👑 حسناء الآغا 👑

|| الحلقة 20 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 20 Il
سماعيل : ي يد شكون لي تطلب ..
صالح : يد حسناء ..
وقف جابر و توجه لعند سماعيل و هدر و هو مزير على سنانو ..
جابر : سماعيل اقعد بركانا مالمشاكل .. واش صرالك هبلت ..
سماعيل : اغا مراكش تسمع واش راهو يهدر .. هبل هادا ..
جابر : سماعيل راني محتارمك فوجه العشرة لي بيناتنا متخلينيش نتصرف معاك تصرف وحدوخر .. معندك ما دخلك فامور العيلة ..
غرغرو عينيه بدموع .. حاول يتماسك روحو و هدر و هو مكسور ..
سماعيل : آغا راح تضيعو الطفلة .. هادا واش نقولك ..
و هدر معاهم بصوت عالي ..
سماعيل : انا نخرج سلام عليكم .. و غير خرج مالصالون دمعتو طاحت .. مكفاش صغرونتو اغتاصبوها قدام عينيه .. مسها راجل غيرو .. و شافها غيرو و دوك راح يزوجوها لغيرو .. ( قسملي قلبي يا ناس .. سمخلي سماعيل كي درت حكايتك هاكا .. )
اما تمتم مسح دموعو .. زير على قبضة يدو و هدر ..
سماعيل : مستحيييل .. مستحيل ..
و خرج معصب مالقصر ..
نرجعو لصالون .. ٠ابر رجع قعد فبلاصتو تحت نظرات هيثم لي معبوش واش صرا اما حاول يقنع روحو انو عادي .. و هدر بينو و بين روحو ..
هيثم : قائمة الاعداء راهي غير تزيد ..
نفخ بالقاوي و عدا يدو على شعرو .. رجع هدر صالح ..
صالح : مستنيين جوابكم ..
سلمان : رانا قابلين ..
صالح : و العرس بالجمعة راك عارف ..
سلمان : عارف .. و عارف زادة انو راح يتزوج زوج ماشي حسناء برك .. مش هاكا آغا .. و خزر فهيثم..
وقف جابر مصدوم .. مكانش علابالو بحكاية زوج عرايس فنهار ..
جابر : كيفاه مفهمتش فهموني ..
زاد تعصب هيثم اكثر .. مكانش حاب يقوللهم .. كان حابها تكون مفاجأة ليهم ..
سلمان : راهو خاطب حيزية من قبل ..
هيثم : لسان مرتي ميجيش على لسانك ..
جاابر : كيفاه نمدولك الطفلة و نتا راك موجد عروستك ديجا ..
بدا الجو يتوتر .. و الحالة بدات تتخلط.. زاد وقف هيثم و تقدم عند جابر و هدر ..
هيثم : ما عندك ما دخلك فحياتي ركز على الامر لي جيب نديرو و اسكت ..
جابر : و نسابك راهم عارفين بلي راح تتزوج على بنتهم و فنفس النهار .. و تبسم على جنب كأنو يهدد فيه ..
هيثم : للمرة الثانية ماعندك ما دخلك ..
بعد عليه جابر و راح لبلاصتو قعد .. و هدر ..
جابر : رانا قابلين .. متشوق نشوفك تتبهدل بين نسابك و ضحك ..
كان راح يضربو اما صالح هدر و هدا الوضع ..
صالح : هيثم .. ارواح ..
راح هيثم قعد قدامو و هدر معاه صالح بلعقل ..
صالح : هيثم هدي روحك .. مش وقت المشاكل نظن لي عندك يطفوك .. خلينا نفرو الامور و نرجعو لانو الا طولنا راح تتخلط الحالة ..
هيثم : نظن فريناها نقدرو نروحو ..
صالح : مزال الرؤية الشرعية و الخاتم ..
للحظة لمعو عينيه وقت لي قال عمو الرؤية الشرعية يعني راح يشوفها مرة وحدوخرا و هاد الخطرة وحدهم ..
قطع على تفكيرو صالح ..
صالح : وين راهي البنت باش يشوفها و يلبسلها الخاتم ..
هيثم هدر بينو و بين روحو : انا علابالي وين راهي نوض برك ..
ناض جابر و هدر ..
جابر فالغرفة لي قدام الصالون .. كان راح يوصلو اما سلمان حكم جابر عند بابا الصالون يهدر معاه .. و هيثم كمل طريقو وصل لشومبرة و طبطب ..
سمر : راهم جاو انا نخرج منا و بلا منوصيك ..
الغرفة هاديك فيها بابا تخرج لجاردان .. خرجت منها سمر ..
سمع صوتها مالداخل ...
حسناء : ادخل ..
و فتح لباب .. و بدات تبانلو بلعقل يلعقل .. حتا بانتلو كامل .. قاعد على طرف الفوتاي .. تلعب بصباعها.. محبطة راسها و خدودها يبانو حمووورة ..
رما خطوة داخل الشومبرة .....
#ليلوشة
—————————————————
اوبالاتي 🔥
اولا ابداو تخافولي مسماعيل ملقري يغيييض مي واش رايكم زعما راح يخلطها .. و الاهم احكووولي تشو واش راح يصرا نهار العرس..كيفاه راح يدير هيثم هههه مكلاه تخمولي فكذا منا ملهيه ههههو ثاني اهم حااجة احكولي تشو واش راح يصرا فالحلقة لي مووور هادي هيثم راح يشد روحو زعما .. اتخايلو و احكووو
نروح نتعشا و نرجع نزيد نكتب الا قدرت .. خلولي تعليق هنا فالرد غير نحط نجمجملكم
#ليلوشة