كانت سيدة الموقف فهاديك اللحظة ..
وصلو لطونوبيل وين كان سلمان يستنى فيهم .. خرج يجري منها و هدر ..
سلمان : هيه وليدي طمني ..
جابر : حمدلله بابا راح ترجع جد للمرة الثانية و الثالثة ..
سلمان : حمدلله يا ربي .. و عنق وليدو و بارك لسمر .. اما استوعب هدرتو و رجع هدر ..
سلمان : كيفاش مرة ثانية و ثالثة ..
جابر هدر و هو يضحك بالصوت ( اكتيفا مود مرت الدايم هههههه ) : توام بابا تواام ...
سلمان : اوووو ماشاء الله وليدي .. يترباو فعزكم ان شاء الله ..
قاطعتهم سمر و هدرت ..
سمر : هايا نرجعو ياسمين هليتها معا للخدمات نخاف عليها .. دوك تخاف هي تان كي متلقانيش ..
جابر : ايه صح هايا نرجعو ..
طلعو كيفكيف فكونوبيل و الفرحة مش سايعتهم خاصة جابر ..
نرجعو عند هيثم .. لي كان على حصانو يمشي بيه بلعقل و رافد فيدو حسناء .. لي كيما داااار مقدرش يبعد عينو منها .. فكل مرة يخزر فيها .. و فكل مرة يتأكد انها تتنفس .. ناشي فاهم علاه راهو هايف عليها لهاد الدرجة .. ماشي فاهم علاه راهو رايح بيها لقصر ال ضافر و هو علابالو انو لوكان يشوفوهم هاكا و هي مزال مولاتش على اسمو راح تقوم القيامة و راح يقتلوه بدون ما يرفلهم جفن ..
اما فكل مرة يخزر فيها يروحلو هاد التفكير .. و ينغمس فعالمو وحدووو فعالم تكون فيه حسناء الآغا برك ..
نفض الافكار لي فمخو .. خزر فالقصر لي كان قريب ليه و هدر معا روحو ..
هيثم : صحصح هيثم وشبيه .. واش قاعد يصرالك .. ركز على روحك راهي مجرد عاه** صغيرة كانت معا خوك و راح تتستر عليها لا اكثر لا اقل ..
حاول يقنع روحو بهاد الافكار و طبعا بعد صراع بين قلبو و عقلو .. عقلو لي غلب ..
وصل للقصر .. حبس الحصان .. حبط منو و هو رافدها .. راسها محطوط فرقبتو سواسوا .. نفسها يضرب في رقبتو .. هدر بلا ميحس ..
هيثم : راح تهبلني ..
دخل بيها للقصر .. لقا روحو فوسط الصالون لكبير .. قابلو دروج .. تفكر وقت شافها حابطة فالخطبة و هدر معا روحو ..
هيثم : اكيد غرفتها لفوق ..
توجه للدروج و طلع فيه .. قابلوه عدة غرف و معرفش شكون فيهم غرفتها ..
اما كانت كاينة باب معلق فيها ورد مالبرا .. ورد ابيض يشهي .. تقدم لباب هاديك و شم ريحها يعرفها .. تبسم على جنب و هدر ..
هيثم : ريحتك .. ( يا ربي ابعتلي عبد يحبني لدرجة يحفظ ريحتي ههه ) ..
رما يدو و فتح لباب .. قابلو سريرها و كادر فيه تصويرتها .. تبسم بانتصار لانو عرف غرفتها من ريحتها ..
دخل حطها فوق سرير .. هز كاس ما كان قدامو و بدا يطرشها بلعقل .. حتا رجعت شبه فاطنة .. اما غمضت عينها .. عنقت مخدتها و رجعت رقدت ..
تبسم على تصرفها .. و على روخها الطفولية و طريقتها فالرقاد ..
غلبو قلبو .. حبط باسها من راسها و دار رايح .. خرج بلعقل و غلق الباب بلا ميعمل حس باش ميفيقهاش .. هو غير ظاار قابلو حابر و وجهو ميبشرش بالخير ....
#ليلوشة
—————————————————
اوبالاتي ..
راااح تتخلط يا جدكم جابر تحلبلو .. لوكان يقتلنا حبيب قلبنا كيفاه نديرو اه انا نعتزل الكتابة هههههه..
حطولي تشوو توقعاتكم لواش راح يصرا بيناتهم .. زعما راح يتفاهمو ولا تزيد تتخلط بيناتهم اكثر ..
خلو توقعات طواااال عراض و خلو تعليق نروح نكتب كي نزيد نحط نجي نديرلكم جمجمووووم
#ليلوشة