👑 حسناء الآغا 👑

|| الحلقة 57 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 57 Il
خزرت فيه حيزية معصبة .. و هدرت ..
حيزية : كيفاه بلاصتها مفهمتش ..
هيثم : هادي غرفة حسناء .. ياك غرفتك تعرفيها و كنتي فيها و هادا فراش حسناء يعني ليلة تاع ليوم معا حسناء و غدوة معاك ..
حسناء معا لول فرحت و تبسمت اما كي قال غدوة معاك رجعت حست بنفس لوجيعة فقلبها .. مجرد انها تتخايل يمس مرا وحدوخرا يخليها تولي مهبولة .. حتا هي و ماشي فاهمة روحها علاه قاعدة تحس هكا ( انه العشق يا جماعة ) ..
رجعت هدرت حيزية مرة وحدوخرا بعد ما ناضت من فوق لفراش ..
حيزية : ماشي قلت تزوجتها علاجال ظرف و كنت مضطر .. ولا جبتلي ضرة نهار عرسي و زيد تبات معاها هي لولة و انا ساكتة و نتفرج ..
هيثم : ايه هي تان مرتي .. نتوما حطيتوني فغرفتها ماشي انا قلتلكم ..
حيزية : كيفاه مرتك .. انا هي لي مرتك ..
هيثم : و حتا هي مرتي ..
خبطت رجلها فلرض بعصب و توجهت للباب خارجة و تهدر بينها و بين روحها و هي مزيرة على سنانها و على قبضة يدها ..
حيزية : انا لي نوريلك شكون مرتك .. معليش هيثم اغا نشوفو كيفاه تحافظ على مرتك ..
خرجت و خبطت الباب موراها على قد ما تقدر ..
دار هيثم يخزر فحسناء لي كانو ملامحها باردين .. حيزية فكرتها فمكانتها .. فكرتها فهدرتو عليها قدام كامل العشيرة كبير و صغير ..
رجعت قعدت على طرف السرير .. رفدت مغرفة و قربتهالو لفمو تسنا فيه يفتحو بلا مهدرت حتا كلمة ..
بقات توكل فيه و تتجنب انها تخزر فعينيه و هو من لي بدات توكلو هو يخزر فشواربها بقات فقلبو هاديك البوسة ( شكون تتبرع ههههه ) ..
كملت وكلتلو .. ناضت حطت سنيوة بعيد .. فتحت الكابة تاعها جبدت بيجامة لونها violet و دخلت للدوش تبدل ..
قعد يتبع فيها بعينيه حتا دخلت .. خزر للطرف الثاني تاع سرير و تخايلها راقدة قدامو تبسم بلا ميحس ..
رجع راسو للور و بقا يخمم فهدرتو لي هدرها عليها .. كيفاه جرحها باا ميحس و هي وقفت معاه و تهلات فيه وقت لي تصاوب و بقات معاه غير هي ..
عدا يدي على وجهو بندم .. و هو هكاك خرجت حسناء مالدوش .. شعرها مطلوق .. و وجها صافي بلا ماكياج و البيجامة رجعتها تبان طفلة صغيرة ..
تبسم و هو يخزر فيها ..
طلعت راسها لقاتو يخزر فيها .. ترسمت على وجها علامات الاستغراب و هدرت ..
حسناء : وشنو ..
هيثم : والو ارواحي ..
حسناء : وين نجي ..
هيثم : عندي .... ( زدق زدق .. )
#ليلوشة
—————————————————
اوبالاتي 💙
هادي الحلقة تاع البارح كانت واجدة .. تاع ليوم راني نوجد فيهم من دوك مي منحطش دوك نحط فليل بسك راني غير نلقا فراغ نكتب تسما كي نكتب كاش 3 حلقات باش نحط ..
حطووولي توقعااتكم على الرومنسية لي راهي جاية هههه قاللها ارواحي عندي احموودة
#ليلوشة