👑 حسناء الآغا 👑

|| الحلقة 12 ||

🔱 حسناء الآغا 🔱 بقلمي ليلوشة 🔱
🔸️ حصريا على كرونيكات اوبال 🔸️
—————————————————
lI الحلقة 12 Il
خرج مالغرفة و سكر موراه الباب و راح لمكتبو يكمل يخدم خدمتو باش يفضا نهار عرسو ..
نرجعو عند جابر .. وصل عند الاسطبل .. فتح الباب و دخل عندها ..
شافتو تغرغرو عينها بالدموع .. خوها و امانها و سندها ماشي مأمنها هو تان .. حاولت توقف اما مقدرتش .. جسمها كلو مدمدم و مكسر و زروقية بارزة على لحمها .. شفتها التحتانحية منفوخة و يسيل منها دم ..
حبط راسو يتجنب يخزر فعينها .. نظرتها نظرة مظلوم .. نظرة شخص ضعيف يحتاج سند و ملاك حامي ..
جابر : كيما سمعتي راح تتزوجي .. اتحملي مسؤولية افعالك .. خنتي شرف العايلة معا عشيرة شعابني و راح تروح عروسة ليهم اتهناي ..
ضحكت ضحكة خفيفة .. خلاتو يطلع راسو و يخزر فيها .. للحظة دار فبالو هبلت .. دموع ؤطيحو من عينها و تبسيمة مرسومة على وجها ..
هدرت بصوت خافت مسيطرة عليه الرجفة ..
حسناء : ههه اخر واحد كنت متوقعاتو يأمنهم .. يجي وقت ياا آغا و تعرف الحقيقة تاع صح .. بصح تما يكون فات الوقت .. يعطيك الصحة .. تقدر تخرج دوك و تخليني وحدي ..
جابر : لالا تجي معايا تطلعي لغرفتك ..
حسناء : اه خلاص رجعت عبد دوك ماشي كنت حيوان رميتوه فالاسطبل ولا راني غالطة ..
تعصب من هدرتها .. و هدر معاها بعصب و صوت عالي ..
جابر : سكري ر* فمك و نوضي اطلعي لغرفتك منشوفش وجهك ..
خرج و خلالها الباب مفتوحة و قلبو واجعو عليها .. كل ما يحاول يتعامل معاها مليح يتفكر المظر لي شافو يرجع يعصب ..
ناضت من بلاصتها بسيف .. مستندة على الحيط و تمشي بلعقل .. خطواتها صغاااار .. تحس بوجيعة كبييرة اما متحملتها و تمشي ..
وصلت لعند باب الاسطبل و خرجت .. اول حاجة دارتها .. غمضت عينها و طلعت راسها لسما و استنشقت هوا نقي و هدرت ..
حسناء : ياا ربي نتا عالم بحالي و بنيتي .. عارفة اني غلطت كي رحت تما اما خافت على خويا .. خويا لي مغضتوش و مشفتش منو ولا ذرة رحمة .. يا رب عاوني ..
رجعت حبطت راسها و كملت طريقها مستندة على الحيط حتا وصلت لغرفتها .. فتحت الباب دخلت و قابلها سريرها .. تبسمت ببراءة و قدمت ليه و تكسلت عليه و تنهدت .. خزرت فالسقف و تفكؤت كيفاه تبدلت حياتها بين ليلة و نهار .. كيفاه رجعت المنبوذة فعشيرتها بعد ما كانت المدللة .. كيفاه وثقت بشخص غريب اول مرة و طعنها فظهرها ..
رجعو تعمؤو عينها بدموع .. انا تمتم نفضت راسها من هاد الافكار و ناضت من بلاصتها .. دخلت للحمام تعمل دوش ..
بعد مدة .. خرجت مالدوش تحس فروحها مليحة شوية .. نحالها التعب و الالم .. تكسلت على فراشها و عنقت مخدتها .. حتا جات بين عينها صورة هيثم ..
وهرتو .. و رجولتو .. و هيبتو و كيفاه يخافو منو .. و تفكرت زادة نظرتو و هدرت بينها و بين روحها ..
حسناء : يبان ناس ملاح .. اما اكيد داير كيما خوه و اكثر منو ..
و هس هكاك دخلت عندها سمر .. شافتها ناضت تجري من بلاصتها رغم وجيعتها و قدمت ليها و عنقتها بقوة ..
حسناء : سمر راح يزوجوني .. راح يزوجوني و انا مادرت والو ..
سمر : سمعت يا روحي سمعت .. مكاش حل من غير هادا ..
تقدمو كيفكيف و قعدو على طرف السرير .. و هدرت حسنتء بصوت خافت ..
حسناء : لالاكاين حل وحدوخر ..
سمر : و لي هو ..
حسناء : نهرب ...
#ليلوشة
—————————————————
اوبالاتي 🔥
بدااات حسناء و مشاااكلها حوجي انااا .. احممم راهي بداات تولس ضدهم زعما هيثم راح يقدرلها ؟؟ و سلمان الداندو راح يبقا بلا مشاكل .. و سماعيل عندو فترة مبانش راح يسكت محبوبتو راح تتزوج 🥺 ..
خلولي توقعاتكم طواااال عرااااض ..
و خلو تعليق هنا غير نزيد نحط نجمجملكم
#ليلوشة