🌓 بيـــــن الثـــــراء والباديـــــة 🌓
❤︎ ☕︎ 𝐵𝑦 : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
🌖 حينما نتقبل الاختلاف ، نحصد أجمل ثمار الحب والتناغم 🌘
الحلقـــــة : 1
▪︎ فأحد الغرف الأنثوية بالإمتياز كانت ناعسة واحد البنت على سرير كبير لي فاللون الوردي ومعنقة واحد دبدوب كبير فالأبيض...
• كانوا ملامحها هادئيين ، فمها فالوردي وبشرتها صافية نتيجة الإعتناء دائم بيها... اما شعرها لي كان فاللون الأحمر الغامق ، وكان شاد الوسادة كلها...
• تحل عليها الباب ودخلت امرأة لي من ملامحها وتجاعيد لي فوجهها باينة بلي دات وجابت فزمان... مشات كتحل فالخميات لي كانوا مغطين على شمس ومظلمين المكان لي كان كلوا فالوردي...
نزهة [وهيا كتحل فالشرجم ومخاطباها بالكلامها] : وا بنتي الحبيبة نوضي باركة عليك من نعاس راه باباك كيتسناك لتحت باش تفطروا بجوج
• غطات راسها بالمخدة بدون الرد لكلامها... قربات منها نزهة بشوية وبركت جنب سرير وهيا كتقيس ليها فأطراف شعرها...
نزهة : وا غيمة بنتي نوضي باركة من العكز نوضي خلاص خليني نمشي نكمل شغلي
• تنهدت وهيا كتشوف فيها كيفاش مكتجاوبهاش... سكتت لمدة طويلة وهيا كتفكر عاد نطقت...
نزهة : عرفتي اغيمة باباك غادي يمشي يخرج وقاليا مراجع حتال لعشية
غيمة [ناضت بركت وهيا قافزة] : والفلوس اويلي باش غادي نخرج معا صحاباتي باش نديروا شوبينغ
• ناضت نزهة غادة خارجة من البيت بلاما تجاوبها وهيا كضحك فخاطرها وكتحسب...
” فخاطرها ”
نزهة : 1 ، 2 ، 3
• مجات فين تكمل حسابها حتا وقفت عليها بشعرها لمطلوق وتيشورط وشورط تاعوا لي لابسة فالغوز... وقفتها وهيا شاداها من كتافها ومخرجة فيها عينيها زرقين...
غيمة [وهيا كتخسر فملامحها] : دادة حبيبتي ، قلبي ، غزالتي متقوليش ليا خرج ومخلاش ليا الفلوس
نزهة [ضربتها على راسها وهيا كضحك] : سيري دوشي ليك ونزلي تفطري راه كين لتحت كيتسناك تفطري معاه
• شدات على راسها ومشات تلاحت فوق ناموسية بتكاسل وبدات كتغوت وهيا مزيرة على الوسادة لي خاشية وجهها فيه...
غيمة [وهيا كتغوت] : دادة حشومة عليك
نزهة [مشات وقفت ليها على راسها] : ونوضي راه والله حتا بصح غادي خارج وهوا لي قاليا نجي نفيقك
غيمة [ضارت شافت فيها] : راه باقي الحال
نزهة : راه 10 هادي وهوا غادي يفطر ويمشي
غيمة [وهيا كتذبل فعينيها] : عفاك خودي من عندوا لفلوس ومعا 1 فيقيني
نزهة : انا غادة بحالي نكمل شغلي ونتي منك ليه بغيتي الفلوس نزلي ليهم
• خرجات نزهة وخلاتها شادة على راسها وهيا متكية على ضهرها فوق ناموسية...
✍︎ من تأليف والكتابات : 𝑂𝑢𝑚𝑎𝑖𝑚𝑎 𝑀𝑎𝑟𝑖𝑝𝑜𝑠𝑎 ☕︎ ❤︎
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
أنت تقرأ
بين الثراء والبادية
Humor🌓 بيـــــن الثـــــراء والباديـــــة 🌓 ❤︎ ☕︎ by : Azorita | أزوريتا ☕︎ ❤︎ 🌖 حينما نتقبل الاختلاف ، نحصد أجمل ثمار الحب والتناغم 🌔 ⚠︎ غير محللة للإعادة نشر لأي شخص نهائيا ⚠︎ " بين اللمعان الفاخر والألوان البادية ، اكت...
