👑 حسناء الآغا 👑

|| الحلقة 73 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 73 Il
يشوف فيها كيفاش طايحة فلرض قريبة للسرير .. الزجاج مكسر قدامها .. شعرها مرمي على وجها ..
بدا يعاود فاسمها بين شواربو و فكل مرة يزيد فالصووت ..
هيثم : حسناءء .. حسنااااء .. حسناااااء ..
مقدرش يتحرك مبلاصتو ..خاف يمسها تكون ميتة .. مقدرش يستوعب .. نفس منظر قمر و خوه ميتين قدام بعضاهم.. نفس الوضعية لي ماتت بيها قمر راهي بيها حسناء ..
بعد مدة قصيرة فاق على روحو .. طار ليها .. يدو ترعش .. نفسو متسارع .. قلبها على ضهرها .. يشوف فالجروح لي دارهوملها هو .. رجع يبكي .. يمس فيها فوجها .. خايف عليها .. نفسها خفييييف ..
فهاداك الوقت كانو تلمو تما لانو سمعوه يعيط كان الهدوء ..
رفدها بين يديه .. دار ليهم عينيه معمرين بالدموع .. مقدرش حتا يهدر و يقوللهم جهزو السيارة ..
تبسمت حيزية بشر .. خطتها نجحت و راهي تسير كيما حبت اما شي لي متوقعاتوش ردة فعل هيثم .. اول مرة تشوفو يبكي .. اول مرة تشوف خوفو و رعشتو على بنادم .. اما حاولت تتجاهلو و طارت حبطت تجري طلبت منهم يجهزو طونوبيل .. حبط موراها هيثم يجري .. نظرو مثبت عليها .. و فكل مرة يتفحص نفسها ..
ركب معاها ملور و هي فحضنو .. راسها محطوط بين رقبتو و صدرو .. خصلات من شعرها كانو على وجها .. يد هيثم وحدة محطوطة فوق خدها و وحدة مدورة على خصرها ..
صالح كان يسوق و حيزية راكبة ملقدام .. و متبسمة بانتصار و تتفكر واش دارت ..
~~ فلاش باك ~~
بعد ما ضربها هيثم و خرج .. ناضت من بلاصتها معصبة على لخر .. توجهت لغرفتها عدلت روحها و هدرت معا روحها ..
حيزية : تندم يا هيثم كي نتا كي لي ضربتني على جالها ..
تبسمت معا روحها فالمرايا و رسمت الابتسامة البريئة على وجها و حبطت للمطبخ ..
لقات سنيوة تاع الماكلة تاع حسناء محطوطة فوق الطابلة و الخدامة قدامها ..
دخلت حيزية و هدرت معا الخدامة ..
حيزية : اسمعي نتي واش شفتي مقبيل بالاكي نسمع واحد سمع بيه نشرب من دمك سمعتي ..
حبطت الخدامة راسها و هدرت ..
الخدامة : حاضر ..
حيزية : روحي شوفي ماما زهرة الا كاش ما تسحق و ارجعي طلعي الماكلة للي متتسماش ..
راحت الخدامة كيما قالتلها حيزية .. تشوف فيها رايحة و متبسمة .. حتا مرجعتش تشوفها دخلت يدها فصدرها و جبدت صاشي صغيير .. كان فيه عشبة مخدرة و تقلل نبضات القلب ( مكاش منها خرطتها من راسي هههه ) ..
حطتها فالماكلة و هي متبسمة و هدرت بشر ..
حيزية : راح طيح ففخ اكبر مندالفخ لي قبلو يا حبيبي ..
كملت حطت واش حبت و خرجت بلا ميشوفها حتا واحد و قعدت فصالون مقابلة لباب تاع المطبخ تسنا تشوف الخدامة بلي دات الماكلة صح .. شافتها رجعتو رفدتها و جات طالعة عند حسناء .. اما قابلتها جهيدة فدروج شداتو عليها .. و داتو هي لحسناء ..
حيزية : هاكا احسن الا فاقو كاين فيمن نحصل ههههه ..
بعد ما كلات حسناء .. حست روحها غريبة .. حست باختناق .. حبت تشرب الما اما كان بعيد عليها .. تسارعوا انفاسها و رجعت تعرق .. وقفت من بلاصتها بصعوبة .. مشات خطوة و بدات رؤيتها تضبضب و دنيا دور بيها ..
حسناء : عييت ..
كانت تهدر و تخلط فالهدرة كأنها هلوسة .. غير خطات الخطوة ثانية طاح الكاس من يدها تكسر و موراه طاحت هي بقوة على لرض ....
#ليلوشة
—————————————————
اوبالاتي 💜
تخلطت عليها حيزية ياودي الا فاقلها هيثم حق ربي دقيقة متزيدهاااش .. حطووولي توقعاتكم طوااال عراض زعمة وشنو هي خطة حيزية نروح نكتب بي موراها و نجي نحطها اوووكي
#ليلوشة